Unicode
Chapter 67 : မင်း ဘယ်ရောက်ဖူးလဲ(I)
အဝေးမှထွက်လာသည့်အသံမဟုတ်သော်လည်း ထိုနေရာသို့ရောက်ရန် အချိန်အနည်းငယ်ယူလိုက်ရသေးသည်။
ပြောရလျှင် လုံရှောင်ယွမ်နှင့်ရှီချင်ကျိုးတို့ ထိုနေရာသို့ရောက်သွားချိန်တွင် လူများဝိုင်းအုံနေကြချေပြီ။
ထို့ပြင် အနီးတွင် လဲကျနေသူများ ရှိနေသည်။ပေါက်ကွဲမှုကြောင့် ဒဏ်ရာရသွားကြပုံရသည်။
ထို့နောက် ရဲမက်များက ဒဏ်ရာရသူများကို သယ်ထုတ်သွားကြသည်။
ဒဏ်ရာရသူများသည် ပထမဝမ်ရယ်၏အိမ်တော်အပြင်ဘက်တွင် စောင့်ကြပ်ခဲ့ကြသော ရဲမက်များဖြစ်နေသည်ကိုလည်း မြင်တွေ့နိုင်သည်။
အနှီလူများကို လုံရှောင်ယွမ်က ထိုနေရာကိုစောင့်ကြပ်ရန်အမိန့်ပေးခဲ့သည်။
ဒီလောက်လူအများကြီး အပြင်ဘက်မှာစောင့်ကြပ်နေတဲ့အချိန် ပေါက်ကွဲမှုက ဘယ်လိုဖြစ်တာပါလိမ့်....
သေစမ်းကွာ....ဒီလူတွေကတော့ ဘယ်နေရာမှကို မတော်ကြဘူး...
မကြာမီ လူအများမှာ ထိုနေရာသို့ဆွဲဆောင်ခံလိုက်ရသည်။ရဲမက်အချို့က စပ်စုသူများကို မောင်းထုတ်လိုက်ကြသည်။
အနီးပတ်လည်တွင် လူများပိုမိုများပြားလာပြီး ရှီချင်ကျိုးက ပထမဝမ်ရယ်၏အိမ်တော်ထဲတွင် သွားလာနေသော အမျိုးသားတစ်ယောက်ကို မြင်လိုက်သည်။
"တစ်ယောက်ယောက် ခိုးဝင်လာတယ်"
ရှီက ချက်ချင်း ပြောလိုက်သည်။
လုံရှောင်ယွမ်က ချက်ချင်း ပြောသည်။
"သွားကြည့်ရအောင်"
ရှီက ခေါင်းညိတ်ကာ အရိပ်သက်တော်စောင့် တစ်ဦးနောက်မှလိုက်ပါလျက် လုံရှောင်ယွမ်နှင့်အတူ အတွင်းဘက်သို့ မြန်မြန်ဆန်ဆန် ခုန်ဝင်လိုက်သည်။
ရှိီက ခိုးဝင်လာသူကို နောက်မှအနီးကပ်လိုက်သွားရန် အရိပ်သက်တော်စောင့်အား အမိန့်ပေးလိုက်ပြီး သူနှင့်လုံရှောင်ယွမ်က အနည်းငယ်အရှိန်လျှော့လိုက်သည်။
YOU ARE READING
အသုံးမကျသောဧကရာဇ်အဖြစ် ပြန်လည်မွေးဖွားလာခြင်း(မြန်မာဘာသာပြန်) Book 2
Historical FictionTitle - Rebirth as a fatuous and self-indulgent ruler Type - Web novel(CN) Genre - Historical,Martial Arts,Romance,Slice of life,Yoai Author - Blood Eng translator - storm in a Teacup Mm translator - Yongone Start Date - 31,Dec,2020 End Date - Sourc...
