هلو حبايبي
***
علمتني الحياة ان ابكي في غرفتي
في احد الزوايه ثم اكف دموعي وانهض اخرج للناس مبتسمه
***
_ كعدت المغرب جفلانه كابوس اتذكر مرة باجي كالتلي
اذا شفتي حلم مو زين لان كثير كنت افز مرعوبه فكالت
اليه من تتكرر من تفزين كبلج كولي خير اللهم اجعله خير
فااول ماكعدت كلتها باوعت ساعه سبعه ونص اني وصلت البيت ساعه اربع بس لسه نعسانه ونايمه بملابسي
كمت اخذت فستان كحلي نص ساق وردن تحت العكس
ناز حيل غسلت ولبسته طلعت سويت شعري و تعطرت عطر هادئ لكن يموت بعدها لبست شحاطة فلات حلوة نفس الون بيها شغل حلو اخذت تلفوني وطلعت نزلت
شفت حجيله كاعده بصاله رحت كعدت يمها اخذت ايدها بستها وهيه ابتسمت اليه راسي ثكيل من الهوسه مال اليوم
سحبت عباتها تغطيت بيها ومددت يمها مثل الجنين
هيه صارت تلعب بشعري اوف افقد من واحد يلعب بشعري
هيه صارت كدامي بحيث الي يكعد مايشوف وجهي
بعد شوي صارو يدخلون واحد ورئ الاخر وهيه ملتهيه
تبسبس وتمسد براسي مكدرت اقاوم غفيت فزيت ؏ صوت
باجي بس مبينت اني كاعده
ام هارون ،، شمالها حور نايمه هين
حجيله ،، مسكينه هل بنت تكسر خاطري
ام هارون ،، ليش حجيه شبيها ترئ ماشاء الله عليها جنها غزيله
حجيله ،، اوف اووووف مهضوم يل مالك اهل يتيمه
ربت بلايا ام تعلمها بلايا اب يحضنها بس موتتهم جلجم
الكلب ام هارون انه الي اعرف معنئ اليتم حبيبه
ام هارون ،، شمالج حجيله يايتم تراج بنت شيخ و مراة شيخ وام شيخ واحفادج شيوخ
حجيله ،، اسمعي خايبه جنت فرخه هااكبرني
_ تاشر باايدها بحيث يطلع عمرها تقريبا سبع ثمان سنوات
حجيله ،، ماتت امي وهيه تستضني وانه هل وحيده امي
بزرتها عزيزه اخخخ يايمه
حصرة يابزر الخواتين معكطين يابزر الكطين
_ حجتها بصوت يلوع الكبد وحصرة رجعت كالت
حجيله ،، من ماتت امي الف رحمة علئ روحها ابوي بقئ
عزابي وهاي ناس كل يوم تهدي مراة عبنه زلمه معدل شيخ
وعنده مال وغني والله من بين كل هل ناس وكعه بوحدة
كاسيه ماترحم شوت علئ اذاناتي بصل اذا شكيت الابويه
تبيتني ويالغنم الكمه حصرة عليه لحد مصارو اخواني وصارو بفتنون الابوي بعدها ابوي زوجي الشيخ
حامد الله يرحمة جان خير حيل والحلال واجد وخطارة ماشي واني مااعرف لا خبز لا طبخ مرة ابوي ماعلمتني
