فتاة بخمسة عشر شخصيه(روايات ليبيه)

الحلقه 3

فتاة بخمسه عشر شخصيه
الحلقه﴿3﴾

في صباح يوم الجمعه 🤍💎
كل حوش اهله نايضين بدري وروتين جديد عكس الايام يلي قبل بس في حوش اهله مزالوا راقدين من؟
راما:  رااااقدهههه ماتعلم بشي لين فونها رن...  اففف جمعه مش وقت مكالمات ..  الوو
ساميه:  وينك نراجي فيك
راما:  راقده ي جديده كنك
ساميه:  طاح سعدك لتوا راقده تعالي تحت نتغدوا مع بعض ونبيك في موضوع
راما:  باهي شويه
ساميه:  دوشي وبدلي وتعالي فطورك عندي
راما:  ضحكت..  به حاضر
ساميه:  سكرت...  يارب اصلح من حالها ونسمع ضحكتها ديما..  ناضت توتي في فطور حفيدتها💛
راما:  ناضت دوشت وبدلت وجففت شعرها ورسمت الايلاينر ودارت روجها وتعطرت ونزلت...  صباح الخير
ساميه:  صباح النور غزالتي تعالي
قاسم:  ابتسم
راما:  شن الموضوع
ساميه:  تعالي افطري قبل
راما:  تفطر..  احكي هي
ساميه:  كملي فطورك قبل
راما:  نظرتها تغيرت ورفعت حاجبها..  تبي تحكي ولا نرقى
ساميه:  خافت من نظرتها...  بنسألك
راما:  ردت تاكل
ساميه:  بعد وفاة اهلك وين اختفيتي ووين كنتي ليش مقعدتيش معانا
راما:  شافتلها..  ليش انتو تحبو تدخلوا في اخبار غيركم
ساميه:  غير شويه بس متقعديش واعره معايا توا كنتي تحكي معايا بهدوء شن غيرك
راما:  ناضت..  الحمدالله انا راقيه بنرقد سلام
ساميه:  تعالي نكلم فيك
راما:  سكرت الباب ورقت
ساميه:  شافت لقاسم..  توا كانت تمام كنها تغيرت فجأه البنت هذي فيها حاجه مش طبيعيه كل مره شهص يحكي معاك
قاسم:  يشوف لفوق وخلاص
راما:  دخلت لسريرها لقت قيس متصل بيها عاودت عليه...  الو
قيس:  مرحبا
راما:  تكلم كويس
قيس:  اححم به..  شنجوك
راما:  مش شورك ليش متصل؟
قيس:  غير كنك
راما:  اسمع انت صديق معايا في الشغل اه في الشغل وبس متقعدش كل شويه تتصل بيا من تحساب روحك
قيس:  خلاس اسفه
راما:  وجهك هي ومعش تتصل..  سكرت...  اووف شن العالم هذا يلي تضحكله شويه يلصق فيك..  حاولت ترقد بس مقدرتش ناضت  غيرت حوايجها وطلعت
____♡♡♡♡_____
ناديه:  اليوم جمعه اكيد راما حتجي
نيرمين:  اها اكيد كل جمعه تتغدى هنا
ناديه:  بس الجمعه يلي فاتت مش هنا
نيرمين:  انتي ليش تحبي تسألي واجد
ناديه:  قصدي بنت بجمالها هذا شن يلي مخليها هكي قصدي باقي البنات تلقيهن رقيقات وحشمه اما هذي شيطان رجيم تقعد صاحبتك وفي خمس دقايق تنقلب
راما:  كملتي قرمه
ناديه' نفجعت..  اا ااا انتي انتي انتي امتى جيتي
راما:  من مبكري نسمع في كلامك ي حلوه
ناديه:  اسفه ع كل شي سمعتيه
راما:  به
نيرمين:  حتتغدي هنا
راما:  اها
نيرمين:  في شن خاطرك
راما:  اي حاجه المهم يكون غداء كويس
نيرمين:  حاضر
راما:  طلعت
ناديه:  خايفه نقول حاجه نلقاها عند الباب
نيرمين:  معناها اسكتي😂
ناديه:  جن البنت هذي
نيرمين:  سمعاتك
ناديه:  شافت للباب
راما:  نبي اميه مسقعه
ناديه:  تفضلي
راما:  شربت ..  الحمدلله..  ناديه الحقيني
ناديه:  لونها نخطف وشافت لنيرمين
نيرمين:  قتلك اسكتي
ناديه:  لحقت راما وهيا ترعش
راما:  دخلت للمكتب..
ناديه:  تشوف للمكتب يلي لاول مره تدخله تشوف لصوره الكبيره يلي كانت معلقه...  صورت من هذي
راما:  انا مزال متكلمش
ناديه:  قصدي هذي صورت من
راما:  صورت اهل الجن
ناديه:  امك وباتك
راما: ضحكت من وسط قلبها...  اها صورتهم
ناديه:  بيلي ضحكتي ي جن
راما:  ليش نضرتك ليا اني جن
ناديه:  لان عندك 3 صفات الاولى قاسيه والثانيه حنونه والثالثه واقضه لكل شي
راما:  اهمم مزال في اخره وانشاء الله ماتشوفيهم
ناديه:  بس ليش انتي هكي
راما:  من الصوره هذي
ناديه:  كيف
راما:  نتوقع ان ساد اسئله توا انا نبي نسأل
ناديه:  شنو
راما:  صغارك وين
ناديه:  مع باتهم
راما:  من يديرلهم في ماكلتهم
ناديه:  نبعتلهم من هنا
راما:  وراجلك عاجبه الجو؟
ناديه:  نزلت راسها
راما:  تكلمي
ناديه:  راجلي متزوج
راما:  وصغارك مع مرت باتهم
ناديه:  اها
راما:  مرت باتهم ليش ماتهتم بيهم
ناديه:  منعرفش
راما:  به لحضه..  وسن،  احمد،  سجى
ناديه:  صغاري هذوما
راما:  ادخلو...  دخلو العيال
ناديه:  حظنتهم وتبكي
راما:  تكذبي عليا؟
ناديه:  باهي شن نبي ندير راجلي متزوج وسافر مع مراته وانا مهتمه بعيالي 😭
راما:  وين الاهتمام وانتي مخليتيهم بروحهم في الحوش واخرى الحوش مينسكنش فيه
ناديه:  منقدرش نجيبهم معايا ومعنديش حق حوش جديد
راما:  كان قلتيلي
ناديه:  ساد بردت وجهي واجد قدامك
راما: عيالك حيعيشوا هنا وانتي جيبي حوايجك واقعدي هنا معاهم
ناديه:  حضنت راما..  شكراا شكرا واسفه ع الكلام يلي قلته عليك
راما:  عادي هي امشي اختاري غرفه انتي وعيالك ونضفيها
ناديه:  هياا سجى ووسن واحمد..  طلعوا وراما قعدت في المكتب
راما:  سحبت الكرسي وجلست... مزال نبي نساعد العائله الكريمه في حاجه كبييره وناسينها من سنين😏
————
بنت
       الشريف💗
————