أمرأتي ليست عذراء

البارت الثامن:لكل فعل رد فعل.

كيان:يمة هذن روحيلهن ديصورن مو كلت ممنوع تصوير.
ام كيان:جا يمة خل يصورن مايصوراً بس شكولهن جنهن عبسي .
( حتى لو يمة امشي اخذيهن للتلفوانات وجهزو لعروس حتى نطلع تأخرنا على تصوير)
(يلة يلة كومممن يلة جهزن نفسجن يلة )
بدت لنسوان تطشر وصار حرم على لتواليتات يردن يغيرن ملابسهن اجت ام الماسة وخواتها يعدلن بيها واني طلعت رجعت للولد اشوف شنو لوضع
الماسة:يمة اختنكت بهاي لبدلة.
ام الماسة:صبري هسة نروح.
باعت علية امي وصارت تعدل بشعري اجت اختي زهراء واختي لجبيرة ومريم صارن يسولفن وياي اول مرة اشوف دمعت امي تنزل علية باوعت عليها مااعرف مشاعري مااعرف باوعت على خواتي يبجن وياهة ويحضنين وحدة وحدة
الماسة:شبيكم مااروح هنا اني.
زهراء:اي بس هاي دموع لفرح.
مريم:هههه ولو فرحانة لغرفة الي وحدي بس راح اشتاقلج.
الماسة:لو تموتين متحنين علية انت .
صرت ابجي وياهم وكل شوية اكللهم مو تبجون علية اخذوني وياكم لتعوفوني لزمت ايد امي واحاجيها اخذيني وياج حبابة مااريد ابقة خايفة وهي تهدي بيا وصلنا للفندق بعد استعراض سيارات دخلونا لغرفة لفندق رفضت اتصور لان احس روحي بعد مااكدر اقاوم واكف على طولي دخلت للغرفة ودخلت امي وياي وضلت سولف وياي وتحجي اشياء غريبة بس بالي مو يمها بالي يم لبدلة صارت تجرحني بظهري كل شوية مقاطعة كلامها اريدها بس ساعدني انزعها دتأذة وكل محاولاتي فشلت لان امي بالها مو يمي طلعو واني اصيح يمة بس اوكفي عبالها اريد ارجع وياهة لى راح ابجي واجلب بيها بس ظهري تشكك دخل كيان باوع علية سكت وراح اخذ ملابس من جنطة ودخل لحمام ارتاحيت شوية كلت اشوف احاول اكدر افتح لبدلة وصرت افتر بمكاني اريد بس افتحها ماكدرت اخذت تلفوني واتصلت بامي بس ماكو مترد اتصلت بزهراء ماكو استسلمت وكعدت على لكع اني ولبدلة لان بس اكعد على شي ترفع من كدام ثكيلة طلع كيان شافني وضحك على منظري وكعد على سرير لزم تلفونة وكعد اخذت روحي للحمام كلت ارفعها مني واطلع من جوة لبدلة بس جفلت بمكاني بسبب صوت كيان
كيان:وين رايحة؟
الماسة:للتواليت!
(بهذ لمنظر؟)
(اي!)
(انت خبلة ولبدلة للتوسخ!)
(شسوي لعد )
(تعالي اساعدج)
(مااريد لتجي روح لتتقرب)
(شنو لتجي الماسة خل اساعدج )
(لا لا لا اني اساعد روحي عوفني مااريد عوفني)
(ماشي طبج مرض )
بقيت بمكاني رجعت كعدت اني ولبدلة مااتحرك ظليت لمدة طويلة غفيت ماادري فزيت بسبب وجع ركبتي باوعت علية نايم اخذتها فرصة ورحت بزارية يم باب لفندق جان اكو ممر دخلت بلممر ونزعت لبدلة ولبست لملابس لبست تراك رجعت للغرفة دااخذ غراضي اغسل شوية سمعت صوت كيان
كيان:ها نزعتيها بس لا بلتواليت؟
الماسة:يمة كلبي شبيك مو نايم؟
(لا كاعد !)
