#حياتى_بلا_معنى
#حياتى_بلا_معنى_2
#جزء_من_حلقه_سابقه
مينا: اكبر منك بيوم يعرف عنك بسنه
محمد: هو محلصش يوم اصلا
مينا: بس ياض فين يحيي وحشنى
هايدى: بره مع رنا
مينا: هطلع اخده منها (وسابهم وطلع
هايدى: ناويت هتدخل ايه
محمد:(هستنى التنسيق واشوف مينا هيدخل ايه الاول وهدخل معاه علشان نفضل مع بعض بس فى الاغلب علوم
هايدى:تمام ربنا يوفقك يارب يلا قوم اقعد معانا بره
محمد: تمام هغير بس وادخل الحمام واجى
هايدى: ماشي (وسابته وخرجت ومحمد قام دخل الحمام
#بدايه_الحلقه_الجديده
عند مينا ومحمد قاعدين فى الاوضه وبيصورو فديو تيك توك
محمد: بيقولك ايه بقا كليو باميه القطه العاميه سرقت قميصى الانجليزى خد بالك شوف وداها فين
مينا:(حاطط ايده على دقنه بيفكر يعنى) حددها اه
محمد: وبعدين قافلها فى الاخر عسكر فوق وعسكر تحت اخس عليك يابتاع الكحك ايه علاقه القطه العاميه بالباميه
مينا:(بصله بتفكير) لا انت لو رجعت الاغنيه تانى هتلاقه انو القطه العاميه ملهاش علاقه بالباميه هيا القطه العاميه الى سرقت القميص الانجليزى
محمد: ايه الدافع من وراء السرقه دى
مينا:(بصله) وجهه نظرك صح يا ابيه بس تيجى نفكر من وجهه نظر القطه
محمد:(باستغراب) ايه ده ينفع
مينا: اه
محمد: طب تعالا كده
مينا: يعنى مثلا هيا قطه عاميه
محمد: اه
مينا:(بيعمل بايده حركات كانه بيفهمه) وسرقت قميص انجليزى
محمد: اممم
مينا: هتعمل بيه ايه
محمد:(بصله بتفكير) اكيد هتبيعه وتجيب بيه باميه فنرجع من الاول
مينا:(بتفاجئ) يا راجل
محمد:(بتفكير) انت فاهم انو ممكن قطه تعدى بسرقه زى دى بقميص انجليزى 2 x لارج فى وسط الدربكه دى كلها يابنى بيقولك فى عسكر فوق وعسكر تحت يعنى قلق
مينا:( بصله) ياحبيبى وهيا هتعرف منين ماهيا عاميه
محمد:(بص لمينا باستغراب) انت ليه بدافع عن القطه بالاسلوب ده
مينا:(بصعبانيه) علشان مبتشوفش يا حبيبى (وبعدين بصله) بتاع الكحك ليه اتوجد فجأه فى مسرج الجريمه ايه الدافع ومين الى بيموله وهل اتكلف بمهمه معملهاش علشان كده بنقول اخص عليه بنلومه
محمد: انت ليه بدافع عن بتاع الكحك بالاسلوب ده
مينا: علشان القطه مابتشوفش يبقى اكيد هو السبب (محمد بصله بتفكير مينا حط صابعه على دماغه كانه فكر يعنى محمد بصله وهز راسه بنعمى صح والاتنين بصو للكاميرا بسرحان وتنهيده ،،، مينا مد ايده قفل الكاميرا وشغلو الفديو الى صواره تانى واتفرجو عليه) ظبط اخير
محمد: بقالك كام ساعه بتحفظ الكلام
مينا: ماهو كلام يلغبط
محمد: بس المهم انو ظبط معانا الحمد لله
مينا: الحمد لله منتج بقا ونزل
محمد: على فكره انت بقالك كتير رامى المنتاح كله عليا والتصوير والافكار شكلك اخد على الراحه
مينا: معلشي ياحماده بقا عاوز انام (وسابه ونام ومحمد نفخ وقعد يعمل المونتاج
~~~~~~~~~~~~~~~~~~~~~~~~~~~~~~~~~~~~~~~~~~~
فى شقه سعد ظهرت رنا قاعده على الكنبه قدام التليفزيون ومحمد معدى من وراها ضربها على قفاها
رنا:(بوجع) اااه انت غبى ياله
محمد سعد: اه غبى عندك مانع
رنا:(بضيق) عندى كل الموانع
محمد سعد:(قعد وشد منها الريموت) بليهم واشربى ميتهم
رنا:(بصريخ) ياماما
ناديه:(جايه من المطبخ بزعيق وعصبيه) انتو عارفين لو سمعت صوت حد فيكو هاجى اكسر المقشه عليكو (وسابتهم ودخلت المطبخ
محمد سعد:(بص لرنا) ماتقومى تسعدى امك يابت
رنا: وانت مالك انت
محمد سعد:(قلب التليفزيون) تك مله
رنا:(بصت لمحمد بضيق) هات الفيلم
محمد سعد: لا
رنا:(حدفته بالمخده) هات الفيلم بقولك
محمد سعد:(مسك المخده وضربها فى وشها) قولتلك لا وقومى ساعدى امك
رنا: انت بارد ياخى انت مالك ايه الغلاسه بتاعتك دى
