راهن متجبر

البارت 5

{{ بـسـم اللَّه الـرحـمـن الـرحـيـم }}

الـكـاتـبـة: نـاز الــدليم.
لتنسون التصويت والتعليق بين الفقرات + متابعة للحساب.

            ‏﴿‏رَبَّنا وَلا تُحَمِّلنا ما لا طاقَةَ لَنا بِهِ﴾.   

بسمه:- عزا الحك يسفاح ميلان تريد تنهزم

مـيـلان:- اني بلعت العافيه لا اكد انزل
ولا اكدر اصعد دمي يبس ماحس غير كلهم
فوك راسي مثل الذيابه ولكو فريستهم كلمن
يريد ياخذ حصته من واول واسرع حصة
السفاح

- كز على سنونه عيونه حاده تجدح بغضب
عبرهم كلهم وصعدلي بدون سابق ضربني
راشدي ركعني بلمحجر مال درج ويه الضربه

خشمي كام يطفر دم اختل توازني عيوني
غوشت ماكدرت اسيطر ع نفسي خفت لا
اوكع جلبت بلمحجر اجه عتني من شعري
شحطني وشمرني بكل قوته بلكاع وكانو
ديضرب برجال مو مره

- ماكتفه من ضربته القاسيه ديرجع يضربني
اجه عَــراب جتفه واحمد ويا لزمو ثنينهم بس
هوه مستمر يصارع بيهم ديريد يكمل ضربه

السفاح:-  ترديييننن تنهزممميننن موووو ولجج
انيي الج ادبسزز انيي اعلمج اله اعيد تربيتج
من جديد انيي صوجييي انطيتج عين وكلت
مالها دخللل هيه بس طلعتي انتي ساس البله
ولجج اخخ ان ماشربت من دمج ما اطلع ابن
ابوويي

- ضل يحجي ويغلط عليه واني ولا يمه روحي فرفحت مثل الطير المذبوح خشمي احسه ماكو
من شده الالم خشمي خدر بس الدم ضل ينزل ع وجهي اجتي عليه سهر اتخبلت من شافت الدم
ينزل بغزاره حارت شتسوي تمسح بلدم وتبجي وبنتها تبجي وياها

سهر:- عزا راح تموت البنيه باع الدم مديوكف

السـفـاح:- موتتهم حته اذا ما ماتت انيي
اموتها هاي عااار علينه اذا ضلت عايشه

سهر:- ترا مو هيج تنحل الامور منو كله صدك
تريد تنهزم شفتها لابسه عبايه شفتها مبدله
شفتها ماخذه فلوس وياها هوه الينهزم يطلع
بطرك هدوم البيت ليش هيه الهزيمه لعب لو
الي بشارع يرحمون لو

انتو التصدكون بكلام هاذه وذاك ايدكم الكتل
والذبح عجيببب امركم افتهمو استفسرو قبل لتخطون باي خطوه تعضون اصابعكم ندم وراها

السـفـاح:- كافي ادافعين لفعلتها المينسكت
عنها وانتو هدوني لا امددكم هنا العب الوايرات عليكم

عَــراب:- والله لو تعلكني بلتيل مال كهرباء
هم ما اهدك اله تهدء وترجع الوعيك

السـفـاح:- ليش شايفني مخبل وارجع
الوعيي ادبسزز ابو البنات

عَــراب:- مال تكول ادبيزز هاي مقبوله
بس ابو بنات لا هاي مينسكت عنها

احمد:- استغفر الله احنا بيا حال وحضرت
العَراب ديصنف ويلطف جو