(راح اغسل كمل نومتك)
(شنو مراح تنامين ؟)
(لا اريد اغسل)
(ماكملنا حديثنة؟)
(ياحديث؟)
(ليش رفضتيني؟)
(شنو لفايدة هاي اني هنا وانت هنا وليوم عرسنا )
( بس جاوبيني اذا عندج حبيب؟)
سكتت مااعرف شنو اجاوبة اخاف اكلة اي ويتعصب ويصير شي مااريدة واذا اكلة لا فراح يفرح مااجة بواسي شي غير اهددة ماكو غير طريقة اخذت سكينة من صينية الاكل وحطيتها على ركبتي
الماسة:اقتل روحي هنا اذا سويت شي
كيان:هاي شبيج
(لتتقرب علية روح مني روح)
(ماشي ماشي هاي اني هنا بعدني ممتحرك؟)
(اي ترة اقتل روحي)
(خاب طبج مرض مو هنا يم اهلج ولي روحي غسلي واذا طلعتي صوت لو فتحتي ضوة لا ادفنج هنا لان اكره صوت واني نايم خلي هذ بالج للمستقبل ،،، يلة ولي تنتحر ضحكين والله)
جسمي كلة يرجف من لموقف صدمني بكلام اخذ هذ شي لصالحي ورحت للتواليت ماطلعت منا غسلت ولبست ملابسي وظليت بلتواليت لمدة طويلة تعبت من لوكفة كعدت بلحواض مال سباحة وغفيت فزيت على كيان فتح دش علية كأني سجينة معاملتة الي مال ظلام
كيان:كومي اطلعي اريد استخدم لتواليت.
الماسة:متعرف تكعد لواحد لو همجي.
اني كلت هيج ولطشني بجف ايدة صار صدى صوت باذاني
كيان:مرة ثانية تاكلين تبن فتهمتي لولا يلة ولي منا
لزمني من ياختي وطلعني حسيت بكمية لذل من الم وجهي ضليت ابجي بدون وعي بزاوية لغرفة واشهك وافكر بابوية طلع من تواليت وصار يصيح علية كومي يلة لمي دنرجع للبيت يلة هاي نتيجة افعالج يلة كومي حتى تتعلمين مرة ثانية وتعرفين منو كيان رجعنا للبيت طريق كلة ساكتة ماحجيت كلمة وصلنا للبيت وصارو يصفكون وهلهلون ذبح وادة دجاجة يم رجلي واني لجمود يقرا الف يمي صامتة ماسويت شي دخلت جوة كعدت بصالتهم اول مرة ادخل بيتهم واشوف لصالة مو صالة كلها بكبر بيتنا من هاي لحظة ماشفت كيان ظليت كاعدة وحدي شوية ودخلت امي واختي باوعت بوجهة اي احساس بداخلي ماكو ساكتة تقربت علية وسلمت باعت علية اختي حسيت اريد الزمها احضنها الى ان اقطع انفاسها واذب افكاري كلها هاي عليها لان تعبت اريد شخص يواسيني ينطيني جرعة امل حظرو لريوك الي وكعدت اكل مماكلة ابد من عشة لعرس بس ماعندي شهية اكلت شوية واستمريت بجمودي كامت ريم الي جانت يمنا وصاحت امي كامت وياهة وظلت زهراء يمي كاعدة تباوع علية
زهراء:شبيج؟
الماسة:اكدر ارجع وياكم؟
(ليش صاير شي؟)
(لا بس مااريد ابقة شوية مختنكة)
(مختنكة وانت عروس شبيج حبيبتي صاير شي)
(لا مصاير اريد ارتاح)
(اي هسة اكول للبنية تاخذج لغرفتج )
(تلفوني وين ؟)
(مو يمنا غير اخذة كيان)
اجتي ريم واخذتني لغرفتي اني وزهراء اجتي يمي دخلت للغرفة شكبرها وحلوة على اخر موديلة وباردة ودنيا صيف تريح نفس بس نفسي مترتاح لو مو غرفة حلوة تمددت على سرير واجت زهراء يم راسي تمسح براسي الى ان مادريت بروحي شصار بعدها