محمد سعد: طب يلا قومى اعمليلى سندوتش وشاى
رنا: انت مش عندك ايد
محمد سعد:(باستغراب) اه
رنا: وعندك رجلين
محمد سعد:(باستغراب) اه الحمد لله
رنا:(بصت للتليفزيون) وعارف مكان الحاجات الى فى المطبخ (محمد بصلها برفعه حاجب.،، رنا كملت كلامها) ايوه ايوه قوم اعمل لنفسك بقا
محمد سعد: بقا هو كده ماشي ماشي
رنا:(حاولت تاخد منه الريموت بس محمد ماسكه كويس) هات الفيلم بقا يازفت انت
محمد سعد:(ضربها فى دراعها)متشتميش وتقلى ادبك وقومى اعملى الشاى والسندوتش
رنا:(بزعيق) مش هقوم اعمل حاجه وهات الفيلم يلا
محمد سعد(بعند) قولت مش جايب حاجه
رنا:(بصريخ) ياماما خليه يجبلى الفيلم بقا
ناديه:(جايه من المطبخ وفى ايدها معلقه خشب ونزلت عليهم الاتنين وهو بتضرب) هو انا مش هعرف اعمل منكو حاجه النهارده ايه رجعتو بقيتو اطفال بتتناقرو
محمدسعد:(بعد عن ناديه وشد رنا من تحت ايدها) ايه ياماما فى ايه
ناديه: تك مو يا اخى ايه معندكوش دم خالص كده ولا حد بيساعد ولا بينيل لا بت بتساعد ولا واد بيسكت انتو مبتجوش غير بكده بتتخنقو على التليفزيون(شدت فيشه التليفزيون) ادى التليفزيون اهوه ويلا بقا
محمد سعد: انا بقولها اعمليى شاى وسندوتش علشان مفطرتش مش راضيه
رنا: مايقوم يعمل لنفسه هو انا خدامه عنده
محمد سعد: يعنى اعمل لنفسي وانتى هنا
رنا: اه اعمل لنفسك (ناديه بتبصلهم الاتنين وهما بيتخنقو
ناديه:(بزعيق) باااس اخرسو بقا
ليث:(دخل الشقه) فى ايه صوتكو جايب اخر الشارع
ناديه:(بصت لليث) خد الواد ده من هنا وغورو من قدامى انت وهو
ليث:(بص لامه باستغراب) فى ايه ياماما انا كلمتك ولا عملتلك حاجه علشان تزعقيلى انا لسه جاى من بره على فكره
ناديه:(بعصبيه) غورو انتو الاتنين من قدامى
ليث:(بص لمحمد بعصبيه) تعصبوها والاخر احنا الى نشرب الليله (وزق محمد قدامه) يلا ياخويا قدامى
محمدسعد:(بص لليث) على فكره رنا المستفزه
رنا: انت الى مستفز
ناديه:(لفت ودخلت اوضتها) انا داخله اجيب الحزام اصل المعلقة مبتوحعش
ليث:(زق محمد قدامه) امشي يابنى (واخده ودخل الاوضه
ناديه:(طلعت من الاوضه ومعانا الحزام شافت رنا بتبصلها بخوف) عيال مبتجيش غير بالعين الحمراء (وبصت لرنا) يلا يابت معايا فى المطبخ
رنا:) بزهق) عايزه اشوف الفيلم
ناديه:(مسكت الحزام وبصتلها بجديه) هاتيلا ولا هااا
رنا:(دخلت الاوضه وهيا بددبدب على الارض) داخله داخله
ناديه:(دخلت وراها وهيا بزعقلها) ميت مره اقولك متدبدبيش على الارض ،، اعملى السلطه (رنا قعدت تعمل السلطه وبتبرطم بكلام وبتشتم محمد فى سرها ومامتها وقفت تكمل الطبيخ)
~~~~~~~~~~~~~~~~~~~~~~~~~~~~~~~~~~~~~~~
اما عند كنزه الى قاعده فى الاوضه هيا ودينا
دينا:(بتكيس مع اختها شغلها) ها كده خلصتى الشغل ده
كنزه: اه الحمد لله
دينا: هتسلميهم امتى
كنزه: المندوب هيجى كمان ساعه
دينا: ورايحين فين
كنزه: اوردر المنصوره والتانى المعادى
دينا: اول مره تطلعى بره القاهره
كنزه: لا مش اول مره جاتلى بنوته مره من طنطا واخدت منى شغلى من هنا
دينا: امتى ده
كنزه: من سنه كنتى انتى عند تيتا
دينا: ااه
كنزه: نفسي اظهر بوشى واخوكى وابومى مش راضين
دينا: عادى يابنتى بس انتى فديوهاتك كلها بتعدى ارقام كبيره
كنزه: بشوف الناس لابسه شغلى ومحدش يعرف انى انا
دينا: هو انتى المهم عندك ايه تتشهرى ولا شغلك يعجب الناس
كنزه: كده وكده
دينا: طب ماتقوليش كده لتخرسى شغلك كمان
كنزه: منا مخروصه اهوه وحاطه جزمه فى بوقى وساكته
دينا:(قامت وقفت) اااه انتى هتشتغلى فى لاوى البوز والمندبه وانا مليش في الجو ده انا خارجه بره
كنزه: غورى يا دينا انتى اصلا معطلانى (دينا خرجت وكنزه رجعت لشغلها تانى
