တရှူးရှူးတရှဲရှဲ အသံများ၊ ရယ်မောနေသံများ၊ တထောင်းထောင်းထနေသော အသားကင်နံ့နှင့် အရက်နံ့တို့ကြားတွင် ဆောင်းဟန်ဘင်းမှာ မသက်ဆိုင်သည့် အလား တစ်ယောက်တည်း ထီးထီးကြီး ထိုင်နေသော်လည်း မျက်နှာချင်းဆိုင်မှ ကျန်းဟောင့်မှာတော့ အသားလေးစားလိုက်၊ အရက်လေးကို မော့လိုက် စကားလေးပြောလိုက်၊ ရယ်လိုက် မောလိုက်ဖြင့် အင်မတန်ကို ပျော်ရွှင်နေတော့သည်။
လူ ၉ယောက်ကြားတွင် သူတစ်ယောက်ထဲသာ မည်သည်ကိုမှ မတို့မထိမိ။ အသားကင် မကျက်တကျက် ကလည်း ဝမ်းအတွက် မကောင်း၊ အရက်ကလည်း တစ်ခွက်သောက်ပြီး မှောက်သွားတတ်၍ မကြိုက်။ ကားမောင်းရမည် ဖြစ်၍ ပိုတောင် မသောက်ချင်သေး။
ပျော်နေသော ကျန်းဟောင့်မှာတော့ အဝင် တော်တော်များပြီး အာသွက် လျှာသွက် အပြင် လက်တို့ပါ သွက်လာပြီး ဘယ်ဘက်မှ မက်ချူး၏ ပခုံးပေါ်မှီလိုက်၊ ညာဘက်မှ ယူဂျင်း၏ပါးကို ကိုင်လိုက် တို့ကို လုပ်လာ၍ ဆောင်းဟန်ဘင်းမှာ မျက်ခုံးတို့ လှုပ်လာရတော့သည်။ လက်တွေပါလာပြီဆိုလျှင် မကြာခင် ဘေးလူကို ဖက်နမ်းတော့မည့် အနေအထား မဟုတ်ဘူးလား။
ကျန်းဟောင့်က နောက်တစ်ခွက်ကို ထပ်မံသောက်ဖို့ ပြင်နေတော့ ကျန်းဟောင့် လက်ထဲမှ ခွက်ကို လုယူလိုက်ရင်း တစ်ကျိုက်တည်း မော့လိုက်လိုက်တော့ အားလုံးက တိတ်ဆိတ်သွားပြီးနောက် စက္ကန့်ဝက်အကြာတွင်တော့ ဟေးခနဲ ထအော်ကြတော့သည်။
မကြာလိုက်ပါ ဌာနမှူးကင် ကိုယ်တိုင် ပုလင်းလိုက်ကို ယူချလာပြီး သူ့ဘေးဝင်ထိုင်ကာ ငှဲ့ပေးနေ၍ ယဥ်ကျေးမှုအရ ငြင်းမရဘဲ သောက်လိုက်ရတော့သည်။ ထူးထူးဆန်းဆန်း ဆောင်းဟန်ဘင်း အရက်သောက်နေသည်ကို မြင်ရ၍ တစ်ဌာနလုံးမှ ဝမ်းသာအားရဖြင့် တစ်ခွက်ပြီး တစ်ခွက် လာငှဲ့ပေးနေတော့လည်း ငြင်းမကောင်း၍ သောက်ရပြန်သည်။
၈ခွက်မြောက်ကို သောက်ပြီးချိန်တွင်တော့ ဆောင်းဟန်ဘင်းမှာ မခံရပ်နိုင်အောင် ဖြစ်လာရတော့သည်။ အစာအိမ်က လက်မခံနိုင်တော့သော်လည်း ဂယူဘင်းက အတင်းတိုက်၍ ထပ်သောက်ဖို့ ပြင်တော့ ငြိမ်နေသည့် ကျန်းဟောင့်က တားလာသည်။
YOU ARE READING
And I
Fanfiction쏟아지는 Like And I and I 그중 하난 내 거야 ~~~ Centerz One Shot in Burmese 18.07.23