- عيناها تتحدث بقصة ألم، تحاول إخفاء ما تعانيه خلف ابتسامة بشوشة لعل روحها المتعبة تستريح من ضجيجها.
غيث: شعندج. بهل. ليل وشهل لبس هذا متستحين؟؟
زينب: انداريت وشفت غيث وحسيته ضايج ونوب كالي شعندج بهل ليل وشنو لبس هذا
غيث: شفتها ارتبكت وكامت ترجف كمشت ايدها حيل وكتلها جاوبي.
زينب: والله ماعدي شي عطشت وجيت اشرب ماي واترس لملاك هم والله والله مداسوي شي حباب عوفوني
غيث: ولبسج هذا
زينب: هاي يوم اشتريتها مال نوم ف كلت البسها وردت اغيرها وانزل بس ملاك كالت نزلي بيها هيه ع سريع والله العظيم مداجذب
غيث: شفتها دمعت عينها وكامت ترجف كتلها يلا تمام روحي صعدي وممنوع بعد اشوفج بهل منظر داتفتهمين واني اباوع ع عينها
زينب: اي اي والله بس الله يخليك عوف ايدي والله كامت توجعني
غيث: نسيت نفسي اني كامش ايدها نوب صارت حمره دم خطيه عفتها ومصدكت راحت ترركض فوك
زينب: بس عافني رحت شردت بجلدي حرفيا دمي جمد كون امشي
صعدت ماي لملاك وشربت ونمنه
زينب: ملاك كومي تاخرنه ع دوام ولج كومي
ملاك: كمت يمعوده سطرتيني
زينب: كعدت وكعدت ملاك اليوم راح اداوم رحت غسلت وبدلت ملابس المدرسه ولفيت شالي ونزلت جوه لكيتهم كاعدين
راغب: صباح الخير
زينب: صباح النور خالو
الجده: يلا بنات روحن اتريكن وهسه يجي غيث يوصلكم
زينب: انصدمت غيث هو الي راح يوصلنه تذكرت البارحه وتعامله السيء وياي وضجت حيل نوب مجبوره اروح وياه رحنه تريكنه وكملنه وامنه صاحت غيث ونزل هم اتريك
غيث: جنت دالبس ملابسي حتى انزل وصاحتني امي نزلت اتريكت وفرحت لان اني راح اوصل زينب وملاك بنفس الوقت احس كمت احبها هل بنيه مدري شسوتلي بعينها كل نظره منها احسها طلقه بكلبي رحت اوصلهم واني الطريق كله اباوع ع زينب وهي منا بيضه وتجنن ولابسه شال ابيض طالعه تكتل
زينب: صعدنه بالسياره وملاك كعدت لكدام واني ليوره وهذا الطريق كله يتبسملي مدري شبي مشايف بنات حرفيا صرت حيل اضوج منه وماطيق اشوفه
وصلنه ومر يو عادي
ثاني يوم كمت احس غيث بس يريد فد شغله بسيطه حتى يحجي وياي ويحاول يضوجني بكل الطرق
غيث: صراحه كمت اعشقها لزينب يعني كل دقيقه اصيحلها ع شي تافهه مثلا جيبلي مي او ودي الكلاص حتى بس اشوفها مداكدر اقاوم نفسي من جمالها وبياضها وشعرها وشفتها. وخدودها حرفيا كلشي بيها صرت احبها لدرجه اذا اشوف اخويه سيف يباوع عليها اصيح عليها وهيه مالها ذنب يعني كمت احبها حيللل والله مو بيدي فد يوم جان البيت فارغ ابوي طالع وامي وبيبي وعمتي راحو للسوك مكدروا ياخذون البنات لان جانت عدهم امتحان ف بقت زينب وملاك بالبيت ملاك جانت بالحمام سمعت صوت باب الحمام ف عرفت هيه طبت وبقت زينب وحدها بالغرفه استغليت الفرصه وصعدتلها
زينب: جنت كاعده اقره رياضيات وما اشوف اله غيث طب للغرفه حتى باب مادكها شكد ميستحي كتله ها غيث اذا جاي ع ملاك دخلت للحمام تغسل
غيث: لا مجاي عليها
زينب: لعد عليمن
غيث: عليج
زينب: عليه؟ ليش شكو
غيث: اريد احجي وياج بموضوع
زينب: طبعا اني بهاي الفتىه كلها حسيت بديت اتقبل غيث وهم صرت احبه من يضوجني او يرزلني ف كلي اريد احجي وياج بموضوع اني كلبي كام يدك سريع كتله ها اي احجي
غيث: احبج اي زينب اني احبج من يوم الي دخلتي بي لهذا البيت اني شكد شايف بنات بس مثلج ابددد جمالج يخليني اقتنع انو الله مبدع صرت من اشوفج احس براحه نفسيه وجهج مريح لعيوني
زينب: هو يحجي واني بس اباوع بس احس فراشات بكلبي احس صدك اني احبه كمت احس فعلا حبيته وبدون ما انتبهه ع نفسي كتله واني غرگانةة بحبك
وهو تفاجأ
غيث: هيه كلتلي هيج تفاجأت وتقربت عليها
زينب: تقرب عليه وصار حيلل قريب كتله غيث وخر حباب لاتطلع ملاك وشوفنه
غيث: ماوخر خلي اشوفنه
زينب: حباب وخر عني
غيث: لا يعني لا تقربت عليها وكمشت ايدها واخذيتلي شفه ضلت مصدومه بس ماسوت اي رده فعل واني ماعفت شفايفها لحد ما حسيتها اختنكت
زينب: بصدمه ه هاي هاي شسويت
غيث: مصيتج
زينب: بس حرام
غيث: لا حلال نوب كمشتها ابوس بيها ماحس اله باب انفتح وطلعت ملاك وضلت مصدمه جان تتقرب علينه وتكول.......
الكاتبه: fatima al saif +اتمنى تعجبكم القصه
انتظروا بارت الخامس