~~~~~~~~~~~~~~~~~~~~~~~~~~~~~~~~~~~~~~~~
سعد قاعد فى الاوضه دخلت عليه ناديه
ناديه:(بتعب) اااه تعبانه ياسعد قووى
سعد: ليه يا حبيبتى مالك
ناديه: تعبت من عيالك مبقتش قادره عليهم خلاص تعبت منهم
سعد: ايه يا نودى بس العيال بتخاف منك اكتر ما بيخافو منى
ناديه: كانو والله كانو دلوقتى لا مبقوش بيخافو
سعد:(مسك ايدها وقعدها جمبه) ليه بس ايه الى حصل
ناديه: طول النهار يتناقرو مع بعض ولا كانهم رجعو اطفال تانى ،،، البت رنا قاعده طول النهار على الزفت النت مبتشلش معلقه من مكانها ولا بتساعدنى فى اى حاجه غير بقا خناقات الجوز جزم التوام ولا احمد الى عامل عقله بعقلهم ولم يعملو فى ليث حاجه تسمع صرخهم من ضربه فيهم انت هتيجى يوم هتلاقينى مخلصه على عيل فيهم وغير تلطيشهم فى رنا الاربعه ووصريخها طول النهار من ضربهم فيها
سعد:(بضحكه) مانتى الى قولتيلى مالكش دعوه بيهم ومتضربهمش انا هربيهم وياما قولتلك سبينى عليهم
ناديه:(بصتله بصدمه) اسيبك عليهم تعمل ايه
سعد:(بثقه) اربيهم
ناديه: ليه مستغنيه عن عيل فيهم تخبط عيل خبطه تجب اجله كسباهم فى البخت ولا لاقياهم فى الشارع انا طفحت الدم على ما كبرو كده وانت عايز تضربهم
سعد:(بضحكه استغراب) على فكره انا ابوهم والله مش جوز امهم
ناديه: لا ياخويا لا مالكش دعوه بيهم انا لم بضربهم بضرب بحنيه انما انت هو انا هنسالك يوم ما مسكت احمد ومينا قعدت تضرب فيهم يوم كامل تستريح وتقوم تكمل عليهم دانا لو كنت هنا
سعد: عجبك الى عملوه
ناديه: لا مش عاجنى بس بردو يامفترى العيال قعدت شهر مش عارفين يدوسو على رجليهم انا قايمه ياخويا اعمل الاكل ال اسبهوملك ال انا غلطانه انى جيت اشتكيت منهم بس بردو هما تعبونى وعاوزين تربيه بس بعيد عنك انا هربيهم (وسابته وخرجت)
سعد:(بيضرب كف على كف بضحكه) انا متجوز واحده هبله بنتها اتجوزت وجالها احفاد. ولسه الهبل فيها بردو
~~~~~~~~~~~~~~~~~~~~~~~~~~~~~~~~~~~~~~~
على الغدا كلهم متجمعين وقدمهم سمك ورز وسلطه وسلطه طحينه وجمبرى وكابوريا اكله بحريه يعنى ومحمد قاعد بياكل سلطه ورز بس
سعد:(بص لمحمد ابنه وتنهد) محمد جرب كل سمك او جمبرى او كابوريا
محمد: لا يابابا مش عاوز
ناديه: طيب هفصصلك السمك انا
محمد: بردو لا
مينا:(بص لمحمد) يابنى انت باين عليك انك اصغر منى بعشر سنين
محمد: مالكش فيه
ناديه:(بصتله باستحلاف) عارف انا هخدك مره لدكتور يكشف عليك وموضوع المناعه ده لو اتكرر تانى انا هاكلك غصب عنك
احمد:(بص لمحمد بضحكه وبص لمامته) ماما محمد سخن امبارح بالليل واخد حقنه للسخونيه واخد دش ونام
(الكل بص لمحمد بصدمه)
محمد: تصدق ياله انت ارخم حد انا شوفته فى حياتى وبعد كده لو هموت مش هقولك حاجه
ناديه: كلام اخوك صح يا محمد
محمد:(بص لامه) انا كويس قدامك اهوه مافيش حاجه
سعد: رد على قد السؤال وبس انت تعبت امبارح
محمد: ايوه
سعد: ومقولتناش ليه وتعبت من ايه اصلا
محمد: مش من حاجه لوحدى كده
سعد:(خبط بايده على الترابيزه) تعبت من قولتلك
ليث:(دخل من الباب) هقولك تعب من ايه كانو عاملين تحدى امبارح وعقابات ووقف تحت الميه السقعه بهدومه وطلع كمل التحدى وهو هدومه مبلوله
سعد:(بص لليث ورجع بص للشباب التلاته) اعمل فيكو ايه دلوقتى عارفين الى بيتعبكم وبتعملوه (وبص لمحمد) انت متخلف يعنى
محمد: يعنى كنا بنلعب ومكسب وخساره وده كان عقاب
سعد:(بنرفزه) ومطلعتش غيرت هدومك فى ساعتها ليه وكملتو الزفت الى بتعملوه د
محمد:(وهو باصص لاحمد) احمد ومينا الى شرطو انى مغيرش غير لم يخلص التحدى
سعد:(حاول يهدى نفسه) انا مش هتعصب اتفضلو انتو التلاته قومو هاتو موبايلاتكو
