مِلك لـِفهد (داعش)

البـارت العـاشر ♡

مِـلك لِـفهد قصـة عِـراقيـة

بِقلمي انا الكاتِبة: مَنـة عَلي
..........................................
هَلي زحمة من اعاتبكم
هَلي المفروض من الدنيا كسرتني
اجيكم واگعد بسدكم..
هَلي چا انه مو بتكـم؟؟؟؟
قَبل لا احچي انتم حسوا بية
هَلي؟؟ مو مال اوصيكم علية💔.
...........................................
ـــــــــــــــــــــــــــــــــــــــــــــــــــــــــــــــ
احداث البارت السابق
ـــــــــــــــــــــــــــــــــــــــــــــــــــــــــــــــ

بهل الحجي واحس الدنيا دارت بية و وگعت بحضن ياسر واغمى علية گعدت و لگيت نفسي بـ..
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فتحت عيوني واول ما فتحتها حسيت بألم بأيدي التفتت يمنة ويسرة اني بغرفة غرفة مهدومة وقديمة وما بيها شي بس بيها معرض چنة قديم مال اهل گبل

وجان بي عارضات مواعين واستكانات وجان مفلش نوعا ما و اية قرآنية معلگة عالحايط وفرشة اني نايمة عليها ومطبوگة الفرشة صايرة مثل المخدة جوة راسي

ومتغطية بس من فوگ بشي مثل جاكيت جبير عسكري هذا كلة شفتة واني بس احرك براسي احس شي لازمني وما اگدر اتحرك درت راسي ع ايدي باوعت ع

زندي ملفوف بقطعة سودة جنها قماش فانيلة حاولت اتذكر شصار وشجابني هنا ورسل وياسر وينهم دمعت عيوني واني اتذكر كلشي اهلي امي واخواني ورقية

وعمي ومرتة واهلنة بكربلاء وابوي شسوة بية اتذكر كل الي صار بالغرفة الملعونة هذيج ومن ضربتة وما راح اسامحة لو ع گص ركبتي والخوف الكتلني والمكان

الي اني ما ادري بي وين اجتي ابالي افكار انو اني هسة يم داعش يمكن بچيت وبچيت تقريبا ربع ساعة احس راسي انفجر صار طبل يوجعني بشكل مو طبيعي

صيحت بصوت عالي واني اون ما گدرت اتحمل الالم وخايفة يعلة صوتي اكثر واني يم داعش صارت عندي حركة درت ع الجهة الثانية وهنا لمن تحركت جسمي

چان متكسر يعني من تحركت فجأة وتصنمت وفتحت عيوني من الوجع حاولت ارجع لمكاني ع كيف وضل راسي يوجعني واني ابچي وما اگدر اقاوم الالم ضليت