عَـوْضَ آلـ لـهَـيـفْ

الأقحِـوان الـثَـاني2

بِقلمي أنا الكاتبه.    
بَـنـِيـن سَـلمـان🦋❤️‍🔥
الباقيات الصالحات:
سبحان ﷲ، الحمدُللّٰه، ولا أله ألا ﷲ، اللّٰهُ أكبـر..
الأقحِوان♡2♡

متبرئة من ذنوبكم
لاتنسون الأعجاب والتعليق بين الفقرات فضلاً🤍

بسم ﷲ الرحمٰـن الرحـيـم..

♡♡♡♡♡♡♡♡

بِقى يسوق الرجُل تقريباً ثِلث سَاعه وصلني انطيته كروه بلكوه أخذها ونزلت عيوني تتجول بلمنطقه أحاول اتذِكر بَيتها وين

:_مِشيت وأني اتلفت خاف شخص ورايه وتركيزي ؏ الأبواب مال البيوت عسى ولعل الكه بيتها شوي ولمحت باب مؤلوف من بَعيد أكيد هي

جانت دنيا لَيل سَرعت خطواتي بأاتجاهه محسيتچ الا ؏ أيد شخص ؏ كتفي وهو يضحك

وأردف:_عَبالج تِشردين مني..

اتصَمنت بَمكاني منو هاذ صوَته غريب لَفيت وَجهي بأتجاهه شخص مَخمور قبيح يِخوف

_ رَجعت بخِطواتي للوراء وتقدم ألي يحاول يلمَس جسمي بنتي بأيد والجنطه بلأيد الثانيه ولأثنين مااكدر اتركهم وكعت الجنطه من أيدي وضليت أدفع وأضرب بي بأيدي وهو دايخ يوكع ويرجع الي

" لِمحت حجره متوسطة الحجم وراه ركضت عليها بسُرعه أخذتها وأجيت أريد أضربه وهو لأزم أيدي دفعته بقوة داخ وكع

استغليت الفرصه وشمرت الحِجاره ؏ راسه بقوة وقعت ؏ جَبهته وصار ينزل دم منها شبه فقد الوعي لأنو هو بلأصل غير واعي  اخذت الجنطه ورِكَضت للباب وضَليت أدگ بي بكُل قوتي

طلعت حوراء انصَدمت من شافتني بهل الوضِع

:_عزاا مينا شبيج ليش هيج حالتج

دِفعتها ودَخلت لِجوه طِبكت الباب بقِوة وأجتي بأتجاهي  توِجهت بِكامل أنظارها لأقحِوان وِسعت عيونها بصدمه

وأردفت:_مينا شنو هايه الطفله منين جبتيها أشلون اجبتي بهليل

أنهاريت بُكاء وأني جَاهله شنو أكول ألها شردت من زوجي وأهلي لا ياخذون بنتي مني أكيد مراح تستقبلني بِيتها تخاف من المشاكل وحقها ماألومها

سَمعت صوت بُكاء طفلتي وجهت نَظري ألها بخوف

::هاا ياماما جعتي حبيبتي أسفه والله أجتِ علي حوراء وكومتني دخلتني لِجوه بلصاله جابتلي مي وشغلت الصوبه النفطيه لأنو جان شتاء وغطه هم جنت مِجمده برد اتغطيت وغطيت أقحِوان ويايه ورضَعتها كِعدت حوراء أمامي

وأردفت:_كَملي وسولفيلي شنو الوصلج لهل حاله

حوراء كَانت بنت جيرانه  أكبر مني بكَم سَنه وأهلها اتوفوا بحادث عندها اثنين خوات متزوجات بغير محافظة وأزواجهُم للأسف ماقبلوا يستقبلوها ساعدنها اخواتها بلسر وهي هَم اشتغلت هواية واشترت بيت وحدها مكدرت تضَل وحَدهي وألناس تحجي أشكال انتقلت لِغير مَنطقه تكول علأقل هنا مَحد يعرفني او اله عَلاقه بيه