احمد: لا يا بابا
سعد: يعنى ايه لا
مينا: مينفعش كده الحسابات بتاعتنا هتقع خالص
سعد: ماليش دعوه علشان تحترمو نفسكو اتفضلو
محمد: والعقاب قد ايه
سعد:3 ايام (الشباب بصوله بصدمه)
احمد: بس يابابا
سعد:(مقاطع لاحمد) كل كلمه هتطلع منكو هزود يوم اتفضلو قامو هاتو الموبايلات واتتو ساكتين(التلاته تنهدو وقامو جابو موبايلاتهم ،، سعد كمل كلامه) اتفضلو كملو اكل ومش عاوز اعتراض تانى وكل اعتراض يتزويد يوم اتفضلو (سعد اخد سمكه وبدأ ينظفها ويحطها فى طبق محمد
محمد:(بص للطبق وبص لسعد) ليه يا بابا كده
سعد:(من غير ما يبص لمحمد)مش هتقوم غير لم السمك ده يخلص
محمد:مبعرفش اكل بيوجع معدتى
ناديه:بس مفيد يا محمد
محمد:(بتزمر) بس انا مش هاكله
سعد:(بصله)افضل اتكلم كتير علشان احطلك جمبرى وكابوريا كمان
محمد:(بص لسعد) اهو دول الى مستحيل اكلهم انا بخاف منهم اصلا
سعد: طب كل يلا وخلص السمكه دى كلها
محمد:مش هاكل البطن ولا الراس انا هاكل الظهر بس
سعد:ماشي يلا كل ( محمد بص للاكل واكل وهو مضايق جدا ومش طايق السمك بس اكل غصب عنه وبقا بياكل حته سمك كبير مره واحده علشان يخلص بسرعه واحمد ومينا اكلو وهما ساكتين والكل سكت والشباب بتبص لليث بزعل وليث مش معبرهم)
~~~~~~~~~~~~~~~~~~~~~~~~~~~~~~~~~~~~~
عند هايدى ومحمد عباس الى قاعدين مع بعض
هايدى: بيسو بقولك ايه عاوزين نطلع مصيف
محمد عباس: ان شاء الله
هايدى: امتى
محمد عباس: لم افضي ياهايدى اخوكى مسافر وانا مش هعرف اسيب الشركه وهو كمان مش موجود
هايدى: يعنى هو يخرج ويتفسح ويتبسط وانا لا
محمد عباس: معلشي اخوكى الصغير بقا
هايدى: متقوليش كده تانى
محمدعباس: هيا مش دى الحقيقه
هايدى: كلهم بيقولو كده وهما الصغرين لهم الاكثر فى الدلع (محمد تنهد وسكت. هايدى كملت كلامها) ها هتطلعنى مصيف امتى
محمد عباس: ماقولتلك ان شاء الله
هايدى: زى كل سنه والاخر مبتجيش معايا
محمد عباس: هطلع ياهايدى معاكى ياحبيبتى
هايدى: طب ما تيجى نجمع العيله كلها ونطلع مع بعض هتبقى حلو قووى
محمد عباس: باذن الله ياحبيبتى اتفقى معاهم ونتفق على كام يوم ونروح كلنا
هايدى: ماشي (يحيي عيط هايدى شالته وبصت لمحمد) هقوم اغيرله
محمد عباس: ماشي وانا هعمل عصير
هايدى: عامله فى التلاجه حطه فى كوبيات بس
محمد عباس:(مسك ايدها وباسها) تسلم ايدك ياحبيبتى
هايدى: مانت لو علمت هتعملى شغلانه تانيه وغسيل مواعين تانى وانا مش قادره
محمد عباس:روحى غيرى لابنك ياهايدى (هايدى ضحكت وراحت الاوضه ومحمد راح المطبخ
~~~~~~~~~~~~~~~~~~~~~~~~~~~~~~~~~
تانى يوم عند سعد الى قاعد فى اوضته الباب خبط ودخل احمد. ومحمد ومينا
سعد:(بصلهم وساب الى فى ايده) جاين بربطه المعلم ليه كده
احمد:(نط جمب بباه على السرير) وحشتنا ياعم سعد جاين نقعد معاك شويه
سعد:(بصله برفعه حاجب) لا والله
احمد: اه طبعا انت بتوحشنا على طول
سعد:(بص لاحمد) طب لخصو وهاتو من الاخر وقولو عاوزين ايه
احمد:(بص لمينا ومحمد) مدخلتش عليه صح
مينا: الظاهر كده
محمد: انت فاشل اصلا (وبص لبباه) هو مش انت عارف يابابا اننا مسافرين بكره
سعد: اه تروحو وترجعو بالسلامه
محمد:(مد ايده لبباه) طب ايدك بقا
سعد:(بصله) ايدى على ايه مانتو كل واحد فيكو معاه فلوس عاوزين ايه تانى
مينا:(قعد قدام سعد) لا طبعا يا بابا انت مش مخلينا محتاجين اى حاجه والموضوع مش فلوس خالص
سعد: اومال ايه
مينا:(بص لبباه بابتسامه) يعنى يا بوب سفر وطريق وقلق وعاوزين تطمنو علينا
سعد: لاااا انسو
محمد: ولم تحتاج تطمن علينا هتعملو ايه
سعد: هتصل بليث مش هو جاى معاكو
احمد:(بزعل) ليث مش هيخلينا نصور حاجه بتليفونه وبعدين يعنى يابابا لو حابين نطلع لايف ولا حاجه مش هنعرف
