مرحبًا وحبًا بكم
نسـاء نحو الفجور
ممكن تصويت وتعليق بين الفقرات للاستمرار
.
.
.
.
.
نرعبت من صوت البرق القوي كعدت بعدها هديت نفسي وكمت اسمعه وانا مرتاحه واستغفر طارت عين نومتي كمت عزلت غرفتي لكيت ابو جُعدة دازلي مسج نصدمت
ابو جُعدة📩 : ست روهان متواجدة؟
رديت علية وكتلة
طَي 📩 : نعم ابو جُعدة تفضل
ابو جُعدة 📩 : حاب نتمشى سوا
طَي 📩 : اتوقع شايف الجو شلونه؟
ابو جُعدة 📩: اكو اوراق اريدج تستلميها
طَي 📩: اوراق ايش ؟
ابو جُعدة 📩 : تخص قضيتج
طَي 📩 : تمام هسه ادزلك سيكيورتي مالتي يستلمها
ابو جُعدة 📩: لا لا اريدج انتِ حاولي تجين
طي 📩 : تمام دزلي لوكيشن
ابو جُعدة 📩: تأمرين ياجميلة
دز لوكيشن قفلت الجهاز باوعت للساعه بـ4 الفجر كمت توضيت وصليت الفجر وقريت قران صارت 5 ضبط كمت احوص اريد اروح للوراس نزلت ايزار الصلاة ورحت لغرفته تقربت من غرفته سمعته يون طبيت بسرعه لكيته نايم وعركان قست حرارتة مرتفعه طبيت جبت طاسه وصله وكعدت اسويلة كمادات نخفظت حرارته بعد ربع ساعه بس بعدة يون تقربت منه وهمست
طي: ايليا تسمعني
الوراس : مممممم
طي : فتح عيونك وباوعلي
مارد عليه رحت جبتلة علاج ماي دافي خليتهن على الميز ورحت اريد اكعدة كام يهلوس ويكول
الوراس : لا تروحين لاتروحين
ضل يردد الكلام لاكثر من مرة رحت يمة خليت اصابعي على ايدة السليمة وكتلة.
طَي : وراس عمري اكعد فدوة خلي اشربك علاج
الوراس : لا تروحين خلي افهمج
بديت اقرة ايات قرانية عليه بهدوء هدء وكعدت كعد عاكد حاجبه مستغرب وجودي يمه بالغرفه همس
الوراس : شجابج طَي؟؟؟
طَي : اشرب علاجك هسه
قدمتلة العلاج وهوه يأن من ايدة جبت لفاف وشاش جديد كتلة
طَي : اعرف ابدل شاش وهل امور ابدلهن الك لو اكعد ألياس ؟
الوراس : اذا بيج بدليهننننننن
حجه اخر جملة بوجع فتحت الباندج مالته وجبت قطن مسحت مكان الجرح واقرة قران بهدوء عقمت الجرح وخليت شاش زيتي وبعدها خليت لباندج حسيته ارتاح شربته ماي وكعدت يمة كتلة بابتسامة
DU LIEST GERADE
نساء نحو الفجور
Mystery / Thriller📌مـن أرض ألعراق..... ثلاث نساء اجتمعن في دروب الفجور والخمور لـكل امراءة منهم قصه سوف تُخلدها اقلامي نساء اطلق عليهن تهمة هدرًا يقعن في حروب اساسها التجارة المحرمة يقعن بـ(الجن، والاغتصاب، والتقل، الاختطاف، والانتقام) يحاوطهن جبروت وطغيان عذ...
