سنّي

13

بسم الله الرحمن الرحيم

استغفرالله الذي لا اله إلا هو الحي القيوم.

__________نبدأ__________

~ ورا ثلاث ايام ~

انوار : شنو ردة فعل حسين من ما قبلت تاخذه وياك؟
حاتم : ما گلتله اصلى.

يزن : اي خوش تسوي اني اية و سمير من گلتلهم ضلو يلطمون و يصرخون

انوار : الي يسمعكم يگول رايحين لجهنم. هية چم عصابه نكتلهم و نرجع!

خزروها يزن وحاتم وراحو كل واحد مقعده بالسيارة العملاقه وضلو ينتضرون الوصول.

~ورا تقريبا ثلاث ساعات~

انوار : يلا وصلنا هذي شقه عم روان ، رح ننام بيها هذي الليله ونروح باچر الفجر ساعه 4.

روان : يلا حياكم عمي يعيش ابحده لذى اخذو راحتكم.

غيم تمتم بينه و بين نفسه : رح اخذ حقك خوية...

دخلو للبيت و رحب بيهم عم روان ودلاهم على غرفهم.
سالم : ها روان شنو المصيبة الجديدة
روان : عمو.. ام... هه..

غيم تدخل حتى ما تنحرج روان : أذو اخوي .
سالم : بس؟

باوعله غيم يلي چان ما طايق نفسه ورد بجرئه: كلشي ألى كرامه اخوي. احنة ناس ما ترضى على كرامتها و ناخذ حقنا ب اضعافه.

ضحك سالم بهدوء وگال : واضح

عض غيم شفته السفلية حتى ما يفقد و يروح يكسر البيت والاغراض كلها و ضل يفرقع ب اصابعه حتى يهدأ

~اليوم التالي الساعه 3 الفجر~

گعدتهم انوار كلهم وضلو يحضرون بالاغراض والاسلحه.

أما يزن فى چان جايب وياه جماعاته يلي افترقو لثلاث سيارات و حاوطو شقة العصابه.

اتصل يزن على أية وگللها أنهم رح يرحون و ما رح يگدر يرد على اتصالاتها هية و سمير لمده اربع ساعات تقريبا.

توه غيم خلص تبديل وراح حتى ياخذله مسدي من علبه الاسلحه مالته هوة و روان.

شافه سالم وسئله: انت تعرف تستخدم السلاح اصلا

غيم ببرود : اي.
ضحك سالم و راح وهذا الشي هلى غيم يريد يجيب سچينه و يدچچ گلب سالم بيها.

خلصو كلشي وراحو بسياره سوده خاصه للمكان المطلوب

دخلو للمكان وتفرقو كلهم منهم يلي صعد فوگ و منهم يلي راح ورا البيت ومنهم يلي يدور بالحدائق و بالمطابخ.