ဗီလိန်မာယာ (Arc-5)

Acr 5:3 - ကျူးစစ်ယွိဘဝ

Acr 5:3 - ကျူးစစ်ယွိဘဝ 

BGM suggest >>> You are so beautiful

ကံကောင်းတာက ဘဝကူးတိုင်းမှာ သူ့ချစ်သူရဲ့အခြေခံအချက်အလက်ပုံသဏ္ဌာန်တွေကတော့မပြောင်းလဲတာပဲ။ အရပ်အမြင့်က (၁၉၀) စင်တီမီတာနဲ့အထက်မှာရှိနေတတ်ပြီး တောင့်တောင့်တင်းတင်းနဲ့ယောက်ျားပီသတယ်။ ဆွဲဆောင်မှုရှိပြီး အရမ်းကိုချောတယ်။ မကောင်းတဲ့အကျင့်တွေဖြစ်တဲ့ ဆေးလိပ်သောက်၊ ဆေးချ၊ အရမ်းကိုပိုင်စိုးပိုင်နင်းလက်ရဲဇက်ရဲလုပ်တတ်တာတွေ၊ နောက်ယောင်ခံတာ၊ ခိုးချောင်းတတ်တာတွေကတော့ ဘယ်တုန်းကမှမပြောင်းလဲခဲ့ဘူး။ 

လက်ရှိအခြေအနေမှာတော့ ဒီအချက်အလက်တွေနဲ့တိုက်ဆိုင်တာက ချင်းစယ်ပဲ။ ဒါပေမဲ့ ချင်းစယ်က ဇာတ်လိုက်အပေါ်မေတ္တာရှိနေတယ်။ သူ့အေးစက်ခန့်ညားတဲ့မျက်နှာက ဇာတ်လိုက်ရှေ့ရောက်မှအရည်ပျော်သွားတတ်တာ။ ကျိုးယွင်ရှန့်ကတော့ သူ့ချစ်သူအခိုးခံသွားရလိမ့်မည်ဟုမယုံချင်ပါ။

ဒါကြောင့် သူလူလွှတ်ပြီးသူချစ်သူနဲ့ဆင်တဲ့ယောက်ျားတွေကို စုံစမ်းခိုင်းသည်။ လုရှီနဲ့ဥဩလေးကတော့ အရမ်းကိုစိတ်ညစ်နေပြီး သူဒီလိုကန့်သတ်ချက်တွေလုပ်တာ အိမ်ထောင်ပြုချင်လို့ဆင်ခြေပေးသည်ဟုထင်ကြသည်။

မိုးမခေါင်ခင်ကာလအတွင်း ထိုကဲ့သို့အမျိုးသား၏သတင်းကို ကျိုးယွင်ရှန့်ပြန်မကြားရ။ ထို့ကြောင့် ဒီကိစ္စကိုအသာထားပြီး နောက်ဖြစ်လာမည့်ဖြစ်စဉ်အတွက်သာအာရုံစိုက်လိုက်သည်။

တစ်နေ့တော့ သူလယ်မြေတွေကိုလာရောက်ကြည့်ရှုဖို့ သူကြီး၏ဖိတ်ခေါ်ခြင်းကိုခံရသည်။

သေကုန်တဲ့စပါးနှံခင်းကြီးပြပြီး ရွာသူကြီးကခါးသီးစွာပြောသည်။ "သခင်ကြီး ဒီနှစ်ကောက်နှံတွေကိုကြည့်ပါဦး။ ကျုပ်တို့တော့ အဆုံးခံရတော့မယ်ထင်တာပဲ ဒါပေမဲ့အခုကစားဖို့သိမ်းထားတဲ့ဆန်တွေလည်းမရှိဘူး။ ဒီပုံစံအတိုင်းဆို ကျုပ်တို့ငတ်ပြီးသေမှာပဲ။ သခင်ကြီး ငှားရမ်းခကိုနည်းနည်းလောက်လျှော့ပေးလို့မရဘူးလား။ ဒါမှကျုပ်တို့အသက်ရှင်နိုင်မှာ"