سلاسل الماضي

السـلسلـة الثـانيـة 🔗🖤.

بسـمهِ تعـالـى 🤍.

زعلان اجيتك من عرفتك زعلان ...
جا عود تلكه انسان مثلي يفهمك !
يكتل أحلامه لخاطر يضل حلمك ؟
خسران صحتي وكلت بس لا اخسرك !
مو مهم عمري الله يطول عمرك .

                           بقـلمي انـا الكاتبـة زهـراء الشـمري
سلاسل الماضي ..

لاتنسـون التصويـت والتعليـق بين الفقـرات ✨🤍

____________________________

::ـ بعـد كلام ابوي طلعـنا لبيـت اخوهـا لان هيـه اهلـها ميـتين وزعلـت ببيت اخـوهـا ..
رحنـا للبيـت استقبـلنا اخـوهـا فرحان راح نرجعـها حقـه اذا هيَّ وياي ما محترمة نفسـها شلـون ويـه اخوهـا شتريـد تشوفهـم من مشاكلـها

ـ حجـه ابـوي
::ـ سلام عليـكم وليدي احنـا جايين نرجـع اخيـتك وان شاء الله بعـد ما تنـعاد وهيـه مثل بنيـتي

::ـ ان شاء الله عمـي بـس كون محمد ما يزعلـها زعلـها من زعلـي

ـ هزيـت ايدي ما راضي 
::ـ اي خوش ان شاء الله خيـر

ـ طلع يصيـحهـا واجـه ابنـي يركض دخـل لحضـني
::ـ هلا حبيبي باباتي شلونك

::ـ زيـن بابا مشتاقلك بعد لا عوفني هنا يم ماما

::ـ اي حبيبي بعد ما اعوفك تبقـة يمي

::ـ تاخذنـي للالعاب وتشتري الي ؟

::ـ اي وليدي هسه نروح اخذك للالعاب واشتريلك ونروح سفرة باجـر زين ؟

::ـ اي

ـ بعد شويه اجـت هيَّ لابسه عباتها وشايلة جنط الملابس طلعت كدامنـا بدون ما تسلم !

ـ تنهدت ما قابل على تصرفهـا باوعت على ابوي واشرت عليها ونزلت راسي بيـأس

::ـ ما تتغيـر والله جسـرة

::ـ ما عليـك اني قابل لا تسلم عليـه بس كافي لا تدور مشاكل ويلا اطلع وراها

::ـ شكو طالع وراها تندل البيـت كدامـها مو ما احترمتني وطلعت بدون لا سلام ولا كلام خلـي تمشي بعد شكو اطلع وراها

ـ اخـذت اميـر  وطلعـت ابوي بقـه يسولف ويه اخـوها .
بالطريـق لاكـاني جارنـة صاح

::ـ ها ابو اميـر رجعتـهم عاشت ايدك حجي الناس ما يرحم

ـ بقيـت صافن ! شهل تدخـل شعليَّهم  هـوَ نفسـه جاي يتدخل بحياتـي بعد الناس شنو ويكول حجي الناس ما يرحم ! كملت دربي للبيت بدون ما ارد عليَّ

____________________________

(گمريـة )

ـ بـبدايـة زوجي جنـت مرتاحـة وفرحـانـة لا مشاكل ولا حجي واهلـة ما يجون هواي بس مرات خواتـة صح اختـه الجبيـرة هيـه الي رادتنـي وخطبتنـي اله بـس تجي مرات تبقـة تذب بساميـر ما ارد عليـها تسكت وتروح ! وخواتـه الباقيـات ما يجن هواي بس من ينزل من الدوام يتجمعن كلهـن لان متعود يسويلهن عزيمة .