•••••••••••••••
الگـاتبه زهراء
بقلم / ايـفا
تعليق بين الفقرات+ تصويت
~~~~~~~~~~~~~~~~~~
بلكي نموت !
خلصنه العمر لچمات
محد يفهم شبينه
الوجع لاحگنه من كل صوب
حافظ حتى أسامينه .
~~~~~~~~~~~~~~~~~~~
هازان: سكتتت بس حايره وتعبت من المشاكل،، التفت لأمي وكلت ٠٠٠ ماما انتي موافقه تطلكين موو؟؟
رمله بدموع:- ماريد ابقه على ذمته
الشايب: هذا هو باجر يطلكج
هازان: يلاه ماما تعاي ويانه مبين عليج تعبانه هواي
رحنه للبيت وامي ادموعها ما وكفن الطريق كله بس تبجي وتندب بحظها
وصلنه للبيت تلكتنه خاله اڤنان ابتسمت وكالت
:- هلا بيكم نورتو ،، ليش واكفين ادخلو
رمله: دخلت للبيت واني مستحيه منهم، شلون اعيش وياهم
الشايب: خاله غرفتج جهزته فاطمه ،، هازان اخذيها لغرفتها
هازان: هزيت راسي واخذت امي لغرفته ،، فتحت الباب وامي بقت تعاين عليها
رمله: ماشالله ربي يحفظكم ويبعد عنگـم الحسد والعين
هازان: ابتسمت وكلت
:- هاي غرفتج منا وهيج تنامين هنا
رمله: جريت حسره وهزيت راسي بـ اي
هازان: اني راح اروح اغير ملابسي ، فاطمه حضرتلج ملابس وصابون وشامبو ادخلي اسبحي
.. كلت هيج وطلعت جانت الدمعه بعينها ومتهسره على الي يصير وياها ..بس ماكو شي بيدي
رحت لغرفتي ولكيت الشايب متمدد على الجربايه ومخلي ادينه على عيونه ،، شافني وكال
:- شلون صارت امج
:- احسن
،، اخذت ملابسي ودخلت للحمام اسبح،، جسمي جان حارر نارر.. وصارلي يومين ما سابحه جنت مشغوله
بـ امي
طلعت من الحمام وكفت امشط ونوفل ماوخر عيونه عني
خزرته وكلت :- اكو شي ؟
-: لا
:- لعد ليش هيج تباوعلي
:- ليس حرام واني مادري غير مرتي
:-درت وجهي وكلت:- بيش الساعه ؟؟
:- راح تصير بـ 7:00
:- اليوم اني راح اسوي عشه
:- متاكده؟؟؟
هازان: عقجت حواجبي وكلت
:- اييي
نوفل: خلي فاطمه تسوي العشه
VOCÊ ESTÁ LENDO
غلطه صحيحه
Mistério / Suspense- "الجميع يغلط دون قصد" "فما بالك من شخص يصنع الخطاء كل يوم؟" الكـاتبه زهراء
