همس الشاهين

" البارت الأربعون "

" همس الشاهين "
"الڪاتبة نون آل ؏ـــلي "

_ البارت الأربعون :

تَعرف غلاتك لو بعد
مَحتاج أبينها أكثر
يلبيك لهاني العُمر
مَا ركزت بي من مر
يمكن أذا كتلي شكثر تهواني
راح اتحير
الليل أعد مَحبتك
بس باجر تزود أكثر
الادري بي من تَبتعد
مدري شحس بحيرتي
صدري حفر بي خنجر
مكطوع شريان أبهر .

همس : بدت المره تسولف وي عمتي و تعرف عن نفسها و عن الوياها و طلبت ايد عسل رسمي بعدها المره مت مكملة حجيها جان تطفر عسل بدون ما تعرف هاي المره ام محمد و تجفص بالوضع

عسل باعتراض : بس انهه ما اريد اتزوج!!!!

همس : غصيت بضحكتي و ردت ارگع الموقف بحجاية بس ماكو شلون ارگعه شسوي ؟؟؟ خطيه عمتي انخطف لونها و زينب تعض بإصبعها
حاولت اساير الموقف حجيت بضحكه و انه اخزر بعسل

همس : ههههههههههه دمها حلو تحب تلطف الجو .
گرصتها باوعتلي بإستغراب همست الها بصوت گوه ينسمع

همس : زيان راسج هاي ام محمد اجت تخطبج ، چان تصيح بدون وعي .

عسل : ججججذذبببب؟؟؟؟؟

همس : لطمت ع گصتي من وراها نوب هي حطت ايدها ع وجهها بفشلة و لگفت تليفوني حطته ع اذنها ،

عسل : اعتذر عيني بس هذه صديقتي تحجي وياي ع النتائج ، من رخصتكم .

همس : ضليت صافنه عليها شلون رگعتها رگعه معدله !!! زينب ما گدرت تتحمل اكثر طفرت للمطبخ بقيت انه بمكاني الضحكه شگت گلبي شك اريد اضحك بس ماكدر و كل شويه اتذكر الصار و احط ايدي ع حلگي ،

گمت لميت الاستكاين و كاسات الماي وديتهن للمطبخ لكيت زينب و عسل وحده تطيح ع الثانيه من الضحك ،

همس : انتي شجاج فشلتينه كدام النسوان هسه شيگولن عليج فلك طرج .

عسل : ولججج انتي تدرين و ما تكليلي؟؟؟؟

همس : جيرة بگصتج عود سوينالج مفاجأة بس انتي مو وجه مفاجأت مال نعل و تكفخ .

عسل : ولج ولله عيب  نوب طفرت مرتين خرب حظي ع هل السالفه هسه شلون اطلع يالحسين .

زينب بضحك : اخخخ يا يمههه ههههههههههههههههه اوكفي اوكفي شلون سويتي انتي؟
بس اني ما اريد اتزوج ، هههههههههههههههههههههههههههههههه .

همس : عزا العزاج راح يطيح الطفل .

عسل : هسه شسوي اروح يمهن لو شنو؟؟

همس : لا اگعدي هنا و انچبي لا تجين عيب امشي زينب خل نروح يمهن فشلة .

عسل : هههيييي ولله يالله عود كبرت و تزوجت اخوي و صارت تعرف بالعادات ** امي ي ولله .