سعد: مطتلعوش لايف وانتو هناك
احمد: علشان خاطرنا يابابا
سعد: مانتو بتتهورو ياحمد انتو مش عارفين انو اخوكو معندوش مناعه وتعبان ديما ليه اصلا تعملو العقاب الغشيم ده فيه
مينا: لا يابابا هو احنا كنا كاتبين عقابات كتير هو سحب ورقه منهم وطلع ده وبعدين خلاص مش هنكتب العقابات دى تانى
سعد: مافيش موبايلات
احمد: طب اديهالنا ومش هنفتحها قبل التلات ايام
سعد: صدقتك انا كده صح
محمد: خلاص بقا ياعم سعد انت قلبك كبير والمسامح كريم
سعد: بس انا مش كريم
محمد: لا ياعم سعد كريم ده صفه من صفاتك الجميله مش اسم
سعد:(بتنهيده) انا هديكو الموبايلات بس لو خد فيكو اتأذى تانى من وراء الهزار ده صدقونى انا هقفل الصفح دى خالص
مينا: لا خلاص اخر مره
سعد:(بتنهيده وقام جاب الموبايلات) اتفضلو
احمد:(اخد موبايله) يعنى حضرتك مبتقتنعش غير لم محمد ومينا الى يتكلمو
مينا: راحت عليكى يابيضه بقا
احمد:(بعصبيه) شوفت استفزازه يابابا
سعد: هاتو الموبايلات دى انا غلطان انى اديتهالهو اساسا (الثلاثه جريو من قدامه
احمد:(بضحكه) خلاص خلاص العيال دى حبيبتى اصلا (وخرجو من الاوضه)
سعد:(بضحكه)هيفضلو زى ما هما مهما كبرو والاخر بردو عملو الى هما عاوزينه واخدو موبايلاتهم ربنا يهديهم يارب (و ضحك عليهم وقعد كمل الى كان بيعملو)
~~~~~~~~~~~~~~~~~~~~~~~~~~~~~~~~~~~~~~~~~~
بالليل عند سعد الى قاعد بيقرا قران دخلت رنا عليه
رنا:(بزعل) بابا
سعد: صدق الله العظيم(وبص لرنا) تعالى ياحبيبه بابا
رنا:(راحت قعدت جمب سعد على السجاده وسعد اخده فى حضنه) تقبل الله ياحاج سعد
سعد: منا ومنكم ياحبيبتى ها بقا اميرتى عايزه ايه
رنا: عاوزه اطلع مصيف مع الشباب
سعد: طب هو ينفع ياحبيبتى
رنا: مش اخواتى يا بابا وانت عارف هما بيخافو عليا قد ايه
سعد: عارف يا حبيبتى بس طالع معاهم اتنين من صحاب ليث وغير اصحاب ليث هما هيبقو شباب لوحدهم
رنا: طب احنا مش هنطلع مصيف
ناديه:(دخلت الاوضه) جايه هنا ليه باشبر ونص انتى
رنا: جايه اتكلم مع بابا فى موضوع سري بينى وبين ابويا
ناديه: مش هتطلعى مع اخواتك يارنا لوحدك
رنا: طب اطلعى معانا يا ماما
ناديه: واسيب ابوكى لوحده
سعد: ياقلب بابا مش هينفع مش هتاخدو راحتكم ياحبيبتى
رنا: طب هنطلع امتى
سعد: هفضى نفسي يومين تلاته ونطلع
رنا: امتى يعنى
سعد: لم الشباب يرجعو بامر الله بالسلامه نطلع
رنا: ومحدش منهم يجى معانا
ناديه: انتى بقا مالك انتى
رنا:(بصت لمامتها) ماهما طلعو هيطلعو تانى ليه
سعد: ممكن ليث يقولك لا علشان شغلى وكده لان أحمد ومحمد. ومينا هيجيو معانا
رنا: ليه بقا ماهما راحو اهوه
سعد: هما مافيش وراهم حاجه هيقعدو لوحدهم ليه
رنا: ينزلو يشتغلو
ناديه: يابت انتى حاطه نقرقك من نقر اخواتك ليه انتى مالك انتى يشتغلو ولا يقعدو انتى بتصرفى عليهم من جيبك
رنا: الى قدهم بيشتغلو وهما لا ليه
سعد: هيجى يوم وتلاقيهم بيشتغلو لوحدهم وبعدين طول اجازتهم هما بيقو فى السوبر ماركت وبيشتغلو
ناديه: انا مش عارفه بتدخلى نفسك فى الى مالكيش فيه ليه
رنا: ماهو بابا شقيان لوحدو وهما ولا على بالهم
ناديه: هو انتى كان حد اشتكالك
سعد: خلاص بقا يا ناديه خلاص انتى كمان يا رنووش
رنا: هنطلع مصيف امتى
سعد: هنظبط يومين تلاته مع اختك ونطلع سوا ان شاء الله
رنا: ماشي تصبح على خير يابابا (وباسته من خده)
سعد: وانتى بخير ياروح بابا
ناديه: دلع فيها ياخويا دلع
رنا:ومدلعش ليه بقا (وراحت لناديه باستها من خدها ،، ناديه مسحت مكان البوسه رنا بصدمه طفوليه) انتى بتمسحى مكان بوستى ياماما
ناديه: اه مبحبش التلزيق ده
