عوضي الكبير رغم عمرها الصغير

طالبات سادس

مرحبا السلام عليكم

شلونكم شخباركم حبيباتي فراشاتي

طبعا مو بارت هذا ولا يخص القصة

بس حبيت اگلكم

طلاب وطالبات السادس اعدادي طبعا انا  ابارك لكل طالب و طالبه طلعت معدل بالسادس و الف مبروك النجاح المعدل العالي و ان شاء الله اشوفكم باعلى المراتب اللي نجحتوا الطلاب والطالبات اريد تشدون حيلكم للجامعه طبعا الجامعه مو سهل ولا لعبه ولا بس ستايل وكشخه لا ابدا الجامعه يرادله حرص ودراسه وتعب وانُ تهتمين بنفسج وتهتمين بتصرفاتج وتحسبين لكل شيء حساب تمام حبيباتي من هسه ابدوا اتعلموا شغلات عن الجامعه حتى ما توكعون بالاغلاط واهم شيء اهم شيء انه ما تكونون علاقات اول ما تطبون للجامعه تمام ممنوع منعًا باتن لا علاقه ويا بنات ولا شباب خلي علاقاتج على كد السلام وعلى كد الدراسه وعندنا متخرجات يقرون القصه وهسه يشوفون بارت ينطونا نصائح لكم او الطلاب وطالبات الجامعه اذا انتوا موجودات انطوا نصيحه للطالبات المقبلات ع الجامعة

وطبعا طالبات المقبلين ع الجامعات اول مرحله لكم راح تحسون توتر وقلق بس ما اريد هالشي يصير تمام كونوا على طبيعتكم والبسوا لبس مريح ولبس محتشم ولبس محترم ولا تخلون مكياج اوفر عود والله احنا صرنا اول مرحله جامعه وما اعرف ايش وعادي ومحد يحجي لاع غلط خلي  كل شيء عندج ريلاكس و هادئ تمام انتِ رايحه الدراسه ورايحه ترفعين راسج وراس اهلج ما رايحه على مود الكشخه وسوالف عارضات الازياء تمام

اللي طلعوا معدلات حسب رغبتهم كلش كلش الف مبروك لكم ويا رب انه يكون القسم اللي اختاريتوه يعجبكم وتوصلون بيه على المراتب

اللي طلعوا معدلات مو حسب رغبتهم ومو حسب القسم اللي تريدوه شوفوا حبيباتي كل احنا من نختار شيء او نخطط لشيء ما يصير الله يختارلنا غير طريق فاحنا ليش  نترك طريق اللي اختار رب العالمين و نختار طريق اللي احنا نريده .....
غلط هالشي .. الله اختارلنه الافضل فشنو اقتنعي بمعدلج و اقتنعي بتخصص اللي راح تدخلينه ولا تعيدين السنه ما راح يفيدج وبس راح يكون تعب وتفكير الج و راح تكولين سنه اللي فاتت طلعت معدل هالكد وهذا السنه راح اطلع هلكد تمام يا روحي اقتنعي بهذا المعدل واقتنعي بالتخصص اللي راح تدخلينه وان شاء الله راح يكون احلى تخصص انت دخلتي وراح يكون الك خير ونصيب كلش كلش حلو بيه تمام يا روحي

اللي طلعوا اكمال ما يخالف حبيباتي عندكم دور ثاني شدوا حيلكم ولا تخافون ابد ورب العالمين وياكم وشكد ما تطلعون المعدل ويطلع القسم مالتكم اختاروا ها هي ما يحتاج تعيدون السنه ترى والله اكو ناس تتحسر على الدراسه وتتحسر انه تدرس فانتوا شنو اقتنعوا باللي اختاره الله لكم ماشي لا تنقهرون ابدا ابد ابد
كل شيء راح يكون بخير الله ما يختار النه شيء يضرنا ولا شيء احنا ما نحبه بالعكس الله يختار لنا طريق يجوز بالبدايه ما يعجبنا بس بالاخير راح يعجبنا وراح يكون عوضه كلش كبير من رب العالمين

واللي ما طلعوا معدلات والرسبوا واللي طلعوا درجات كلش قليله واللي راح يعيدون السنه ترى كلش عادي ماكو احد ما يغلط وماكو احد ما يفشل ويسقط بالعكس كلنا نفشل الناجحين بدايتهم فشل صح لو لا واللي صاروا دكاتره واللي صاروا محاميين كلهم بدايتهم فشل ماكو دكتور ماكو محامي ماكو مخترع ماكو عالم كيميائي او فيزيائي نجح بدون ما يفشل او اخذ معدل بدون فشل ماكو شخص صعد لقمه الجبل بدون ما يوكع مره مرتين ثلاثه وعشره انا عن تجربتي يعني هواي هواي عندي شغلات فشلت بيها تمام هواي فشلت هواي وكعت فوك ما تتصورون بس لهسه احارب و راح ابقى احارب عندي امل برب العالمين لأن " لا يكلف الله نفسا الا وسعها " يعني اذا الله يعرف هذا الطريق انا مو كدها ما راح يخليها بطريقي ما راح يخليني بهالطريق بس لان يعرفني كدها ولان هذا الطريق طريقي راح اكون كدها وراح استمر بيها بالصبر والصلاه والتعب كلنه لازم نتعب ماكو شخص بدون تعب ينجح ماشي حبيباتي ابد لا تنقهرون وان شاء الله السنه الجاي اشوفكم باعلى معدلات

مَن دَخل مِنكُم تخصصًا برغبتهِ فهنيئًا له جزاء ما سعى، ومَن دَخل منكُم تخصصًا برغبة الله فهنيئًا له أن الله إختار له وتكّفل بذلك، فلا تبديل لِكلماتِ الله، ولا رَادّ لحُكمه وأنّه مَا شَاء الله كان ، وما لم يشأ لم يكُن، وهو الخير كله.أحسِنوا استقبال قَدر الله واختياره.

السادس مو مقياس ومو نهاية العالم.

تحياتي الكاتبة فاطم 💙💙

للتواصل معي عبر تليكرام:    ifll18bot

للتواصل معي عبر الانستكرام: ifll18l