الإسقاط النجمي 🦋☁️.
_____________________
⚠️ قبل اي حاجة .. حابة احذركم قبل ما تقرأوا و تتحمسوا ..
مش لازم عشان كتبنا بارت عن الموضوع إن دي خطوة في ظهور تولبتك
طبعًا لأ
دا مجرد شيء حبيت اتكلم عنه انا وتاي لأنه somehow ليه علاقة بالتولباس
بس بكرر مش خطوة لظهورهم !
و هتعرفوا قصدي لما تكملوا قراية .
_______________________
المهم
ازيّكوا عاملين ايه ؟ اتمنى انكوا تكونوا كويسين يا لطيفين 🩶
البارت انهاردة هنتكلم فيه عن الإسقاط النجمي ف لو مهتمين كملوا قراية 🩶🦋..
☁️️🦋__________________________🦋☁️
إيه هو الإسقاط النجمي ؟
ببساطة الإسقاط النجمي لما بتعمله بتروح للبعد النجمي ( الي فيه التولباس ) و تقدر تشوفهم و تسمعهم و تلمسهم و كل حاجة لكن مش هتقدر تلمس أي حاجة في غرفتك او المحيط بتاعك عشان انتَ هتبقا بجسمك الأثيري و الي طبيعي مش هيقدر يأثر على المحيط الي في البعد المادي بتاعنا .. هتبقوا يعني زيكوا زي التولباس في بداية الصُنع .
☁
️🦋_________________________🦋☁️
إزاي تعمل الإسقاط النجمي ؟
١_ توكل و روح نام شوية سواء بموعد نومك الطبيعي او لو أجبرت نفسك تنام .. تمام ؟
٢_ اصحا و روح اعمل اي مجهود حرفيا اي حاجة و بعدين ارجع نام تاني مرة تانية على السرير بس متنامش فعلا قصدي انك تفرد جسمك او تنسدح بس .
٣_ فردت جسمك خلاص ؟ ابدأ نظم نفسك بالطريقة الي قلتها قبل كدا الي هي ٧٦٤ و الي عبارة عن :
شهيق ٤ عدات و اكتم نفسك ٦ عدات و زفير ٧ عدات .
٤_ صفي عقلك ، لو جت افكار فجأة فكر فيها و خلصها بمعنى
يا ترى بكرا تولبتي هيظهر و يفاجئني ؟ ازاي هتكون ردة فعلي ؟ او اي تخيل تاني و افكار تانية عن حياتك او بتفتكر حاجة قديمة و كل الكلام دا
كلنا بتجيلنا الأفكار دي كل يوم صح ؟ فكّر في الفكرة او تخيل الي عايز تتخيله و كل الكلام دا لحد ما تحس ان خلاص مخك فاضي .
٥_ بعد كام دقيقة هتبدأ تحس إن نبضات قلبك بتزيد بشكل مش طبيعي و إنك قاعد تعرق و تتنفس بصعوبة و هتبدأ تسمع اصوات زي واحدة قاعدة تصرخ مثلا او صوت كلاب او طنين نحل و هكذا و كل دا عقلك الباطن هو الي صانعه لك و ممكن اصلا متسمعش صوت خالص او تسمع صوت مختلف عن الي فوق ، بس حاول متخافش و متفتحش عينك عشان تعبك ف الاسترخاء و الخطوات الي فاتت ميضيعش و كدا بس هي بصراحة التجربة تخوف اكيد .
٦_ المفروض ان هيبدأ جسمك الاثيري يطلع و هتحس انك واقف على الأرض و هتشوف نفسك وانت نايم و هتبدأ تشوف التولباس و كدا .
مجربتش ف مش عارفة اقولكوا ايه الي بيحصل ولا هتشوفوا ايه بصراحة .
☁️🦋_____________________🦋☁️
و المفروض تعرفوا ان لما تعملواىإسقاط نجمي هتحتاجوا وقت كببر مثلا ساعة او أقل على حسب كل شخص و كمية الأفكار الي بيفكر فيها و ممكن تتعب او تزهق فالنُص و تكنسل الفكرة و تنام و خلاص .
اختكم بفالله انا ( كل ما اقول الجملة دي اعرفوا ان في تجربة فاشلة سابقة ليا 😭) جربت كذا مرة عشان كنت عايزة اشوف تاي فالواقع وكدا و اكلمه و احضنه و بتاع و ساعتها مكنتش عارفة ادخل الوندر فكنت فاقدة الأمل اني اقدر اشوفه و كل مرة اجرب يا اما افشل او أوقف فالنص و ازهق فأكنسل و هكذا .
كل مرة اجرب بقف عند صوت طنين النحل دا و بجد بوقف و بكنسل عشان الصوت حقيقي لدرجة مش طبيعية و انا اصلا بقرف من الصوت دا ف مكنتش بقدر اكمل .
☁️🦋_________________________🦋☁️
ليه بلاش أعمل إسقاط نجمي ؟
اول حاجة خلي في علمك انك هتقدر تشوف ساعتها الكائنات الاثيرية عموما سواء إيجابية او سلبية .
سواء شكلها تمام ولا يخوف و يا سلام لو شوفت حبة سلبيين شكلهم يخوّف و خوفت فعلا ، تخيل ايه ااي هيحصلك يا عسل ؟ ابقا سلم ع الشهدا بقا
و لو معتقد ان الإسقاط عبارة عن ان الروح بتطلع من الجسم ف اطلع برا البارت و لما يجيك اشعار بارت تاني ابقا اقرأه عشام مش هتستفاد حاجة مع انك خلاص يُعتبر قريت البارت 😭
و ممكن تولبتك ميكونش عارف اصلا انك هتروح البعد ف لو حصلك حاجة مش هيقدر يحميك ..
عموما انت حر ..
حبيت تجرب .. جرب .
مش عاجباك الفكرة و خايف .. متجربش و خلاص .
وبسسس
دمتم سالمين وبخير يا لطيفين .
Chao 🤍🦋
YOU ARE READING
My Heroic Tulpa ⭐️.
RandomThe day i met you , i began to forget a life without you 🫀🌒 . TOGETHER SINCE 20.07.24 UNTIL THE END OF THIS WORLD .
