الريهاف:- خوش جـا كـولي الريهاف
صفنت واردفت بلاوعي
رفيف:-الريهاف
الريهاف:- عـيون روح الريهاف
صفنت علي ورمشت بعيوني كذا مره وغميته واردفت
رفيف:- جعل عيونك بـل عمه
الريهاف:- حـرام عليك ريف كلبي
عاينتله وغمته مره ثانيه وطلعت بسرعه ياخي مدري ليش يخوف تحسه مريض او بي فدشي هن نضراته حلوه بس من يخزر يخوف معـ انُ هوا مخزرني لاكن من يركز بيك تحسه يعاين لداخلك طلعت من الغرفه البيها هوا ورحت كملت شغلي وهوا سجل خروج وطلع وانه طلعت للبيت دخلت وصحت
رفيف:- امييييييييي انه اجيتتتتتت
طلعت مهبوطه وبنفس الوقت مستغربه كالت
هيام- رفيففف بطلي استهتار شهل صوت هرجتينه تصرخين هيج هبطتيني
رفيف:- اتعودي امي العزيزه اتعودي
هيام:- دصعدي لااكفخج
ضحكت وصعدت طبيت لغرفتي وحسيت بخنكه عاينت بارجاء الغرفه ضلمه والدنيه هستوها مُغرب ولبزونه تعاينلي شغلت الضوء واخذت ملابس وطبيت للحمام اغسل وابدل اول مطبيت لفحني هوا بارد وطفت الكهرباء اتأفأفت وصحت
رفيف:- اهوووو هسه وكتك طفيهااا
حسيت بشي وراي يهمس بصوت خشن
:- هيا سأستمتع
مفهمت وغلست وانتضر الكهرباء مرت عشر دقايق واشتغلت لبست وداعدل شعري بلمرايه ولحمت شي خطف من وراي عاينت ماكو شي خفت لميت شعري عـ سريع واريد افتح الباب انسحبت ونركعت بلمغسله بخاصرتي عطت متألمه وكلش خفت وصرت ارجف كمت للباب مره ثانيه وافتح بي مقفول صرت ابجي وارجف خايفه عاينت للباب مقفول من يمي فتحته حتى منتبهت من الخوف وطلعت عـ سريع وكعدت علجربايه واعاين للغرفه بخوف خفت ليصير شي مره ثانيه نزلت جوه وكعدت يم امي ارجف للدرج بخوف انتبهت امي وسئلتني وكتلها ماكو شي مجرد بردت اتصفح بلفون واجتني رساله من عـهود
عـهود:-رفيففففف
رفيف:-وجعع شكو
عـهود:- حـ اجي اخذج ونطلع شتكولين؟
رفيف:- لا ماطلع
عـهود:- ليششش
رفيف:- ماريد مالي واهس
عـهود:- تمام عبالي اطلعين
رفيف:- لا
عـهود:- اوكِ
طلعت من لمحادثه وشمرت الفون باوعت الامي ملتهيه تسوي دولمه كمت كعدت بصفها خليت راسي ع جتفها وافكر بلصار ياتُرى شنو معنى لصار معقوله جن ولعياذ بالله نفضت الفكار من راسي وكعدت عدل وغسلت اديه وكمت الف وي امي لماخلصنه حطتها علـطباخ وانه غسلت وكعدت اتصفح بلفون مليت وطـلعت للحديقه كعدت بلمرجوحه مغمضه عيوني واهز بلمرجوحه بهدوء واجتني دفعه قويه صرخت وكعت علكاع عاينت هذا سيمار اخويه صرخت
