_ آه يعني يوم الجمعة هنتغدى سوا كُلنا .
- ياعم عُمران دي عاشر مرة أقولك أيوة خنقت أُمي
خرج "عوف" من المطبخ و في يدهِ موزة وكوب من القهوة وهو يقول :
= خُلقك بقى ضيق أوي يا آدم ياخويا .
- إللي يعيش معاكوا لازم خُلقه يضيق أنتَ مش شايف المناظر
شهق "عوف" بطريقة النساء وهو يرد عليه بطريقة سوقية :
= مالها ياعينيا مناظرنا ده أحنا شباب تِفرح وتِشرح القلب .
- عوف
= إيه يغالي .
رد عليه "آدم" بضحكة سمجة :
- أتلهي .. أنا هقوم أصلي بدل ما تكفروني
= الواد محسسني إنه جاي من الحِجاز .
فرفع صوته لكي يصل ل"آدم" :
= إشحال ما كُنت شيطان ياض .
- هرجعلك يا عوف
= ده أنا بدعيلك يغالي .
_ جبان .
= ياعم أنا حِمل بني آدمين لمّا أكون حِمل شيطان سيبني في حالي
بس بقولك إيه ياض يا عُمران ما تاخد تقرالي الفنجان ده شوف كِده يمكن أُدامي سكة سفر عشان اغور من وشوشكوا .
_ هات ياخويا .
أخذ "عُمران" الفنجان مِنه كي ينظر فيه ولكن قبل أن يتحدث أوقفه صوت "آدم" :
- بتعمل إيه يا عُمران
_ بشوف الفنجان للواد عوف .
- أيوة بس ده حرام
_ إيه إللي حرمه بس ياعم آدم .
- أنتوا لسه داخلين الإسلام امبارح ولا إيه
= لا فعلًا يا آدم لا أنا ولا عُمران نعرف إنه حرام ليه ده حتى كُل صُحابنا بيخلّوا عُمران يقرالهم .
- طيب بصوا دار الإفتاء قالت إن قراءة الفنجان نوع مِن أنواع الدجل وده حرمُه سيدنا محمد في حديثه ( مَنْ أَتَى كَاهِنًا، أَوْ عَرَّافًا، فَصَدَّقَهُ بِمَا يَقُولُ، فَقَدْ كَفَرَ بِمَا أُنْزِلَ عَلَى مُحَمَّدٍ )
يعني عقوبته الكُفر والعياذ بالله ومش الفنجان بس على فكرة لا ده أي حاجة تندرج تحت عِلم الغيب زي عِلم النجوم و قراءة الكف والخط على الرمل والطالع وبيبقوا كُلهم شِرك بالله
وبردو الأبراج إللي هى الطالع ، دلوقتي هتلاقي خبيرة الابراج كذا أعرف بُرجك بيقولك إيه لدرجة إنها بقت حاجة يومية وأنتشرت حتى في الجرايد وبقت الناس تصدق بيها والمفروض إن مِن صفات المؤمنين هو الإيمان بالغيب فإزاي أنا بؤمن بحاجة أو بصدق حاجة لسه محصلتش لمُجرد إنها إتشافت في فنجان أو من خبير أبراج أو أضربت في الودع
ده كِده بيبقى خلل في العقيدة فكُل ده إتحرم وإللي بقى بيسمي نفسُه مُنجم أو عرّاف أو زي الأيام دي خبير بيبقى حُكمه من أكبر الكبائر
أضاف "عوف" قائلًا :
= أنتَ صح يا آدم ده حتى سيدنا محمد قال في حديث ( كَذب المُنجمون ولو صدفوا ) .
- للأسف ياعوف حتى الحديث ده مش من الأحاديث النبوية الشريفة كمان حتى لو كان معناه صحيح بس نقدر نثبت ده بقول الله تعالى في سورة النمل ( قُلْ لا يَعْلَمُ مَنْ فِي السَّمَوَاتِ وَالأَرْضِ الْغَيْبَ إِلَّا اللَّهُ )
هاا فهمت ياعم عُمران
YOU ARE READING
العيب في بَنِي آدم | مُحاولة سيطرة |
General Fiction"جاري تعديل وإضافة سرد" شيطان لا يؤمن بالحُب ويقوم بتدمير كُل العلاقات البشرية فهل إذا نزل لأرض البشر سيظل على رأيهِ ... نُـعيب زمـاننا والعيبُ فيـنا "وهيبقى مصيري زي مصيركوا مطرود بإرادتي مِن رحمة إللي خلقني متأصل فيكوا الشيطنة فخلّيتوا الشيطان ا...
