#مأساة منذ الطفولة
شهد:تضحك على شني انت مريض ولا انك تشبح شخص يتوجع قدامك وانت تكون سبب وجعه تحسابها قوة يعني ؟لا ياروحي فاهم غلط هدا معناها انك شخص مريض نفسي وكلب وحقير ياحقير
طلال:كيف جاي بيضربها جت اية والدخلت
اية:خلاص خلاص طلال ونبي ياسر خليها ساد يدها اللي منفوخه
طلال:شبحلها من فوق لي لوطى وكمل طريقه
اية:والنبي ياسر معاش تزيدي معاه دوه شهد مش حترتاحي لين تجيبي موتك ع يده
شهد:بالله تبيني نشبحه يزوجني لشخص عمره٤٤ سنه ومطلق ومبهدل واني في عز شبابي ونسكتله تدوي بجديات ايه؟
اية: ياشهد اهدي بس اول مايجي الراجل ارفضيه للمره الثانيه وتوا يلم كرامته ويلغي الزواج مستحيل شخص معنداش كرامه لدرجة ينرفض مرتين ومزال يصر ع زواج والاهم حاولي تتجنبي المشاكل مع طلال لانه والله في جديد ماهو راحمك
شهد:قعمزت ع سرير وهيا تنفخ بملل وتفكر في خطط شيطانية كيف تلغي زواج النحس هدا🔥
روايات شيماء الشيخ و اماني ❤
رهف:تشبح للبحر وساكته
بديع:خيرك ساكته ادوي
رهف:هه كان بندوي كلامي مش حيعجبك ومش حنلقى اجابة لأسئلتي خليني ساكته بالله
بديع:جربي غيري الموضوع لي في بالك وتوا تلقي اجابة مني
رهف:اختك من اول ماتزوجت وهيا تلوح عليا في نظرات اقل مايقال في حقها انها حقد وكره ممكن نعرف السبب ولا عرق الحماوات بدى
بديع:مني زينب ههه لالا مدوريهاش هيا هكي
رهف: بالاخص لما تشبحني شاده الولد نحس في لحظه عيونها بياكلونا اني وياه كل هدا في نظرك طبيعي حسستني الولد ولدها وخانباته منها
بديع:توتر وعلامات القلق في وجه لالالا شن لكلاام هدا شن ولدها انتي بس تتوهمي نظراتها عاديه وسكريه الموضوع تعرفي شي نوضي هيا نمشو للحوش لمكان هني زحمه وخنقني
رهف:نصدمت من انفعاله ع كلمه عفويه قالتها وكيف كبر الموضوع على الفاضي
رهف:باهي بشويه اعصابك
بديع:خلص لفطور وطلع ورهف وراه
رهف:بدت تشك وتحاول تربط الأحداث في بعضها لاكن بعدين تقول لالالا استغفر الله مستحيل لالا اهدي رهف انتي وعقلك هدا
___________________________________________________________________
طلال:اهلا اهلا نسيبنا تفضل نورتنا ياهلا
عزيز:زايد فضلك ياغالي كيف حالكم شن اخباركم
طلال:بخير الحمد الله شن هدا علاش متعب روحك
عزيز:لالا تعب شني هدي هديه بسيطه للمدام وينها قاعده
طلال:اي اي خمس دقايق وتنزلك هي يا هدايه هدايه
هدايه:نزلت من دروج نعم
طلال:ضبحي ع شهد تجي لراجلها
هدايه تشبح لطلال بنظرات الله يستر ومشت
شهد:اي اي اللون الازرق يطلع ع لمكياج اكتر يانهى
هدايه:فتحت الباب
شهد:شبحتلها بقرف نهى سكري شويه بس ونعاودلك
هدايه:انزلي لوطى راجلك يبيك
شهد:واضح انه في مدارسكم الراقيه لي قريتو فيها والواو معلموكمش احترام خصوصية الناس وطقان ع البيبان
هدايه:لا انتي لي متعلمه يارباية الشوارع انزلي تحركي ناقص نحط عقلي من عقل عيله
شهد:رباية الشوارع قاعدتلك شوكه في حلقك والاهم ليها حق في الورقه لي بتمووتي وتنسحني كيف ليهم حق في الورثه وموتي اما بخصوص جدي لي لوطه هدا مش متذكره انه موقعه عقد زواج معاه بري درقي وجهك توا ولزوه خير ما ننزا وربي العزه نخليكم عره قدامه
هدابه:انزلي خير مانجيبلك طلال يتفاهم معاك
شهد:هههااااي تخوفي فيا انتي تحسابيني ذلذوله نخاف منه ونهز في راسي زيكم مالا بري جيبيلي ١٠ طلالات درقي وجهك يلااا
هدايه:شبحتله بنرفزه امك فتكت من وجهك ياحقيره
شهد:تفكرت امها وقلبها وجعها وقربت من هدايه وقالتلها
شهد:منلومش سالم لما خانك مع الموظفه لي عنده رمتلها القنبله لي الخبر نزل على هدايه زي الصاعقه وشبحتلها من فوق لي لوطه وسكرت الباب في وجها
هدايه:نزلت مصدومه ومزال كلمات شهد ترن في ودانها
أنت تقرأ
مأساة منذ الطفوله
Teen Fictionالروايه هذي مقتبسه من واقع و فيها خيال طبعا لان الواقع بروحه اخلي الروايه مش حلوا طبعا القصه تتكلم على تلاته خوات راح تتغير حياتهم بعد موت بوهم 360 #الكاتبه _شيماء الشيخ_اماني😍
