»فراشة السيد الشيعي
لا تنسون التصويت لطفاً♥️🌱
أكتب لكَ في الساعة الثالثة فجراً
الجميع نائمون الا انا وعقلي وقلبي
هل مررنا في ذاكرتك اليوم؟
ذكرياتي معك لا تنام وقلمي ايضاً
اصبحنا نحب السهر نحن الذين ننام باكراً
صراخ في صدري
لا اعلم مصدره لكنه يكاد يقتلني ولا يخرج
أنا هنا وانت هناك...
من منا يبتعد عن الاخر؟
اود ارسال هذه الرسالة لك
لكنك ستبقيها على الرف مركونة
سيملؤها الغبار..
اعلم ان هذه الرسالة لن تصل اليك ابدا
اعلم جيداً انك لن تسمع صوتي
ولن تجيب عن أسألتي
لكن اكتب اليك كل يوم رسالة مضمونها
»أشتقت اليك «
تجاهل كل ماكتبت قبلها
سأعود غدا اكتب مرة ثانية كما افعل كل يوم وامسح هذه واكذب على نفسي واقول انك قرأتها
بعد اتصالات هواية رقمة مغلق وانستا حاظرني وتلي ميفتح وواتساب حاذفة
بديت افقد الامل ...
داومت اول اسبوع كالعادة
الدوام ارتاح بي نفسياً لان بعيد عن اهلي ومن كلام امي ومن الشغل القوي بالبيت بس دراسة ونوم
مر شهر على هالحال دراسة ونوم وقليله صديقات اني صعب اثق باحد وبهالسنة بالذات صرت منعزلة انعزال شديد
كاعدة الظهر داقرأ تذكرت انو مرة خابرني برقم غير رقمة كال هذا مالت امي فحفظتة وكتبت ام ريزو
رحت بسرعة ادورة لگيته
بقيت مترددة واحجي ويا نفسي
ـ هسه اذا تتصلين على امة شتگليلها
-يلا نجمة گولي يالله واتصلي انتي سباعية
ـ شگللها خاله ابنج وين لو نطيني ابنج زين اذا گلتلي شتريدين منه شگللها
ـ ياربي دخيلك لتحيرني اتصل لو مااتصل
ـ زين اذا عاطت بيه امه عصبيه اخاف ترزلني
ـ يلا نجمة هي رزاله خوب حتضربج
ـ بس واللع عيب
فجئة تذكرت دموعة واتصلت
اول مرة فصل
ثاني مرة هم فصل ومحد رد
ثالث مرة والاخيرة
نفتح الخط. ودانتظر يگولون الووو او اي صوت حتى اعرف التلفون بيد منو جان شوي
وتعيط بيه
:اذا ماااتحجون على شنو تتتصلون
كبل سديت الخط گلبي كام يرگع قوي ولج نجمة وثول على شنو سديتي اوووف بس خفت اني مو هاي شخصيتي احجي ويا الكبار وهواي فاهمة بس من عند امة مادري ليش اخاف اتذكر
رزالتهة من رزلتة من جان ينسق ملابس تجي ببالي
وماأيست صارت دنيا المغرب كلت وراء العشة اتصل وكعدو البنات علاقتي بيهم سطحية لان زينب وعيوش وابرار ويقين تخرجو
فتحولت الغرفة ثانية
اخذت ملزمتي والتلفون وطلعت برا
گلت يارب قويني
واتصلت.....
الو خالة
:منووو
ـ ئءئئئ صديقة زيد
:شسمج
ـ ها
:شبيج شسمج شتريدين منه
_ ماريد بس هو كال الدكتور ينطينا بحث
:شنو مافهمت
هو حقج ماتفتهمين اني ماافتهمت على نفسي
ـ خالة انطيني زيد اني احجي ويا وهو يعرف
:والله طالع
ـ زين شوكت يرجع
:ماعرف گوليلي اسمج واني اگلة يدگ عليج من يجي
