|| ضغن الهرماس ||

"Part 26"

﷽

-الكاتبة: سـارة الحـسن

-Part 26

َ

-"لا تنسون التصويت + متابعة الحساب"
-"وتعليقاتكم ع الفقرات فيـروزاتـي"🤍

▪ ▫ ▪ ▫ ▪ ▫ ▪ ▫ ▪ ▫ ▪ ▫ ▪ ▫ ▪ ▫ ▪ ▫

أنهُ الله، يسمع ندائك الخافت
يُصغي لإرتجافات مشاعرك المتُوعكة
حين تظن أن لا أحد يسمعك 🤍..

َ

َ

َ

-صارت دموعها تنزل لا ارادياً وترجف من الصدمة والخوف ابتسمت وگمت اريد اطلع وحجيت وياها
::-الج منا لليل لو انتِ تحجين لـ جدو الحقيقة لو يعرفون حقيقتـج

-لزمت ايدي وصارت تحجي بتوسل وبدون حتـى لا تفكر
::-راح احجي راح احجي وداعت امي راح احجي بس لا تحجين لأحد

-دفعتها عني وحجيت وياها بـ اشمئزاز
::-صـور خلاعية ولـ شخص غريب؟!!!

-بقت كاعده بـ الكاع وتبجي حتـى ماكدرت ترفع عينها بـ عيني من فشلتها ولأن تعـرف الشي الي سوتة حرام وعيب ومخزي

-نزلـت لـمستواها وحجيت وياها بـ لُـوم
::-لـيش هيـج ظليل؟!! ما وكف بعينج ربـج؟!!
وما وكفـو بعينـج أهلـج؟!! امـج ابوج جدج اخوانج؟!!
مافكـرتـي بـ الكلام الراح يسمعه جدج جساس من اهلج؟!
مخلينـج امانه يمه ويعتبـر مسؤول عنـج ولا فد يوم قصر عليج بـشي، تالي اهلـج يكلوله ماكدرت تحافظ عليها
انتِ ما استحيـتي من نفسج من صورتي هيج صور؟!!
وع شنـــو حتـى تسمعيــن كلمــه حلـــوة ويتــغزل بيـــج وبـ مفاتنــج؟!
متعرفـين هل شي حرام وما يجوز لـو لا؟!
أذا سألــج رب العالمين ياعبــدي ليـش سويت هيج؟!
راح تكليله حتـى يحبني ويتغزل بيه؟!!

-ماكدرت تجاوبنـي واستمرت تبجي وتشهك وخجلانه من نفسها ومـن تصرفها، بس بعديش شنو فايده خجلها هسه
شنو فايدة الندم بعد فوات الاوان؟!
الفضيحة الممكن تصير مستحيل تنسي
راح تبقــى وصمه عار عليها طول عمرها

-شنــو ممكـــن يصيــر حتـى البــشر يوصــل لـ هــاي المرحــله مــن القــرف؟!!
تبيـع نفسها وجسمها وغرورها وكبريائها بس علمود تسمع كلمه حلوة ويكللها جسمج حلو

-لـــيش الأنســان يرخــص نفســه وهــو غالي؟!
الأنسـان من يرخص صعب ترجـع قيمتة الحقيقية بعد
والأهــم من كل هذا منـو الي يسوى حتـى ترخصله

-اخذت نفس عميق وانـي اباوع ع حالتها شلون انهارت من عرفت الصور عنـدي، اتحركت من يمها وحجيت وياها بـهدوء
::-راح تكولـين جانت لعبة من امـج
وهل شي صحيح انتِ ما مكذبة بشي
وراح تحجين لـ جدو هم شلون استغليتي نوسـي
واذا تردين عذر لـ نفسج كولي ماردت ازعل امي
بس هسه تندمتـي وضميرج صار يأنبـج وحجيتي