سُــر دُلهم

بارت الثاني

سُــر دُلـــهـــم

﴿الكاتبة::- مــيــمــي✍️✨﴾

الفصل_الـثـاني
🎀🎀✨🎀🎀

دُلـــهــم..

بقـيت اباوعلها و على ملامحـي الاستـغراب
ضحكت و تقدمت لداخـل الغرفة و تبعها صوت الحجـيه الي گـالت

- ولچ فززتـي البنية

- لا گاعـده يمه گاعده

نطـقت بيها البنية و انـي نهضت من مكاني
عـدلت هدومـي و بديت احول نظراتي بينـها و بين أمها
الي تقربت و هي تگـول بنبرة اعتـذار

- بنتـي فززتچ اعذرينـي بس شوية تحمست

گوه رسمت على وجهي ابتسـامة و اني اگول

- لا گعـدت اصلاً قبل شـوية

مدت ايدها الي و هي ترسم على وجهها اكبر ابتسامة ممكنه و هي تگـول بنبرة تشوبها الحماس

- انـي جوري البنت الكبيرة لهل عائلة تشرفـت بمعرفتچ

صافحتها و اني ارسم نفس ابتسامتها حتلو كانت مو صادقة

- و انـي دُلهم

- وييي اسمچ يجـننن حبيته حبيته بس غريب

اختفت ابتـسامتي بالتدريج و اني اشوف حماسها المبالغ بـي
تدخلت أمها و هي تگـول بتنهيده

- اعذريـني دلهم بنتـي عدها حماس زايد

- يووم بديتي تسقطين بسمعتي
ترا اني مهندسه

- بعدچ ما صرتي مهندسه
المـهم عرفتيـها جوري بنتي الي حچيتلچ عنها البارحة والثانية بعد شوي اعرفچ عليها.
و دلهم منا و رايح راح تكون وحده منه و بينا

- شنو راح تزوجـينها لـ محمد

هنا ما گـدرت و اني اغص بانفاسـي
و اباوعلها بصدمة و هي ترمـش بعيونها الحجية بسرعة تدخلت و هي تگـول

- انتِ كل افكارچ بالزواج
لا دلهم راح تكون مساعدة الي بالبيت بما انـو بناتي ما يساعدني

باوعت للحجيه و للحظات صفنت عليها
گـالت مساعـدة ما گـالت شغالة او خدامة، يمكن ما رادت تكسر بخاطري
ضحكت جوري
و هـي تگـول مما خلانـي اطلع من شرودي

- تعرفين دراستي يـمه وبنتچ ثانيه اعداديه وعلمي وما تلحگ كافي تـبسمرين

ابتسمت بصعوبة و هي تحمحت و اردفت

- ازعجت نومتچ اسفة

- بالعكس اني الاسفة، يعنـي استـغليت غرفتچ و نمت بيها بدون اذنچ

هزت ايدها بعلامة عدم المبالاة و هي تحچـي

- عادي گـلبي اعتبريها غرفـتچ