رنا:طب اهو بقا (قربت من مامتها وباستها بوسه عنيفه) من خدها)
ناديه:(باستفزاز وبتحاول تبعد رنا) يابت الدنيا حر اوعى بقا
رنا:(قعدت جمب مامتها ولفت ايدها على رقبتها) طب مش هوعى بقا
ناديه:(بضحكه وسعد بيضحك عليهم) خلاص يارنا رقبتى وجعتنى (رنا باستها من خدها)
رنا: متمسحيش مكان البوسه
ناديه: حاضر
رنا:(قربت خدها من مامتها) بوسينى انا كمان
ناديه:(باست رنا) اهوه
رنا: تصبحى على خير يامامتى
ناديه: وانتى بخير ياحبيبتي متعليش المروحه عليكى وانتى نايمه
رنا:(بصت لمامتها) هعليها على الاخر (وطلعتلها لسانها)
ناديه:(مسكت شبشبها وحدفته على رنا ،، رنا جريت الشبشب خبط فى الباب) طب ابقى عليها يارنا
سعد:(بضحكه) قاعد مع توم وجيرى
ناديه: عملى الاسود فى الدنيا هيا والثلاثى المرح الى جوه
سعد: ربنا يباركلنا فيهم يارب
ناديه: يارب على قد ما هما تعابونى ولسه بيتعبونى على قد ما انا بدعى انى ماشوفش فيهم شر ابدا
سعد: محمد اكل السمك وامبارح اكل كبده وقبل كده اكل بيض وضرب لبن ومتعبش لم اغصب عليه متأوحيش معايا وتقولى سبيه على راحته ومش راحته انا مش عاوزين وقعات تانيه
ناديه: ماشي تصبح على خير ياحبيبى
سعد: وانتى بخير ياحبيبتى (ونامت ناديه وسعد قام اطمن على الشباب ودخل نام هو كمان)
~~~~~~~~~~~~~~~~~~~~~~~~~~~~~~~~~~~~~~
تانى يوم الشباب سافرو مع بعض ظهرو واقفين فى الشارع
ليث:(بص لصاحبه) هو قالك نستناه هنا
مصطفى: اه قالى الشقه قريبه من هنا مش هيتاخر يعنى
محمود:هو انت اتعملت معاه قبل كده اصلا
مصطفى: ايوه هو الى بيحجز لينا كل سنه
ليث: يامسهل (شويه وجيه ليهم السمسار)
مصطفى: ازيك ياعم ابراهيم
ابراهيم: الحمد لله حمد الله على السلامه
مصطفى: الله يسلمك
ابراهيم: تعالو يلا اوريكو الشقه (مشيو معاه وطلعو عماره للدور الرابع فتح الشقه وبصلهم) الشقه اهيه تلات اوض وصاله وحمامين
مصطفى: تمام
ابراهيم: المفتاح اهوه يلا سلام عليكم (ومشي وسابهم
ليث:(بص للشقه ورجع بص للشباب) يلا نسيب حاجتنا وننزل نشوف هنفطر فين لان انا دماغى لفت من الجوع
محمد: وبعدين نروح الشط نقضى يومنا هناك ونيجى
محمود: ماشي يلا (كل اتنين دخلو اضوه احمد وليث ،، محمد ومينا.،، مصطفى ومحمود
مينا:(مع محمد فى الاوضه) محمد اخلص بقا
محمد:مش لاقى المايو يامينا اصبر
ليث:هو احنا هنستناكو كتير اخلص يابنى انت وهو
مينا:انا خلصت محمد الى لسه
ليث:اخلص يا محمد بقا
محمد:حاضر ياليث ثوانى
ليث:(مش لاقيت الى بدور عليه اخلص بقا (وشدو من ايدو وخرجو ومينا خرج معاهم ملهم سابو الشنط فى الاوضه ونزلو يقضو يومهم من اوله)
~~~~~~~~~~~~~~~~~~~~~~~~~~~~~~~~~~~~~~~~~~~
على البحر
ظهرو الشباب على الشط واحمد مدفون فى الرمله ودماغه بس الى باينه
محمد:(بص لاحمد) اى حد يسالك انت اندفت ازاى مين الى دفنك وتعترف باى كلمه ده هيبقى دليل عليك
مينا: والاعتراف سيد المداليه
احمد:(بص لمحمد ومينا ) ربنا يخليك ليا انا مش عارف من غيرك كنت هدفن ازاى
محمد:(مسك وش احمد) كنت هتدفن على وشك
مينا:(مسك وش احمد خلاه يبصله) ونفسك يتكتم
محمد:(لف وش احمد ليه) وتموت يامجنون
احمد:(بصلهم الاتنين) الحمد لله
محمد ومينا: خلاص
احمد: خلاص
مينا:(بص لمحمد) يلا ياولاد ودعو صاحبكو رقصه الموت (وقامو الاتنين يلفو حوالين احمد واحمد بيهز داماغه يمين وشمال والاخر التلاته ضحكو ومينا قفل التليفون
احمد:(بخنقه) شيلو بقا الرمل ده اتخنقت
محمد:(بدايشيل الرمل من على احمد. ومعاه مينا) ليث لو جيه وشافنا كده هيشلوحنا
احمد: هو عارف اننا هنعمل كده
مينا: وقال لا لان ده مش رمل علاجى وممكن يكون فيه اى حاجه من البحر
