للكاتبة: الياقوت
................في وقت من اوقات الحاظر القريب..!!
...يلا كومن خلي انروح لابو ايهاب نشتري لليل حتى نبقى كاعدين للسحور
شهد: اييي قبل لتبدي دار دور حتى نتفرجها وانجيب كرزات هم
...ديلا كومي لعد.. هاجر اتروحين لو لا مو اتكولين جيبولي ومن انجيب اتضلين تحجييين
هاجر: اروح وياجن كومني..ومدت ايدها اتريدنا انكومها طبعاً اذا اكلت ماعون تمن احمر وعليه سمج تكلا عود هي صايمه وهلكد اكلت
شهد:مديتلها ايدي وكومتها جان تندار واتكولها.. ماكله بحلگج بمعدتج معدتي وبكيفي
... ياستاااااار هو اني شكلت كاعدة بأفكارييييي
....لبسنه عبي بدون شالات موديله هالسنه واخذت فلوس من امي وعمتي هم انطتنا لازم نستغلها لان هي موظفه تنطينا اكثر ههههههههه
شهد: يوم شنو هاي متكفي ضحى اتريد تشتري ويانه هم
غصون: ليييييش شراح اتجيبن عشرة الاف ومتكفيججججن
... ها عمه ليش اتصيحين دجيبي بعد خمسه واحنه نسكت.. غمزتلها وضحكت
جان هي هم تضحك ضحكتها العاليه ووياها فشورة لازم هههههههه
غصون: امشن ولن ماكو مانطي وروووح ابويه مانطي
هاجر: نيلز انطينه بعد خمسه واحنه انولي يلا بسرعه.. ومدت ايدها اتأشرلها
علية: راح اكوملجن بالنعال روحن عاد وانتي زمووو سدي العبايه من جوة شو طالعه مشلحه خانم
...شبييييج علوووش شلابسه الدشداشه مو كلش قصيرة ... دمشن خرب جلبتن وجريتهن ونزلنه من الدرج هسه علوش تگلب علينه ونتعلل رزالة ... رحنه جبنه نمنميات وحبشكلااات دبلات واكيد الحب لازم جيييس ابو الالف.. رتبناهن واجينه نتفرج على دار دور مسلسل جديد بهذا رمضان ممنوع واحد ايصيح وايعلق لان امي وعمتي گبل ايگبببببن ميخلونه نحجي
غصون: بدت ولجن علنه ياااااا علننننننه ...
شهد: يوووم صدك تحجين ليش اتصيحين اصبري خلي تخلص الاغنيه... يااا شبيها گلبت الدنيا
.... هههههههههههههه اخ بطني يمه متت ضحك وهاجر السفيهه تضحك وكولساع وتضرب ايه على رجلها عود يعني خربانه ضحك
ايه: شبييييييج بنت الزماال ... هاجر جرتها من شعرها وايه اتصيح بالغلط بالغلط مو على خااااااليييي
... وكعدنه كلنه بالغرفه عالمبردة والحبشكلات ودنتفرج على المسلسل ....
..................ذكريات في جوف الماضي....................
دريد:طلعت اركض الف فكرة وفكرة ببالي شلون اتخربط وشنو الي صار وبالشارع واكع لا ولد ولا اثنين عنده وتالي بالشارع يوكع ومحد يدري بي امشي واحجي بيني وبين روحي
YOU ARE READING
العودة الى الماضي
Romanceلم يعد النسيان ممكناً ولا تزال الذكريات تتراكم...💔 اكتب هذه القصه من اعماق قلبي لأنها قصة حقيقيه وواقعيه وجميلة بذكرياتها رغم الاسى الذي سيكون فيها ورغم حلاوتها ومرورتها ولاكن تضل جميلة بالنسبه لنا هي واشخاصها ومن متعلق فيها...
