استغفرالله
متبرية من ذنوبكم جميعا ربي انك شاهد
________
وصلو كلهم لقاعة المسابقات و راحو بغرفه الاستعدادات
ياسر طلع الدفتر مالته و قراه كله ب عشر دقائق.
سراب يلي سوة تمارين تحمية خفيفة و هوة واثق من نفسه.
فراس يلي حط مرطب شفايف و عدل شعره و راح سوة تمارين تحمية وية سراب.
ورا خمس دقائق بدو المتسابقين يطلعون على الحلبه.
كلهم گعدو يدققون بحركات المتسابقين حتى يسهل عليهم هزيمتهم.
ورا عشرين دقيقة اجة دور فراس يلي چان مرتبك شوي بس بعده مجمع نفسه وقوته
سراب : يلا وليدي راويهم منو فراس!
ابتسم فراس بخفه وطلع گام واحد مبين خروف مال بنات و فروخ. ابتسمله فراس و ضل يباوعله بعيون لامعه و بريئه وكأنه يقول : عفية استسلم على مودي!
رفع المتسابق الي گدامه أيده و أعلن استسلامه بسرعه
ياسين گال لياسر : هذا قوته يخرفن العدو؟
ياسر : بالضبط...
ابتسم فراس و نزل من الحلبه و هوة متونس و رح يطير من الفرحة.
القوانين كالاتي : يلي يفوز بالشجار يضل على الحلبه لين يجي واحد ثاني و يفوز عليه بس اذا استسلم الشخص يلي ضده ينزل من الحلبه و ورا نص ساعه يلا يصعد مرة ثانية.
اجة دور ياسر ، عدل چفوفه وشعره وصعد على الحلبه گدام واحد اضخم منه ب شوي
سوا المقابيله وضع الاستعداد و ضل ياسر يدقق بحركه رجله و أيده و نضره عيونه بين ما يشتت بي بحركاته بخفه
اخر شي بدون اي مقدمات طگه بصدره وخلاه يطيح فوگ حبل الحلبة
اندفع عليه بقوة و ضل يطگ بي بوكسات لين طاح من الحلبه كلها والحكم أعلن فوز ياسر.
سراب : عطيييييه! كفوووووووو!
ياسين : هوة هذا تلميذيييييي!
فراس : فخرنااا !
اجة متسابق ثاني على الحلبه بس چان كلش ضخم و احتار ياسر منين يبدي يحلل بس يدأ يحلل على اي حال.
بدت المباراة و راد الرجال الضخم يطگه على وجهه بس ياسر نزل رأسه و رفسه بالحساس
بس اختل توازن الرجال اندفع ياسر بأقصى قوته و بلگوة طيحه من الحلبه
ضل يلهث و يعدل شعره أما فراس فى اخذ بطل ماي انطاه يشرب على السريع و صعد يمه متسابق ثاني بس هذا المتسابق چان كاشخ يگل رايح المول. و ناعم شوي بس اضخم من ياسر.
KAMU SEDANG MEMBACA
﴿ جمال . قوة . ذكاء﴾ متوقفه مؤقتا
General Fiction﴿الجَمال ، القوة ، الذكاء...هذه هي مواصفاتهم.﴾
