گمرة الــ ضرغام

الضوء الاول°

{ الكاتبة بان الـ سيف'}

..................

بـاچـر نـغـني بـشـوارعـهُـم حـلمـنة ××

°°°°°°°°°°°°°°°°°°°°°°°°°°°°°°°
في احد مناطق بغداد
الساعة [ 9:30] صباحـاً

فزيت علىٰ اثر كابوس اريد اتنفس ماكد اختنكت
بقيت اجر النفس كوة يلا كدرت اتنفس.. ياربي شنو هذا اول مره هيج يصير بيه ان شاءالله خير

رجعت اريد انام بقيت اتكلب بالفراش تقريباً خمس دقايق بس ماكدرت ارجع انام

طارت النومة من عيني يالله هسه وكتها
كمت عدلت فراشي و شفت كارمن بعدها نايمه تركتها و نزلت جوه غسلت و فرشت اسناني و طلعت للمطبخ شفت ماما دا تسوي ريوك رحت الها

:صباح الخير ماما

ام عيسى : صباح النور يمه قمراء روحي كعدي اختج و اخوج خل يجون يتريكون حتى اليوم نروح لبيت عمج عازمينه مادام جمعه و ماعدكم دوام

قمراء: تمام ماما
بابا وينه

ام عيسى : راح يشوف صديقه بالمستشفى مادري شبي

قمراء: اهااا خوش.
صعدت على كارمن حتى تُكعد دخلت للغرفة سويت مداهمة
جان تكعد مخروعه من نومها

كارمن: عزاااا عزااا شكو انفجار

هي تحجي مخروعه واني ميته ضحك عليها وعلى شكلها

كارمن: لج قميره ماتبطلين انتِ ها يوميه نفس الحاله شوكت تعقلين خرب يومج حتصيرين بالجامعه و بعدج نفس العقل مال الدجاجه

قمراء : اوووو كارمن لا تعكرين مزاجي خلينه شويه نضحك عليج هههههههههه

كارمن :نننننن نجبي لج بعدين شكو عليه من الصبح و اليوم جمعه

قمراء: ماما تكول تعالي تريكي عمج من الطبقه المخمليه اليوم عازمنه

كارمن: اهووووو ديلا يلا اجيت

قمراء : تمام
عفتها و رحت لغرفه عيسى

قمراء: لك عيسسسسسى كوووووممم ماما تكككووولل تتععااللل انننزل

باوعلي بنص عين و كال

عيسى : اكُلج اني شمسوي بحياتي و االله خلاج اختي

قمراء: والله اسأل نفسك اني قبل لا انور الدنيا انت شسويت
بعدين تعال اكُلك تره غيرك يتمنى اني اخته وانتَ دافر النعمه جلاق اووي جرحت مشاعري

عيسى: بالهداوه اختي الي الك يتمنهاها اخته
غير تستقرين

قمراء: اووو الحجي وياك تفله بالشط المهم تعال اكل لان معزومين الييييووم