I SOLD MY SOUL FROM THE DEVIL (BTS x reader)

#2

🔞🔞🔞🔞🔞
Warning

Pawn ka va thlen ve chuan ka thil hmuh zet chu leh... hriatpuii chuan nunsanga chu a lo kek nasa mai... an lam pan in ka tlan phei hlawk hlawk a.. an bul ka thlen pawh chuan hriatpuii chuan a lo la kek ngar ngar.. nunsanga lah chuan a kut 2 hmang thei hek lo.. dawh reng chungin a lo then tlawk tlawk a..
""Min thlah vat rawh anih loh chuan lei ah hian ka thehthla ang che"" a ti chher chher bawk...

" lalhriatpui ngati nge?.. thlah rawh""
A keh mekna kut chu ka va phih thlak sak a...
A thinrim hmel lutuk chu a tap lo chauh.  Thawk a la kawk kawk a...

"" i nasa lutuk.. sawi dikloh pawh ka neilo, ka pui lo tawp mai ang che ""

Nunsanga'n a tih chuan hriatpuii tawng leh tur chu ka lo khap vat a.. hetiang chuan kan haw thei nang.. a ke a ti na bawk si.. nunsanga'n min puih loh chuan kan 2 ringawt in kan inchhawm haw thei dawnlo hrim hrim..

Nunsanga chu school gate bula thing buk hnuai  thutthlengah chuan hriatpuii thut tir rih a,, taxi min koh sak turin ka hrilh a.. a chhan pawh kan school bul hnai mai ah taxi stand a awmlo a.. kan piah lawk ah hian bus stand chu a awm a.. mahse bus a hriatpuii ke na nena han chuan chu buaithlak dawn a ka hriat vang ani...
Keimah zawk taxi la a ka kal chuan ka kal hlan a an lo insual leh mai ka hlauh vang ani...

Nunsanga kal hnu chuan hriatpuii chu an lo insual chhan ka zawt a... insual tih ah a lo keh vak chhan kha ani zawk mah..

""I tahbelh ve sia.. i tah laia i awmdan a tia.. a insiamchhe vak kher anih kha""

A tih chuan ho ti lutuk hian ka nui ta ringawt.. a thin lah hi chhe ve hlir hler mai sia maw..
Rei nghah pawh ngailo in nunsanga pawh chu arawn thleng chawpchilh nghal a..

Hriatpuii lah chuan a lo melh rum leh khai khai tawh... ui leh kel thlun pawlh ang chiah an ni mai..

Engmah thleng tawh lemlo chuan taxi ah kan in thut fel tir a.. nunsanga lawmthu ka hrilh ve luam hnu chuan hriatpuii te in lam panin kan tlan chhuak nghal a.. kawngtluani nunsanga a ngei zia sawiin a phun tluan zak a.. ngawirengin driver nen hriatpuii ang hlak hlak reng chu kan ngaithla a... kawng te pawh chu a pawt tawi ve ani mahna kan thleng hma phian...

An in kan thlen chuan a lo reh thuap a.. hriatpuii hi anu in a boral san tawh a.. apa nen an 2 in an awm thin.. awmpui lang a kal an nei bawk a.. mahse a haw hma thin avangin school banah a awm tawh ngailo...  a pa hi JE ani a.. an khawsak pawh a harsa lo.. fanu mal ani bawk nen apa hian a duh apiang a tih sak thin..

Inchung lamah kan in kuah chho a, khumah ka thut tir hnu chuan a in tih faina tur tuilum ka siam sak mawlh mawlh a... bathroom ka awm lai chuan min lo au ri ka hriat avang chuan ka chhuak leh rih a.. bathroom kawngka chu hawngin ka dak a..

"" riak ve la, apa chuan min ngaihtuah viau mahse min buaipui thiam leh dawn chuanglo a.. zanin chauh chu riak ve rawh.. 🥺""

Mitmeng de sawr sawr, khawngaih thla la lutuk  hian min melh a.. hetiang te chuan ka hnial thei leh tawp lo ang... engmah sawilo chuan ka tuilum siam chu ka tih zawm leh a,

"" mawhhhhh ""

A la rawn ti lang lang reng chu ka hre pha.. a duhna ah hi chuan a pangchang thiam thin teh e...

Ka chhuah leh hnu chuan a inbual tur ka kai lut a.. lock lo tura ka hrilh hnu ah ka chhuahsan leh tur chu riak turin min chah zui leh lawm lawm a... aw tih nan ka nuih let sen sen chu a hrethiam aniang.. yessss a tih chu a ring ngang mai..

Pawn a tang chuan a inbual te chu a phur tih hriat deuh hian a zai rat rat thawm a hriat theih...

School a ka phone pai ruk chu phawrh in anu ka call zui nghal a.. hriatpuii inhliam thu leh buaipui angaih avanga an in a ka riah nghal mai tur thu ka hrilh chuan a lainat thu leh a ngaihtuah zia thu a rawn sawi luam a.. minute 20 dawn kan inbiak hnu chuan kan inbiakna kan ti tawp a..