ជាធម្មតាបន្ទាប់ពីចេញពីរៀនជុងហ្គុកតែងតែមានតៃកុងឡានមកទទួលជាទម្លាប់តែថ្ងៃនេះគេឈរចាំនៅខាងមុខសាលាជិត10នាទីទៅហើយបែរជាមិនឃើញស្រមោលអ្នកណាសោះ ខណៈរាវរកទូរសព្ទទើបគេដឹងថាគេភ្លេចទូរសព្ទនៅនឹងជេហូបបាត់ទៅហើយ។
"បងចាំឡានមកទទួលមែនទេ?"សម្លេងស្រួយស្រេះចាក់ត្រចៀកដែលគេមិនចង់ឮទីបំផុតមនុស្សម្នាក់នេះក៏បង្ហាញខ្លួននៅចំពោះមុខគេទៀតហើយ។
"..."ជុងហ្គុកមិនតបហើយព្យាយាមដើរគេចតែត្រូវថេយ៉ុងចាប់កដៃគេជាប់។
"ខ្ញុំប្រាប់ពូសុងថាបងទៅបង្រៀនខ្ញុំនៅផ្ទះដូច្នេះគាត់ទៅវិញបាត់ហើយ កុំបារម្ភអីខ្ញុំក៏បានសុំអ្នកមីងរួចហើយដែរគាត់ថាបើនៅដល់យប់ជ្រៅបងគេងនៅផ្ទះខ្ញុំក៏បានមិនបាច់ទៅផ្ទះទេ"
"ថា...ម៉េច?"
"នោះបងឃើញឡានពណ៌សនោះទេ? ប៉ាមកទទួលបងដោយផ្ទាល់ណា៎"ថេយ៉ុងញញិមខ្ជិបចង្អុលទៅឡានពណ៌សដែលចតនៅមិនឆ្ងាយពីគេប៉ុន្មាន។
"ម៉េចក៏ឯងមិនសួរខ្ញុំអីមួយម៉ាត់ថាខ្ញុំចង់បង្រៀនឯងឬអត់?"ជុងហ្គុកងងឹតមុខឈឹងតែម្តង គេដល់ដំណាក់កាលសើចលែងសមហើយពេលនេះបើទោះជាបកស្រាយប្រាប់ប៉ាថេយ៉ុងក៏គ្មានលទ្ធផលដែរម្យ៉ាងគាត់ខំមកដោយផ្ទាល់គេម៉េចនឹងអាចអត់សុជីវធម៌និយាយពាក្យមិនសមនិយាយទៅ។
"ក៏ព្រោះតែខ្ញុំដឹងថាបងនឹងប្រកែកទើបខ្ញុំចាប់បង្ខំបង តោះទៅប៉ាខ្ញុំនៅមានរវល់ទៀតគាត់ខំឆ្លៀតដើម្បីបង"ថេយ៉ុងអូសដៃជុងហ្គុសម្តៅទៅរកឡាន ពេលឡើងឡានរួចស្រេចហើយលោកប្រធានKMគ្រុបជាអ្នកបើកការសន្ទនាយ៉ាងរួសរាយរាក់ទាក់។
"ឮថេយ៉ុងនិយាយមួយរយដងមិនស្មើឃើញម្តងមែន ឯងឈ្មោះ ជុងហ្គុក ម៉ាវើរីកឬ?"
"បាទលោកពូ"
"គេរអ៊ូដាក់ពូមិនឈប់ថាត្រូវតែអញ្ជើញឯងញុំាបាយជុំគ្នានៅថ្ងៃណាមួយ ថ្ងៃនេះពូទំនេរក៏មានរឿងខ្លះចង់និយាយជាមួយឯងផ្ទាល់ដែរទើបពូមកទទួលដោយផ្ទាល់"លោកគីមភ្នែកមើលផ្លូវដៃបង្វែចង្កូតតែមាត់និយាយរាក់ទាក់ជុងហ្គុកមិនឈប់ ពាក្យសម្តីដ៏គួរឲ្យគោរពរបស់គាត់ធ្វើឲ្យជុងហ្គុកមិនហ៊ានសូម្បីតែប្រកែក។
YOU ARE READING
តម្រាវាសនាសម្ងាត់(OVERLOVE)
Actionស្នេហាតែម្ខាងនៃសិស្សវិទ្យាល័យម្នាក់ទៅលើសិស្សច្បងដែលប្រកាន់ផ្នត់គំនិត ស្អប់គឺស្អប់ ស្រឡាញ់គឺស្រឡាញ់ ហើយថេយ៉ុងជាមនុស្សដែលគេស្អប់បំផុត គេពិតជាស្អប់មនុស្សម្នាក់ដែលព្យាយាមដើម្បីគេដល់ទីបញ្ចប់ពិតមែន? ខាហ្សេ ថេយ៉ុង(Khaze Taehyung) ជុងហ្គុក ម៉ាវើរីក(Jungkook...
