[ بِسْمِ اللَّـهِ الرَّحْمَـٰنِ الرَّحِيمِ ]
انه البيه حچي مكســر مثل ڪلبي
الكاتبة:- سُـعاد اٌلـ تمـيم
" سأحرقكم بانتقامي "
قراءة ممتعة 🤎.
𓎑𓎑𓎑𓎑𓎑𓎑𓎑𓎑𓎑𓎑
عماد: جاسم دبرلي مسدس بسرعه اكتل هذاك الناقص ونوب دور هاي العار
جاسم: موجود السلاح بس لازم نلكاه أول شي ونجيبه يمها ونكتلهن ثنينهن
سلطان: شنو سوت المره شبيكم قتل النفس حرام شنو هالخرابيط يمكن اكو سوء تفاهم
:- بصياح أنجب أنتَ محد طلع عينهن غيرك مرتي وانا حر ولي عن وجهي يلا
حط عينه بعين ابوي وأردف:- مستحيل اخليك تمسها لو اني لو أنتَ
حُره"'
أخذني الرجيف واني اسمع حجيهم والصياح وكلبي ضل يدك بجنون وجسمي سرت بي رجفة احتلتني ودمعي مانشف بهاي اللحظه يعجز الوصف
دار وجها وشافني واكفة وابجي خزرني وعاط بيه
عماد: وجع شكو واكفه هنا امشي ولي جوه لا اطلع خبالي واخليجن بغرفه واحركجن كلجن واخلص من عارجن
نزيت خايفة من نظراته ياسمين سحبتني وركضت بيه جوه
ضليت الطم خايفه على امي
ياسمين""
اشوفها تدك وتلطم اريد اهدئها بس ماكدر لان اني هم خايفة ودموعي على خدي تقربت يمها شوي وحضنتها وضلت تحجي وتبجي بحضني
حُره: ولج ياسمين مادري شراح يصير بماما يمه أموت أذا صارلها شي والله ماكدر بدونها
ياسمين: حُره أهدي أن شاء الله اكو سوء تفاهم أهدي خلي نفهم شراح يصير علمود نتصرف
حُره: ولج شهدء شهدء فهميني هسه يجوز يكتلها الما يخاف الله عسى حوبتنه ماتتعدى هالظالم الله لا يوفقه أن شاء الله
ياسمين: حضنتها لكلبي وضليت اقرأ أيات حافظتهن وأدعية بلكت تهدء شوي تبجي وتشهك خفت عليها هواي صديقة روحي هاي اموت اذا صار لها شي
هناك وصار هدوء وسمعنا صوت عمي عماد يصيح
عماد : حُره ولج صخام وينج تعاي ساااق.....
طفرت وطلعت تشوف ابوها واني بقيت بالغرفة وخايفة خاف يكتلها
حُره: طلعت شفته كاعد بالصاله حاط رجل على رجل ويدخن وبالي يم ماما وين وداها وليش ماكو صوت الها
فزيت على صوته عاط:- ليش ماتجاوبين ولج
:- رديت بقلة حيلة أي سمعتك صار
YOU ARE READING
سأحرقكم بأنتقامي
General Fictionهناك ثلاث فتيات كل منهن تغربت ولتهبت شعلة الأنتقام بـ داخلها وهناك من لم تذق طعم الأمان وسط عائلتها،اما عن الاخرى فـ هيَّ وافاهَ الاجل، وهيَّ بـ حسرة محبوبها تلك العروس الأخره من بعد عناء طويل عاشت حياتها لكن للقدر رأي آخر أراد أن يحرق قلب عاش...
