ضحية عنيد ♡

الجزء السابع والتامن 💕

ضحيه عنيد 💞
( الجزء السابع والثامن  )
من الفصل التاني 💛
بجد اسفه علي التأخير والله غصب عني
#مآآهي _آآحمد
داليدا حاولت توقف النزيف بس مافيش فايده يونس مات وماتت كل حاجه حلوه معاه

داوود : اتصرفي اعملي حاجه
وقتها داليدا كانت بتترعش وهي شايفه الدم نازل من ابنها من كل حته والنفس مقطوع منظر مرعب فعلا انك تشوف ضناك قدام عينك روحه بتطلع قدامك ومش قادر تعمله شئ حاجه توجع القلب فعلا انا ك ماهي عيط 😥

داوود : ابعدي .. ابعدي عنه انتي مش عارفه تعمليله حاجه

وفي لحظه الإسعاف كانوا موجودين واخدوا يونس بسرعه علي المستشفي وداليدا وداوود ركبوا معاه عربيه الإسعاف

المسعفين حطوا ليونس انبوبه الاكسجين عشان يقدر يتنفس .. وبعدها قصوله التي شيرت بتاعه بالمقص بسرعه وهما في الطريق داليدا ابتدت تستجمع نفسها وابتدت تنقذ يونس من الموت وعلقتله محاليل بسرعه وعلي قد ما تقدر حاولت توقف النزيف ..

واخيرا وصلوا المستشفي بسرعه ودكتور ابراهيم استلم الطفل وقال

دكتور ابراهيم : خدوه علي اوضه العمليات بسرعه

ماتقلقش ياداوود ان شاء الله خير

داليدا وداوود فضلوا مستنيين قدام باب اوضه العمليات والدقيقة بتعدي علي الاتنين كأنها سنه
داليدا قعدت في الارض جنب اوضه العمليات وبتعيط

داوود : بتعيطي علي ايه ، انتي السبب يونس لو مات يبقي انتي السبب في موته
داليدا : كفايه ياداوود كفايه عشان خاطري انا مش متحمله ارحمني

داوود : ارحمك .. وانتي مارحمتيش طفل صغير ليه .. مرحمتنيش ليه .. كل ده عشان شغلك .. كل ده عشان انانيتك

داليدا : مابتعملش حاجه غير أنها ندمانه علي اللي حصل منها لو بأيدها ترجع الزمن مكانش حصل ده كله

دكتور ابراهيم طلع من اوضه العمليات داليدا قامت وقفت بسرعه وداوود طلع يجري عليه

داوود : طمني يادكتور ابراهيم
دكتور ابراهيم : احنا عملنا كل اللي نقدر عليه بس للاسف وصل متأخر البقيه في حياتكم
وقتها داليدا بقت تصوت .. تصوت بعلو صوتها الناس والظباط اللي حواليهم كانوا مستنيين مع داوود كلهم زعلوا جدا علي يونس وعلي االلي حصله يونس بقي حديث سينا كلها ابن المقدم داوود مات علي ايد الارهابيين

قبل ما داوود نفسه يعرف أن ابنه مات في اوضه العمليات كان أبو فراج عرف عنده جواسيس في كل حته من ممرضين .. لاي حد ممكن تتوقع أنه يكون بيشتغل مع ابو فراج

وقتها داليدا اغم عليها والدنيا اسودت في عينيها فضلت في العنايه المركزه يومين وهي بتعاني من الصدمه

أما بقي عن داوود فضل حابس نفسه في اوضته اللي في المستشفي ولو حد عزاه مكانش بيقبل عزاه وكان بيقول هاخد عزا ابني يوم ما اقتل ابو فراج