احمد: طب اخلص بسرعه قبل ما يجي (شالو الرمله بسرعه وشدو احمد قوموه من مكانه واحمد نزل البحر علشان ينزل الرمله من على جسمه)
~~~~~~~~~~~~~~~~~~~~~~~~~~~~~~~~~~~~~~~~~~~~~
اخر اليوم رجعو الشباب على الشقه دخلو ودخلو الاوضه فى اوضه محمد ومينا مينا دخل الحمام
محمد:(فى باله) هو ايه ده انا فاكر انى كنت سايب الشنطه مفتوحه ايه الى قفالها وكمان نزلها على الارض (ليث دخل الاوضه وحط ايده على كتف محمد ،، محمد بصله بخضه) خضتنى ياليث
ليث: انا خبط كتير وقلقت لم مالقتش حد. رد
محمد: مسمعتكش
ليث: مالك فى حاجه ولا ايه
محمد:(بص لليث) انا كنت سايب الشنطه مفتوحه السرير جيت لقيتها مقفوله ومحطوطه على الارض
ليث: مايمكن انت قفلتها ونزلتها على الارض
محمد: لا ياليث مقفلتهاش
ليث: يابنى احنا استعجلناك كتير تلاقيك قفلتها ونسيت
محمد:انت الى شدتنى مش فاكر سبتها ازاى
ليث:مش فاكر يامحمد ماخدتش بالى بس تلاقى انت قفلنها
محمد: يمكن مش عارف
ليث: اهدا بس وانسي تلاقيك والله قفلتها ونسيت
محمد: ماشي ياليث
ليث: هتنام
محمد: اه دماغى مصدعه اصلا بس هاخد شاور وانام
ليث: انزل اجبلك علاج
محمد: لا لا ده من الشمس بس هنام هبقى كويس
ليث: ماشي تصبح على خير
محمد: وانت بخير
ليث: متفكرش يامحمد ونام
محمد: خلاص ماشي والله خلاص (ليث ابتسم لمحمد ومحمد ابتسمله وخرج ليث محمد بص للشنطه) يمكن من استعجالهم قفلتها ونسيت (وتنهد وراح فتح الشنطه يطلع منها لبس)
~~~~~~~~~~~~~~~~~~~~~~~~~~~~~~~~~~~~~~
الكل نام بالليل قبل الفجر بشويه ظهر ليث واحمد نايمين فجاه سمعو صوت تكسير جامد فى المطبخ الاتنين صحيو مفزوعين
احمد:(برعب ) فى ايه
ليث:(بخوف) معرفش وطلعو يجرو على بره والكل طلع من اوضهم
مصطفى: ايه الصوت ده الى حصل ده
محمود: جاى من المطبخ
ليث:(بص لمحمد ومينا الى ساكتين) ايه الهبل الى بتعملوه ده
مينا: عملنا ايه
ليث:(راح لمحمد بعصبيه ومسك ايده جامد) وياترى بقا ده تكلمه لحوار الشنطه
محمد:(بوحع من مسكته) والله مافاهم انت بتتكلم عن ايه
ليث:(بيشد على ايد محمد جامد) عن الهبل الى عملته اول ما جينا والشنطه الى اتقفلت لوحدها والى حصل دلوقتى
مينا:(بيفك ايد محمد من ليث) والله ما عملنا حاجه احنا كنا نايمين
محمد: اشمعنا وجهتلنا احنا الاتهام ده ما احمد كمان بيعمل المقالب الغشيمه دى
ليث: احمد كان نايم وصحى مفزوع على الصوت
مينا: ما يمكن من الخطه واحمد استاذ تمثيل (ليث بص لاحمد)
احمد:(بعصبيه) انتو بتخلصو نفسكم وبتتهمونى انا. اقسم بالله ما عملت حاجه
محمد:(بوجع من مسكه ليث) ااه ياليث والله ماعملنا حاجه سيب ايدى وجعتنى (ليث بصله ولسه بيشد على ايده.محمد بوجع اكثر)ياعم اوعى ايدك بقا هتكسرى ايدى
مصطفى:(مسك ايد ليث وفك ايد محمد منها) سيبه ياليث بقا وبعدين انتو هتفضلو تتهمو بعض كده ومش عارفين ايه الى حصل تعالا نشوف ايه الى حصل جوه مايمكن فار ولا حاجه
ليث:(بص لمصطفى ورجع بص لمحمد ومينا) لو الى حصل ده مقلب من مقالبكم هتنضربو وهتنامو معيطين انتو التلاته وهنكد عليكو انتو التلاته (ودخلو كلهم المطبخ وهما بيتسحبو مالقيوش اى حاجه خالص كلهم بصو لبعض ليث بص لمحمد ومينا واحمد) انطقو انتو التلاته مين فيكو نييل الصوت ده
محمد:(بخوف اكتر) اقسم بالله بعد ما سبتنى بالليل اخد دش ونمت وكان مينا نام قبلى كمان
ليث:(باستغراب) واحمد كمان انا متاكد انو كان نايم (بص لمحمود ومصطفى ورجع بص لاخواته) يمكن من السكان تحت او فوق وعلشان احنا بالليل وهدوء الصوت كان واضح
محمود: يمكن
مصطفى: طب يلا نرجع ننام
ليث:(بص لمينا ومحمد الى بيبصوله وباين عليهم الخوف) محمد.
