ليله صحيت بتعب وازعاج من صوت المنبه فتحت نص عيونها بملل وهي بتنفخ بضيق: هووش مش وقتك سبني انام
وقفلت المنبه...ولمحت خيال لشخص واقف قدامها قفلت عيونها وفجاه فتحت تاني بسرعه: انت بتعمل اي هنا
قاسم بضيق: الساعه كام دلوقتي؟؟
ليله قعدت بسرعه علي السرير وبصت للمنبه الساعه كانت 6ونص شهقت بصدمه: ا.. انا اسفه اص..اصلي مش متعوده اصحي بدري كدا انا اسفه
ولان التعب كان فعلا باين علي وشها قاسم قرب منها اوي لدرجه خلتها ترجع لورا بتوتر: اخر مره هعديها ليكي لو حصل اي حاجه تاني اعتبري نفسك برا القصر دا
ليله بلعت ريقها بخوف وحركة راسها بالايجاب: ح..حاضر
قاسم بعد عنها: قومي البسي بسرعه
ليله قامت وقفت: البس؟؟ لي
قاسم ببرود: من غير اسأله 5 دقايق وتكوني جهزه
وخرج من الاوضه بسرعه في دخول سماح بصاله بصدمه: ازاي خرج كدا انا كنت مستنيه زعيق وبهدله هنا عشان اتاخرتي
ليله كانت لسه واقفه بصه لاثره بستغراب
سماح خدت بالها انها سرحانه قربت منها اكتر: ليللللللله
ليله فاقت من شرودها وبصت ليها بخضه: في ايه ي سماح
سماح بستغراب: مالك ي بنتي سرحانه في ايه
ليله: قالي البسي.. معرفش هنروح فين
سماح: طب ما تلبسي بسرعه قبل ما يتحول علينا وفي الطريق اسالي عادي
ليله بقلق ظهر علي ملامحها: تفتكري هيوديني لمعتز
سماح حركة راسها بالرفض: لا قاسم بيه صعب جدا وعصبي ويخوف بس مش غدار اطمني
ليله بصت لانفسها في المرايه بضيق: حتي معنديش هدوم غير دول من وقت ما جيت وانا لابساهم كل هدومي في البيت
سماح ابتسمت بحب: بس كدا ثواني ي قمر
ومشيت سماح راحت اوضتها جابت تيشرت وبنطلون ورجعت تاني ل ليله: خدي يستي البسي دول وهما اكيد هيجو علي قدك احنا يعتبر نفس المقاس
ليله ابتسمت بمتنان: شكرا اوي ي سماح بجد
سماح ببتسامه: شكرا علي ايه ي عبيطه احنا اخوات صح ولاايه
ليله حركة راسها بالايجاب: طبعا
سماح: طب يلا اسيبك تلبسي بسرعه بقا عشان شوفت قاسم بيه مستنيكي برا
ليله حركة راسها يالايجاب ولسه بتبص للهدوم لقتها بالتيكت بتاعها شافت سماح لسه هتمشي وقفتها بسرعه: سماح خدي الهدوم دي بتاعتك وانتي لسه ملبستهاش
سماح بستغراب: واي يعني؟!
ليله: ازاي هلبسها وانتي جيباها جديده ليكي
سماح ابتسمت: يستي وانتي شايفه الخروجات مقطعه بعضها يعني انا ديما في القصر وبعدين مش خساره فيكي بطلي عبط
ليله بإحراج : بس..
قاطعتها سماح ببتسامه : ادخلي البسي بسرعه ي ليله
ليله ببتسامه: بجد شكرا جدا ليكي
سماح بملل: تاني شكرا يبنتي انتي اختي ومعرفش لي حبيتك كدا من اول ما شوفتك وانا مرتحالك البسي بسرعه بقا قبل ما قاسم بيه يتعصب علينا
ليله ببتسامه: ماشي
أنت تقرأ
هربت لتسكن قلبي (مكتمله)
Romanceكانت تركض هاربه تنظر خلفها بخوف وهي تراهم يقتربون منها ليمسكون بها وعندما رات ذاك القصر الكبير.. لم تفكر ثانيه ودلفت اليه كانت تظن انها بذاك انقذت نفسها ولكن القدر له راي اخر.
