Keiran's Point of view
Mabait sila Hydie at Gab, maayos din ang pakikitungo nila sa akin maliban nalang kay Sheila. Nalaman ko din na second year college na si Hydie, isang taon lang ang tanda niya sa'kin. Tama rin ang hula ko na magkapareho lang kami ng edad ni Gab. Nabanggit din ni Hydie na tumigil na raw sa pag-aaral si Sheila simula noong namatay ang ama at ina nito sa isang trahedya. Pinili raw nito na tumulong sa Tiyahin niyang si Aling Lilya. Kinumbinsi naman daw ito ni Aling Lilya na mag-aral ulit pero ayaw na talaga ni Sheila.
Maayos naman ang dalawang araw na pagtatrabaho ko sa karenderya ni Aling Lilya. Ibinigay rin sa'kin ang sahod ko kaya bago ako umuwi noong linggo ng hapon ay bumili muna ako ng bigas at iilang processed meat pati na rin gulay, kailangan ko pa rin kasing magtipid.
Lunes ng umaga ay muntik na akong nalate sa first subject ko. Pagod kasi ako kagabi galing sa trabaho kaya nakalimutan kong magset ng alarm. Hindi rin gumana ang body clock ko dahil sa pagod at napasobra ang tulog.
Medyo hinihingal pa ako dahil tumakbo ako papunta rito. Sakto nalang dumating ang professor tatlong minuto pagkatapos kong pumasok sa classroom. Nagsimula na itong magturo sa harapan at pagkatapos ay nagbigay ng maikling quiz.
Sa kada subject ay may kaunti kaming break bago magsimula ang susunod na klase pero minsan ay nauubos ang break ko sa paglalakad papunta sa susunod na building at habang naglalakad ako ay hinahanap ng aking mata si Eros. Hindi talaga ako matatahimik hangga't hindi ko napapadugo ang labi niya. Sariwa pa sa isip ko ang nangyari noong Sabado.
Natapos ang morning class ko ay wala ako nakitang Eros sa paligid. Medyo nakakagulat nga dahil wala itong ginawang kalokohan sa'kin simula kaninang umaga.
Naglalakad ako papunta sa likod ng Auditorium para kumain ng lunch nang nahagip ng mata ko si Eros, hindi kalayuan sa pwesto ko. Napahinga ako ng maluwag dahil hindi niya kasama iyong dalawang lalaki at si Allison. It's a bit troublesome if he's with them.
Ang plano ko kasi ay komprontahin siya at maghintay ng tamang pagkakataon para masuntok ang mukha niya tapos kakaripas ako ng takbo, mahirap na baka gumanti iyon ng suntok.
Tahimik ko siyang sinusundan, sinisigurado ko rin na tama lang ang distansya namin para hindi niya ako mapansin. Pumasok siya sa indoor parking lot ng University. Maraming mamahalin at magagarang sasakyan ang nakapark sa loob, tahimik at wala ring tao. Parang umaayon yata sa akin ang tadhana dahil saktong-sakto ang lugar na 'to para sa gagawin ko. Hindi ko naman siya pweding suntokin sa harap ng maraming tao dahil baka dumugin ako ng mga babaeng baliw sa kanya at ang masama pa ay baka magulat ako kinabukasan na nasa headline na ako ng mga dyaryo at balita dahil sinuntok ko ang isang Sylvestre.
Para akong tanga habang palipat-lipat at nagtatago sa mga sasakyan. Bahagya akong sumilip at nakitang huminto siya nang nakarating sa pinakadulo. Pinindot niya iyong kulay itim na bagay na hawak niya at biglang tumunog at umilaw 'yong kulay asul na sasakyan. Iba ito sa ginamit niya noong Sabado.
Napabalik ako sa pagtatago nang biglang siyang humarap sa banda ko. Shit! Does he know I'm following him?
"Come out. Stop hiding like a little kitten." His voice echoed in the parking lot.
Huminga muna ako ng malalim bago ako lumabas sa pinagtataguan ko. Magpapakita rin naman ako sa kanya bago siya makasakay sa sasakyan niya. Nakatayo ako limang hakbang ang layo sa kanya.
"Why are you stalking me?" Deretsong tanong niya na nagpataas ng dalawang kilay ko. Me? Stalking you? That's a big dream you got there, Mr. Sylvestre.
"I'm not stalking you." Madiing sambit ko.
"Really? You followed me sneakily, isn't that stalking?" Tiningnan niya ako ng nakakaloko. "I didn't know you were so smitten with me to the point of stalking me." A mischievous smile formed on his lips.
