Part- 13
ကြယ်လေးပြောလိုက်တဲ့ ထိုစကားတစ်ခွန်းက အချိန်တွေအကြာကြီးငြိမ်သက်နေခဲ့တဲ့ သူ့နှလုံးသားကို ပထမဆုံးအကြိမ်အဖြစ်ပြန်လည် နှိုးဆွပေးလိုက်သလိုပါပင်... သူ့ရင်ခုန်သံတွေမြန်လာရသည်။
သူအခုရင်တွေခုန်နေတာလား....။ ဒီကလေးရဲ့စကားလေးတစ်ခွန်းအတွက်နဲ့လေ...။
မဟုတ်ဘူး...မဖြစ်နိုင်ဘူး... သူ့စိတ်ထဲမှာတစ်ချိန်လုံး ဒီကလေးကိုမင်းမိုရ်နဲ့ဆင်တူတယ်လို့မြင်နေမိလို့ ဖြစ်မှာပါ...။ သူ့အနေနဲ့ မင်းမိုရ်ကို သစ္စာဖောက်ပြီးအခြားတစ်ယောက်အပေါ် အခုလို စိတ်ယိုင်ပစ်လိုက်ဖို့ ဘယ်တုန်းကမှမတွေးခဲ့ဖူးပါ...။ ပြီးတော့ တစ်သက်လုံးလည်းအဲ့ဒီလိုဖြစ်လာမှာမဟုတ်ဘူး...။ လုံးဝကိုမဖြစ်နိုင်ဘူး။
နှလုံးသားကပြောလာတဲ့စကားလုံးတွေကို သူ့စိတ်ခံစားချက်... သစ္စာတရားတွေနဲ့ချက်ချင်းဖုံးကွယ်ပစ်လိုက်သည်။
ကြယ်လေးရဲ့ခေါင်းပေါ်မှာငြိမ်သက်နေမိတဲ့သူ့လက်ကိုလည်း ချက်ချင်းဖယ်ရှားပစ်လိုက်ပြီး အားနာသလိုပြုံးလိုက်မိသည်။
" ဟား... Sorry ကွာ... ဦး အဲ့ဒီလိုမလုပ်သင့်ဘူး...တကယ်ကို တောင်းပန်ပါတယ်... "
ထိုစကားကိုပြောရင်းနှင့်ပင် သူ သိမ်းစရာရှိသည့်ပစ္စည်းများကိုကောက်သိမ်းနေမိသည်။ ကြယ်လေးမျက်နှာကိုထပ်မကြည့်ရဲတော့ပါ...။
ထိုအချိန်မှာပဲ ကြယ်လေးကပြောလာသည်။
" ဖုန်း.... ဝယ်မလာပါနဲ့... ကျနော်ဖွားကိုပဲဝယ်ခိုင်းလိုက်ပါ့မယ်... ဒါပေမယ့် ကျနော့်ကိုပေးထားတဲ့ကတိကိုတော့ တည်ပေးမယ်မှတ်လားဟင်..."
ဒီအမေးစကားအတွက်ကိုတော့ သူကြယ်လေးနဲ့မျက်နှာချင်းဆိုင်ပြီး ပြန်ဖြေပေးဖြစ်သည်။
" ဦးကပေးထားပြီးသားကတိကိုဘယ်တော့မှ ပြန်မဖျက်တက်ဘူးကလေး... ဦးသေချာပေါက် ကတိတည်မှာပါ... ကလေးဘက်ကဦးနဲ့မဆက်သွယ်ချင်လို့ အဆက်သွယ်ဖြတ်ချင်ပြီဆိုမှ... "
" ဘယ်တော့မှ အဲ့ဒီလို ဖြစ်လာမှာမဟုတ်ပါဘူး"
သူ့စကားပင်မဆုံးလိုက်... ချက်ချင်း ပိတ်ပြောလာတဲ့ကြယ်လေးစကားကြောင့် မြေမိုး နောက်တစ်ကြိမ်ထပ်ပြီးရင်ခုန်သွားခဲ့သည်။
