نيران الشهم

part 《14》

-نـيران الـشهم
:-ابرار محمد

:-《لاتنسون التصويت التعليق على كل فقره 》

هل والبيه ماينكال

هلي والضامهن بكلبي ثكال

هلي ريت العمر يخلص

ولاهل حال

اسرار: فزيت على صوت القرأن وهو يقرة رجعتلي راحتي بسبب هذا شخص جتي ممرضه كامت تبدلي ملابسي وخلتلي عطر حلو... كعدتني على كرسي متحرك واني ما احس بجسمي ولا بأديه انقهرت على حالتي كتمت قهر بكلبي خذتني على صاله طلعت واني متفاجئه منضر البيت وشحلاته كله ابيض بأسود باوعتله من بعيد جان لابس زي رسمي اسود وساعه سوده وشعره مزينه ومسويه خفيف بيده جاي والاكل على طاوله رحنه بتجاه طاوله باوعلي وابتسم

حارث:صباح الخير شلونج اليوم

اسرار: الحمدالله

حارث:مستعده اليوم

اسرار: لشنو

حارث:شنو نسيتي فحوصات

اسرار: يي صح بس سؤال

حارث: تفضلي

اسرار: شلون راح اتعالج من الشلل اشرحلي وليش اني ماكدر احرك جسمي ليش موهو شلل نصفي

حارث: ماحبيت اصدمج وانطيج ياها من الاخير بس ردت انطيهه الج بالتداريج لأن جنتي بحاله كلش مزريه لدرجه انتِ مصابه بشلل النصفي اني وياج نعرف هذا الشي بس علاجك راح يطول شويه ومده لاتقل عن سنتين او ثلاثه وحسب قدره الجسم وكذالك لايمكن تحديد مده الشفاء ردت اليوم اكولج من اخذج واسويلج تحاليل...

اسرار:وليش مكتلي ليش جذبت عليه شضام ...بعد عني كلي ويمكن حته بعمري ماراح امشي او، اوكف على حيلي

حارث: على كيفج أهدي ولاتفكرين اكو هواي علاجات واكو علاجات طبيعيه تخليج تصيرين احسن

اسرار: شنو هيه

حارث:أفضل علاج للشلل النصفي هو العلاج الطبيعي و ممارسة الرياضة، فيمكن أن يتكيف مريض الشلل النصفي مع تمارين إعادة التأهيل لاستيعاب المرض ويعتبر هذا هو مفتاح الانتعاش والتعافي، فيعتبر العلاج الطبيعي هو العلاج الفعال الأول لمرضى الشلل النصفي, وفي هذا المقال سنتعرف علي أفضل علاج للشلل النصفي.

اسرار:اكو امل شكد لازم اتعالج كم مده وضحلي ما دا استوعب

حارث:كتلج وارجع اعيد ،، تختلف مدة الشفاء من الشلل النصفي بين المرضى فبعضهم يمكنهم استعادة القدرة على الحركة بعد عدة أشهر ومرضى آخرين يستغرق الأمر معهم عدة سنوات للتخلص من مشكلة توقف الحركة واستعادة نشاطهم مرة أخرى ويعتمد ذلك على شدة إصابة كل منهم بالشلل النصفي والاعتماد على مركز علاجي جيد لاختيار برنامج العلاج المناسب لهم.