ألمُخلب109
زيَـنـب أحمـد
اجه شالني من الكاع وبدات رزالته
-ليش هيج تسوين وتركضين؟
-ترى دنزل احجيلك شي
-سُعاد: خاف صار اسقاط من وكعتي
-نَورس: لا عمه منزفت هاي ميطكها عرج
-عينج يولي
باوعتلها وحجيت بأنهيار
-انتِ شبيج وياي و وي ابني المجاي للدنيا اساساً شبيج؟
عوجت حلكها ومشيت من يمي سريع
-فَيروز: معليج بيها
-سُعاد: مُخلب طلعها واطلع فوك
كام لزمني من ايدي وسندني حتى اطلع ع درج
طبيت لغرفتي وتنفست براحه تامه
-
ضجتي من حجيها؟
-لا شسالفه
-اخذيها ع كد عقلها
-تمام حبيبي
تمدد ع تخت وحجه براحه تامه
-حاير شجيب هدية لابويه
حجيت بأستغراب
-بدون مناسبه
-عيد ميلاده
-صدك
-والله
-يلا ننام ترى تعبانه
-نوم العوافي "ابـهــري"
"سمر"
عانيت بفترة زواج اخوي هواي من ورى نهله وشهلة جانو يستخدمون نقطة ضعفي بكلشي يهددون يكولون لاخوي عندي علاقه وي واحد ويعيبون ع جهرتي النحسه ولخ ولخ ولخ
كاعده ع تخت اشرب مي والعرك يصب من وجهي فتحت الباب وطبت بلياقة
-شبيج هيج
سمر: يُمه مبيه شي
-احجي احسلج لا ادكج بالجريذة
سمر: خاف تصيحينين
-احجي اسمعج
سمر: اسمعي
بديت احجيلها وهي تسمعني وملامح الصدمه بينت عليها
the future
طالعه وي اهلي نُزهه ببارك والفرحه مسايعتني واللاعب الاطفال الي شفتهم ومستمتعة بالجو
حسيت احد حط ايده ع جتفي انداريت بسرعة اشوف منو
زفر بوجهي نفس حار لفح وجهي من قوته واشتميت ريحة عطرة المُفضل
كمت اباوع يمين ويسار جذبتني بنية شابة تتمشة وبطنها جبيرة ولازمه طفل من ايده
تقدمت عليها بُبطئ وكتلها
-هذا ابنج
-اي ابني ليش
-كلش حلو ملامحه تشبهه
-ملامحه تشبه منو؟
-ها محد
-تمام حبيبتي
-بطنج جبيرة ليش
ضحكت وحطت اديها ع وجهه
-هذا ابني لبطني
-عادي امسك بطنج
-تمام لزميها
تقربت حطيت ايدي ع بطنها كلتلي بهمس
-انتِ متزوجه؟
-لا
-شفتج متأثرة
-اي اني اتاثر
-حبيبتي عادي اروح "زوجي ديصيحني"
-وينه زوجج؟
اشرتلي لي كدام
انداريت عليه باوعتله وفجيت عيوني ع وسعهم
-هذا زوجج
-اي شبيه؟
the past
جانت فوضه عارمه بكل مكان نفاخات مطشرة زينة اعياد الميلا بكُل مكان الكُل فرحان والفرحه مسايعتها كُلنه نتعاون حتى نزين البيت وفرحانين
فيروز: ولج الزمي علكيهم انت اطول مني
-اهوو دجيبي
فيروز: نورس الزميلها الكرسي
نورس: يلا خوش
وكفت ع طبلة اعلك زينة اعياد الميلاد ونورس لازمه الطبلة
-جيبيلي اللخه ولج يلا
راحت تركض حتى تجيبلي الزينه للثانيه ونخل توازني من الطبلة و وكعت ع وجهي وبديت انزف بكثرة كامو كلهم يركضون عليه ويصيحون للمخلب حتى يجي يساعدني
-ألمُخلب: شنو شبيكم تتهارجون
-ولك وكعت
-ألمُخلب: منيه
-ثور مرتك
وخرتها ورحت اركض للصالة شفت الدم يتجارة منها وخرتهم منها وشلتها وديتها للسيارة وهي تبجي من الالم
-خايفة ع ابنييي
-ألمُخلب: لتخافين يولي اني وياج
-جاي انزف هواي والله
-سُعاد: اهدئي يابنتي اصبري
-ألمُخلب: والله مايصيرلج شي لا انتِ ولا ابنه بس ع كيفج
-دا اتوجعع ماتحمل بعد
تقريباً اقل من نص ساعة وصلنه ع مستشفى طبت الدكتورة فحصتني
-ألمُخلب: شصار دكتورة هي بخير
الدكتورة:
فَي أمانِ الله
زيَـنـب أحـمـد.
