ضحية النرجسي

بارت 5

رجعنه للبيت ميتة تعب نمت لل ليل يلة كعدت محافظتهم بعيدة علينه و اني ممتعلمة بليل خابر حجة حجي عادي و راح مرات جنت افكر ليش ميحجي وياي مثل مااسمع الناس دكول احلى شي فترة خطوبة يحجي وياي كانه صديقة عبالكم يحجي وية جنت بعدني مستمرة بهالشغلة انو اتحجج و اسد خط واكعد ابجي بس شوي شوي عادي تقبلت الكلام وية كلت هاي هيه هذا مصيري قابل شنو اريد اسوي مرات نندمج بالحجي و نكعد نسولف من هو بالمحل مالته و بليل مرة اخذنه واهس يعني جانت مكالمة ظريفة ضل يحجيلي مواقف ميتة ضحك عليه بس لو تصدكون حتى من يسولف مواقف تضحك بس احسه كلهن جذب واني اتخبل من الانسان اليجذب....
جنت كل يوم اني اتصل عليه لان عدنه خدمة بيوم كعدت خلصان الخدمة كلت هسه يتصل من صبح للمغرب هو ما متصل ولا فكر بية واحنه حتى نت مااعدنة طبيت سبحت امي جتي كالت علي ديتصل اني جنت كلش متنرفزة كتلها عوفي هسه فكر يتصل من صبح وين جان لو متعلم بس اني اتصل ضليت اخرط شايلة بگلبي هي گلبت دنيا انتي تردين تسوين مشاكل شمس خابرت امي كالت الها لحكي اختج تريد تسوي مشاكل حتى ينفصخ خطوبة و ضلت تحجي مديت راسي من باب حمام كتلها اذا دك جاوبي انتي اذا تردين هي ردت عليه كايل فاطمة وينها امي كالت ماعدنه رصيد كايل هسه اني ادز طلعت من حمام امي كالت حيدزلج رصيد كلت زين مشت الايام عادية كل يوم يكول هالاسبوع يجي نجي انلبسج الذهب ضل على هالموال لحد ورة شهر خابرني كال اتفقنة نجيكم هاي هيه كتلة هلا بيكم زهراء خابرت شمس اتفقو على خطوبة كتلهم ماريد البس بدلة استحي حالبس ملابس كردي بس اروح للصولون فحضرنة للخطوبة بما انو همه من جنوب ف من صبح يجون كالو نسوي بيناتنة لتعزمون بس اقاربكم نضفت البيت كلة و بنكات و بيبان كلشي نضفت جان جو بارد ثاني يوم اني وشمس رحنه للصولون لبست ملابس كردي حنزلة الكم😊

هاي صورة بيوم خطوبة بقيت شعري ع طبيعته بطول ضهري ولونه بني بقيته ع لونه خليت ميكاج طلع كلش حلو حمرة خلتلي لون بنفسجي فاتح وعيوني طلعن كلش حلوات بس مخليت عدسات مااحب بهاي صورة شكلي نسخة من ايناس طالب اني من اخلي مكياج اطلع اشبهة كملت خابرنه اجوي علينه علي و زهراء و خواته الاصغار امي وياهن لان تندل صولون طلعت من صولون سلمت و صعدت محجيت وية جان كاعد بالصدر يشرب جكارة نزلنة يم مصور جنت كلش مرتبكة علي جان لابس بنطرون اسود و قميص ابيض و رباط احمر اجة مصور ياخذلنه صور كال الزم ايدها ضليت ارجف ابد ملازمين ايد بعض لان اصلا هو مجان يجيني لزم ايدي لاول مرة انتبه ايدة كلش ضخم وهو اسمر كلش ايدي ابيض و صغير ضاع بيدة بگلبي كلت حليب و ككو😅 اخذنه صور اخته كالت شكو ترجفين ترا الغرفة مو باردة عود دشاقيني هاي طول مدناخذ صور كلمة وحدة محجينه رجعنه للبيت ردت اطب بس هاي كلمة كلي انتظري طبي وية بنات دخلت عائلة عمو رحمان جاين جناينة بس طبيت بوست الكل و رحت كعدت صبولهم غدة كتلهم لحكولي ميتة جوع طبيت بالمطبخ اكلت ورة غدة بشوية كالو يلة خل نسوي الحفلة ورانه طريق جانت حفلة كلش بسيطة كعدت اجة كعد بصفي كلشي محجينة لبسني الحلقة رجعت اريد البسة حلقة ستحيت الزم ايدة شمس كالت لزمي ايدة و زهراء كالت بوسها بس مباسني لبسني السوار و الكلادة طخ ركبتي جسمي قشعر بعدت نفسي بسرعة وكلنه كيك و ببسي البعض من الارتباك من شربتة الببسي بقيت الكلاص بحلكة موخرته لحد ما سمعت وحدة من جناين عمو رحمان كالت مو كلة مو كلة كامو يضحكون كمل و طلع بعد ضلو يركصون كوموني ركصت و رجعت كعدت شوية و طب علي و ابو، ابو سلم عليه وباركلي اخذو صور و كالو يلة نرجع بعد للبيت حضرو نفسهم و راحو بگلبي كلت امداني شو هذا لا حجة وياي لا شي شبي هم احسب نفسي مخطوبة رحت بدلت شوية و صديقتي اجتي عليه ضلينه ناخذ صور و راحت لل ليل اتصل ضل يمدح يكلي حلوة و منهسوالف كال هسه اكول شوكت نعرس بعد شو ستعجلت كتلة اي ضلينه نسولف و راح اني هم تعبانه نمت

بنات داكتب على كد طاقتي و الصورة النزلتة حقيقة امانة لحد تسكرنه لو شي😊