BENTE-UNO (Numerical Series #3)

Bente-uno: Chapter 02

Chapter 02

After Fine

"Erin Moore! Gising!" Malakas na kalabog mula sa rehas ang narinig ko mula sa pwesto ko. Agad akong napamulat at tumayo mula sa pagkakahiga ko sa kama dahilan para tignan ako ng mga kasama ko sa selda. As usual, I didn't pay any attention to them. I've been here for almost, what? 3 years?

"Bakit?" Walang gana kong tanong sa pulis na nasa harapan ko ngayon. Tanging rehas lang ang pumapagitna saaming dalawa.

"Laya ka na." Saad niya at agad na binuksan ang pintuan ng rehas.

"Laya?" I confusingly asked.

"Oo, laya ka na. May nag-piyansa na sa'yo" Tumingin siya saakin, "Ano, lalabas ka ba o isasara ko 'to ulit?'

Napairap na lang ako at agad na lumabas ng selda. Sunod-sunod ko namang narinig ang mga hirit ng mga kasama ko sa loob ng selda. They always call me the "beauty queen", "miss ganda" and whatsoever nicknames they can call me. It is kind of exhausting, but I bared with it because if I don't— if I fought with them just because of it, alam kong mapapahamak ang buhay ko at wala 'yon sa plano ko.

"Pirmahan mo 'to at ito." Inabot saakin ng isang babae ang dalawang folder na nakalagay kanina sa lamesa niya.

Kalalabas ko lang galing ng banyo dahil nagpalit ako ng damit. Galing daw ito sa taong nag-bayad ng piyansa ko para raw makalaya ako. I don't even know whom that person is, pero dalawa lang ang nasa utak ko. Puwedeng si mommy or si daddy ang nagbayad ng piyansa ko pero duda ako dahil alam kong disappointed sila sa nangyari.

"Ms. Erin Moore, ito na ang mga gamit mo." Abot saakin ng isang lalaking pulis na may hawak na tray at nakalagay sa loob ay ang mga gamit ko noong araw na hinuli nila ako. Nakalagay pa sa loob ng plastic 'yon.

"Salamat." Saad ko at agad na kinuha ang bag at wallet ko. Sinilip ko ang wallet ko at nandoon pa naman ang ilang ID ko at alam kong ang postal ID ko ay expired na. I don't even know if I can renew my ID that easily, knowing that I already have a criminal record.

"Dito po." Saad ng pulis na naghatid saakin sa may gate palabas ng kulungan. At nang bumukas ang gate ay lumapit saakin ang isang pulis dahilan pasa mapangiti ako.

"Chief Ramosa..." Saad ko dahilan para mapangiti siya.

"Erin, laya ka na. Nawa'y ito na ang huling beses na makikita kita rito."

Napangiwi ako, "Ito na talaga ang huli dahil hindi na ako babalik dito."

Tinapik niya ang balikat ko, "Siguraduhin mo lang, ija. Sayang ang buhay mo kung gagawa ka lang ng mga bagay na alam mong pagsisisihan mo. O siya, sige na, lumabas ka na at sigurado akong may nag-aantay na sa'yo sa labas."

I shook his hand before I finally waved my  hand for a proper goodbye. Suot ang jacket na binigay saakin ni Chief Ramosa ay tuluyan akong lumabas. Itinaas ko ang hood ng jacket at nilagay sa ulo ko dahil agad akong sinalubong ng mataas na sikat ng araw dahilan pasa mapakunot agad ang noo ko.

"Punyeta, ang init!" Agad akong napalingon sa tabi ko nang marinig ko ang isang pamilyar na boses.

Nanlaki ang mata ko nang salubungin niya ako nang kaniyang malawak na ngiti, "Francis?!"

"Ako nga! Sino pa bang aasahan mo?" Sagot niya saakin.

Agad akong lumapit sakaniya at niyakap siya nang mahigpit. Sa sobrabg higpit ay narinig ko pa ang malakas na daing niya dahil daw ay naipit ko ang beywang niya sa dalawang braso ko na nakapalibot sa katawan niya.