ملاك: على كيفجن شبيجن جان توكع غزل
الله الله كومتها شفت إيدها انجرحت وصبت دم يبووو تعالي ولج ضليت اصيح على البنات يوخرن ليكلك ماشايفت استغفرُالله رحنه بمكان ما بي هوسه شفت البنات كاعدات ياكلن ولجننن كومن بسرعا جيبن شاش من خالى تحيى ركض
زينب: ليش،، يمه شبيها ايدها
ملاك: ولج بسرعة روحي جيبي الشاش وتعالي لا تحجين زايد.. راحن زينب وزهور يجيبن الشاش ركض خطيه شفت غزل خطيه مدنكه وتبجي وملابسها مدمرة جاي اريد انكت ملابسه بس هدى سبقتني وضلت تنكت ملابسها وتحجي ويها
هدى: لا تبجين حبيبتي هنه هاي دوم هيج يسون روحهن ماشايفات
ملاك: جاي امسح بدموعها واحجي وياها جان يجن زهور وزينب
زينب: هاج هاج ملوك بسرعة سوي إيدها
زهور: جاج كضي اليود بسرعه عقمي إيدها وسويها
ملاك: اخذت اليود والقطن وجاي اريد اعقم إيدها وجان اتنز وتبجي زايد
البنات: لا لا لا تبجين حبيبتي ولج بس بلبدايه اتاذي بعدين يروح الالم
ملاك: اباوعلها تكسر الخاطر وما متعوده على هيج خبصات مبينه، عقمت إيدها بسرعة وعلى كيفي ولفيتلها الشاش و وكفت بجي الحمد لله هدى انطتها الماي حته تغسل وجها وزهور انطتها كنينس حته تمسحه وهيه خجلانه وفرحانه بنفس الوقت وانا ابتسم عليهن شلون يعاملنها جاي نمشي جان اتصيح زينب: اوووكفن
كل احنه: ها خير شكو
فتحت جنطتها وطلعت واقي الشمس
زينب: هاچ كضي حطي لوجهچ حته لا يتلف اسم الله
ملاك: جان اضربها على چتفها ولج وثول اكو واحد هيج يسوي
زينب: اواواوووي شبيج غير انطيها الواقي حته لا تخرب بشرتها حرامات
ملاك: بلكوا لازمه ضحتي شلون اتكطع بلاووي، ايي بنات اتعرفتن على غزولة لا
البنات: يمته لحكنه نتعرف عليها
غزل: العفو منجن بنات ما عرفتجن على روحي انا غزل من بغداد واجينه للبصرة وعمري 17
زينب: اتشرفت بيج حبيبتي انا زينب عمري16 واخت ملاك
غزل: الي الشرف حبي
هدى: مرحبا انا هدى عمري 16 وبت عمت البنات
غزل: اتشرفت بيج حبيبتي
زهور: هلو انا زهور وعمري 15 واخت هدى وبت عمت البنات وجان تبتسم احنه لا اراداً ابتسمنه وياها
غزل: اتشرفت بيج حبيبتي وبتسمت
ملاك: يالله بنات خل انروح صدك غزل وين بيتكم غزل: ب**** بخوز ال****
ملاك: اهااا اي اي عرفتها يم بيت ايات
زينب: صدك شو هاي من امس ماكو
زهور: يمكن اخوها اخذ تلفونها شوف شنو مسويه
هدى: هيه حته لو ما مسوي شي ياخذ منها التلفون
ملاك: شوف لو صاير شي بلمركز لو ما غاسله المواعين لو ما غاسلة جواريبه كلعاده
زينب:ولج حقها انتي ما شايفته كل ما يطلع ويرجع يشمر جواريبه ليكلك خدامه تشتغل عده مو اخته تكسر الخاطر
غزل: يهي ايات
ملاك: هاي صديقتنه جانت بلمدرسه الثانيه بس سوت مشكله واخوها نقلها لهاي المدرسه وهيه ام لسان الله لا يراويج اول ما اجت اتجر الطلايب من ذاناتهم الها حته بس تتعارك وصارت احداث دراميه وكلمة مني وكلمة من زينب وكلمة من هدى وكلمة من زهور شوي صارت احسن بس اذا وحده اندكت بيها اتخليها تندم لان اندكت بيها بختصار جنها اخوها وعود اتريد اتصير ضابط بس اخوها كل ما يسمعها تحجي هيج يرزلها اييي وكل هاذ شوي اذا اجتمعن زهور وزينب وايات باالله هدوش شوي عاقله بس هم عدها طلعات
غزل ضحكت وگالت: والله شوقتيني اشوفها
ملاك: اي اي اتشوفينها ويشيب راسج هم لا تستعجلين على رزقج وضحكت، طلعنه وكفنه على صفحه خاف يجي واحد من الولد حته انشوفهم سئلت غزل راح يجي واحد من اخوانج ياخذج لو ترحين وحدج
غزل: لا لا ان شاء الله راح يجي زيد ياخذني وين اندل انا
ملاك: اهاا يالله خير ان شاءالله، ضلينه نسولف على ما يجي واحد من الولد شوي وجان نشوف سيارة حسين اخوي نزل من السيارة واجا صوبنه شو هم طبكت سيارة ثاني ونزل منها ولد هم مبين من عمر حسين بس مبين بشوش اكثر ووجها طفولي اكثر ثنينهم ضلو يمشون صوبنه شو حسين وكف تانه الولد يمشي قبله جان يجر الولد
گلنا لا هاي هيه مات الولد.......
....وللحكاية بقية......
ان شاءالله عجبكم البارت
وهاذ حسابي على الانستا@reeom._.1اذكر المستخدم
