هلاو يبعدي 🙈🤎
اعذروني عَ التأخيـر چانـَت عندي فاينلات فراشات
هـَاي عوض عن الايام الغبت بيها بـ بارت طويل 💎
دهليز مُرهف
الكاتِبة ؛ فراشة صاد
-------------------
بنص الليل صوت ضرب على الباب بخفة بَس زعجني شهَالصوت هذا گمت من فراشي الدافي باوعت لبلقيس وماما فانوس وتيجان نايمين بعُمق وراحة
گمت وعيني گوة فاتحتها البيت اظلم امشي واني اتبع يا باب ديندگ بخفة لحد ما وصلت لباب الشقة
بدون ما اگول منو ومن دون وعي فتحت الباب
فتحت عيني حيّل وصحيت مِن نومتي
وحچيت بخفة وخوف :- عمو مُنيب !
دفع الباب ونظراته متوجهة الي ويمشي خطوة خطوة على كيفة بچيت بصوت عالي وسديت اذني وگعدت بزاوية الصالة ،
فزيت عَلى هزة بلقيس وتيجان لجسمي بقوة گعدت وشفتهُم واگفين على راسي وبلقيس وتيجان يبچون وماما فانوس تضرب ايد بـ ايد
حجية فانوس :- وچ يمة شـِبيچ وگعتي گلبي شجاچ يُمة
بقيت اتلفت حواليه مرعوبة حِيّل خايفة الحلم يتحقق
حچيت بصوت خافت ومبين الخوف بي :- وينة وينة اجة حياخذ تيجان مني حياخذها ويحرمني منكُـم
گعدت تيجان عَ ركبتها گدامي بالضبط حضنت وجهي بايديها
:- اُمي انتي رُوحِي آسيا ميجي بعد مياخذنا هاهيَ كابوس وخلص وانتهىٰ ميجي واللـّٰه وعيونچ اُمي
هزيت راسي لا وبلقيس دموعها تنزل بهدوء ويايـه
تيجان :- باوعي كابوس واللـّٰه كابوس ميجي يوم ويتحقق الي صار بينه قبل شوفي اليوم احنه وين صرنا انتي دكتورة اني مُمرضة معتمدات عَ نفسنا عدنا بيت ومستورين بي محد يعرف علينا شي ماشيات بطريق مُستقيم ليش يجون شمسويات سوينا شي غلط ؟ لتفكرين بيهُم اُمي لتفكرين لا بمُرهف ولا بـنادر ولا بـرائِف خلص طلعوا مـِن حـَياتنا والي ديصير اخر يومين مُجرد صدف !
سكتت ومسحت دموعي واباوع للفراغ صافنة مـِن خلصت كلامها تيجان ماما فانوس دگت عَ صدرها وصاحت
:- يا يُمـــة ! شـِــنو ؟ ياهوَ يصادفچن ؟
بلقيس :- ماما اني اسولفلچ بعدين
صاحت بعصبية
:- بلقيس انتي سكُتي ما موجهتلچ سؤال وجهت لبناتي
YOU ARE READING
دهليز مُرهف
Romanceگاعدة بخوف وگاعد گبالي هادئ وچگارتة بين اصابعه مخلي رجل عَ رجل ويدخن ويباوع للفراغ بحيرة... گام وضرب الطاولة بقوة برجلة ، تقرب مني نزل جسمه لمستواية وهمس .. لچ حبيتچ اكثر من كُلشي تطعنيني بهالطريقة لچ وداعتچ وداعت حُبنا ما عاش اليطعني حـَته إذا چا...
