ام امير: ايه يا أمير انت فين.
امير: مع صحابي ياماما في حاجه ولا ايه
ام امير: لا ياحبيبي بس ريحان قربت توصل فكلمتك لو كده تجبها علشان اكيد مش هتعرف الطريق.
امير: ريحان قربت توصل فين مش فاهم.
امير قال الكلمه ديه وكلهم ركزوا معاه.
ام امير: قربت توصل هنا انت مكنتش تعرف أن ريحان جايه لوحدها ولا ايه.
امير: اه نسيت معلش.
امير في سره: وانا هعرف ازاي ما هي مقالتليش اصلا أنها هتيجي وكمان لوحدها.
قاطعت ام امير تفكيره: ها هتكلمها وتجبها هي متعرفش لأنها مش هتحب أن حد يجبها فكلمها علشان متاخدش مشوار لاني لسه مكلمتهاش.
امير: حاضر هكلمها وأشوفها.
يوسف وباسل اخدوا امير علي جمب.
يوسف: ايه مالك سرحت في ايه وانت بتكلم طنط.
باسل: اكيد سرح أن ريحان مقالتلهوش انها جايه وان جينا للحق فده حقها اصلا واحد ولا كلمها ولا سال هتكلمه هي مثلا وتقوله.
يوسف: قبل ما تقول اي حاجه الغلط من عندك مشيت ورا اسمها ايه ديه طبيعي متعرفش حاجه عن كل ده وتتفاجا زيك زي الغريب كده.
امير: خلصتوا ممكن كفايه بقي ديه كمان اصلا رافضه تقعد عندنا معرفش ليه.
باسل: الحقيقه هي مش عايزة غباوة منك يعني السبب معروف واكيد هي لو مطوله مش هتقعد عندكوا وقت كبير يعني.
امير: تعرفوا معاكوا حق الغلط مني انا هكلمها واتمني توافق اني اجبها بجد.
نارين مشيت من غير ما تقول كلمه لينا وماجي راحولهم.
يوسف: ايه اومال راحت فين كنت متوقع أن يحصل حوار والحركات البايظه ديه.
لينا: لا ما هي مشيت مقموصه كده ومتكلمتش.
ماجي باستهزاء: ايه يا امير مش هتشوفها راحت فين ولا ايه ده عيبه عليك عملت كده تلفت انتباهك ياخي.
امير: الصراحه بعد اللي حصل انا مش فاضيلها ولا لشغل العيال انا معرفش حتي ريحان جايه ليه هنا لوحدها وفي الدراسه كمان ومعرفتش اقول حاجه لماما لأن المفروض اننا بنتكلم ولو عرفت السبب الغلط هيجي عليا.
كلهم بصوت واحد: ما الغلط عليك فعلا.
امير: طيب خلاص ياجماعه هكلمها وأشوف.
ريحان وصلت المحطه واول ما نزلت تليفونها رن.
ريحان مسكت التليفون باستغراب: ده امير وبيرن غريبه ديه وغريبه ليه تلاقيه عرف اكيد اني هنا.
ريحان: الو.
امير: ازيك ياريحان عامله ايه.
ريحان: الحمدلله وانت.
امير: تمام معلش كنت مقصر معاكي الفتره اللي فاتت ديه.
ريحان في سرها: مقصر ايه ده انت قطعت كل حاجه اصلا.
ريحان: لا ولا يهمك عادي كلنا كنا مشغولين.
باسل بصوت واطي: حقها الصراحه.
امير: اه انتي فين طيب.
ريحان: في المحطه لسه واصله.
امير بانفعال: مقولتليش ليه هلحق اجيلك ازاي انا دلوقتي.
ريحان: اهدي في ايه انا مكنتش هقول لحد اصلا هعرف اوصل لوحدي مش صغيره متقلقش.
امير: انتي متعرفيش حاجه هنا.
ريحان: الجي بي اس مبيخليش عادي هوصل مش حوار.
امير: طب ممكن معلش تستنيني وانا عشر دقائق أو خمسه هبقي عندك مش هتاخر.
ريحان: مفيش داعي صدقني تتعب نفسك أنا ورايا مشوار الأول وبعدين هجيلكوا.
امير: مشوار فين ده.
ريحان: هحط الشنط بتاعتي وبعدين هستلم حاجه حوار مش هعرف افهمهولك في الموبايل لما اشوفكوا.
امير: تشوفينا وشنط تحطيها فين مش فاهم.
ريحان: اه يعني انت وخالتي وعمي ما انا هقولهم برضوا هناك علشان سالوني وشنط اوصلها الشقه الاول واسيبها وبعدين استلم شويه حاجات وهجيلكوا بعدها أن شاء الله.
امير: طيب تمام ماشي يبقي خلي بالك من نفسك باي.
ريحان: ماشي باي.
قفلوا علي كده وامير مضايق من نفسه وأن ريحان اتعاملت معاه ببرود وكانت متعوده تعاتبه بس افتكر هتعاتبه علي ايه اصلا ما هو اللي غلطان وكمان مرضاش يديها مبرر للي حصل وطريقه كلامه وأنه بطل كلام معاها.
لينا: طبعا انت عارف رأينا كلنا ايه في الحوار يعني مفيش داعي نقول بس علي الاقل تقدر تروحلها.
باسل: هيروح لمين مسالش علي العنوان اصلا.
امير: ده غباء مني صح.
كلهم مع بعض: طبعا من غير ما نقول انت عارف.
----------------------------------
وصلت ريحان البيت اللي الدكتور قالها عليه سابت شنطها ومن غير ما تعمل اي حاجه.
ريحان: ازيك يادكتور عاطف.
دكتور عاطف: ازيك يا ريحان حمدالله علي سلامتك.
ريحان: الله يسلمك يادكتور اجي لحضرتك فين.
دكتور عاطف: هبعتلك العنوان علي الواتس تعالي هناك هفهمك كل حاجه واسلمك الشركات متنسيش أن كليتك مفيش غيرك انتي بس لان كتير رفض بس الكليه التانيه اللي قصادكوا جاي منها كتير انتوا مع بعض بس تنافسكوا بسيط لانكوا لازم تساعدوا بعض.
ريحان: تمام يادكتور فهمت ومش هتاخر هكون عند حضرتك في الوقت.
دكتور عاطف: تمام سلام.
قفلوا السكه وريحان دخلت تغير هدومها وبما أن مفيش شغل سابت كل حاجه ونزلت.
-------------------------------
نارين: هنعمل ايه دلوقتي احنا اللي بيحصل ده بقي غلط بجد وحاسه أن الموضوع كده هيتعرف.
الشخص: مش عارف بجد حاولي انك متبينيش حاجه وبلاش تستغبي وبطلي مقارناتك العبيطه ديه لان بعد اللي حصل ماظنش هتفرقي اصلا فاتصرفي بذكاء متعمليش حاجه كمان غير لما ترجعيلي مش عايزين كل اللي عملناه في سنه يضيع في التانيه.
نارين: تمام ماشي.