محمد: والله العظيم ما احنا والله العظيم ما عملنا حاجه
ليث: خلاص يا محمد متزعلش بس انتو الى بتعملو ده على طول
مينا: المره دى معملناش حاجه
احمد: هما اى حد من حوالينا احنا فى مصيف ومحدش بينام
ليث: طب يلا نرجع ننام (وكل واحد اقنع نفسه انو ده فعلا حد من الجيران ودخلو الاوض تانى وكل واحد بيفكر ومن تعبهم نامو كلهم تانى)
~~~~~~~~~~~~~~~~~~~~~~~~~~~~~~~~~~~~~~~
عدى باقى اليوم طبيعى صحيو الشباب ونزلو وقضو اليوم بره واخر اليوم رجعو وكلهم نامو ماعدا محمد ، ،،،، ظهر محمد قاعد فى الاوضه وماسك التليفون وفاتح لايف وبيتكلم مع الناس
محمد:(باصص للكاميرا وبيتكلم مع الناس) وحشتووونى جدا جدا جدا(بيقرا الرسايل) سبب غيابنا اليومين الى فاتو اخر تحدى اتسحب مننا الموبايلات لانى للاسف بعد التحدي تعبت وسخنت واحمد فتن علينا وليث شاف التحدى وقال لبابا على السبب الى تعبت منه بس بقا اقنعنا الوالد انو احنا فى مصيف وسفر وقلق وكده واخدتنا الموبايلات امبارح ده سبب الغياب (بيقرا الرسايل بعينه) اه والله المفروض اكون نايم بس مجاليش نوم وانتو وحشتونى قولت اتكلم معاكو شويه بس الظاهر معظم الناس نايمه المهم اخواتى الى صاحيين ومنورينى فى اللايف قولولى بقا على افكار نعملها الفتره الى جايه عاوزين نستمتع بالرحله دى ونعمل كام مقلب حلو كده فى مينا واحمد وليث واصحابه (بضحكه) هههههههه اه طبعا هتفرم من ليث بس كله يهون علشان خاطركم ومش هسجل اللايف علشان محدش يسمعه من اخواتى ويقفش الموضوع يلا اتحفونى بافكاكم والجواسيس الى هنا لاحمد ومينا لو حد قالهم هعرف ومش هسامحهم ابدا (محمد بص وراه باستغراب) مينا نايم اصلا انا صاحى لوحدى (باستغراب وبص وراه) لا مافيش حد ورايا ده سرير (ورفع الكاميرا يظهر السرير) انتو بتعملو فيا مقلب ولا ايه داحنا ملوك المقالب هيتعمل فينا احنا المقلب (بقلق من كلام الناس) لا انتو بتهزرو حد مين الى ورايا (وبص وراه تانى ،، وبص لمينا الى ظهر نايم على السرير) ياجماعه مافيش حد.ورايا انا لوحدى الى صاحى لا مش مينا نايم (وجاب الكاميرا على مينا وهو نايم) مينا نايم اهوه (قرا الكلام) لا بردو مش احمد باب الاوضه متفتحش قدامى واحمد مش معانا فى الاوضه اصلا (محمد فجاه بص قدامه بخوف ورعب وحط ايده على بوئه ورجع وراء برعب وساب التليفون وقام بسرعه من على الارض قعد يبص حواليه بخوف ورعب فجاه ظهر خيال خارج من الحيطه داخل بسرعه الحيطه الى قدامها بص برعب قدامه وفجأه حاجه وقعت جمبه وفجاه الباب اتفتح وخيال جرى برن الاوضه )
محمد:(بخضه ورعب) مينا مينا. انت يابنى اصحى بقا (الخيال ظهر قدامه تانى محمد جرى بره الاوضه وراح لاوضه ليث دخل بسرعه وقرب من ليث برعب) ل ليث ل ليث (وبدا انو يهزه بعنف ورعب وخضه) ليث اصحى بقا
ليث:(صحى بفزعه ونطر ايد محمد من عليه بعصبيه وضيق) فى ايه يا متخلف انت (وبص لمحمد وشاف الرعب على وشه قام قعد ومسك ايد محمد ) مالك فى ايه
محمد:(بنهجان ورعب وخوف) ف فى حا حاجه فى الاوضه
ليث:(باستغراب) حاجه ايه
محمد:(بدموع) مينا فى الاوضه لوحدو تعالا بسرعه (ليث قام جرى واحمد صحى على صوتهم شافهم بيجرو جرى وراهم راحو الاوضه لقيو تليفون محمد واقع مفتوح واللايف شغال ومينا مش فى الاوضه ،، والاوضه مافيهاش حاجه
ليث:(بص لمحمد) مالها الاوضه مافيهاش حاجه
محمد:(بخوف) لا لا والله مينا كان هنا اسال الناس على النت هما الى شافو حاجه ورايا وانا كنت فاتح لايف والله العظيم وفى خيال عدى من قدامى وفجأه لقيت باب الاوضه اتفتح لوحدو وحد ماشي بره وحاجه وقعت ورايا لوحدها ومينا كان هنا والله
ليث: انت قاعد فى الضلمه ليه تعالا بس استهدى بالله كده وصلى ركعتين ونام
محمد:(بخوف ورعب) لا مش هقعد هنا مش عاوز
ليث:(مسك ايد محمد وقعده على السرير) اطفى التليفون ياحمد (وبص لمحمد) اهدا اهدا خالص مافيش حاجه بص حواليك مفيش حاجه خالص
محمد:(بصحواليه وعينه جات على سريى مينا) مينا فين مينا كان نايم هنا (وبص لليث) مينا فين ياليث والله مينا كان هنا
احمد:(بص لمحمد ) محمد اهدا شوبه بس مينا نايم بره فى التكيف من امبارح
محمد:(بص لاحمد برعب) لا لا مينا كان هنا والله كان هنا
ليث:(بص لاحمد ورجع بص لمحمد) اهدا يا محمد ونام وانا هنام جمبك
محمد:(بص لليث بعياط) والله شوفت مينا هنا
مينا:(دخل الاوضه هو والشباب وباين عليه اثر النوم) فى ايه مالكو
محمد:(بص لمينا وقام جرى مسك ايده ) انت كنت نايم هنا صح
مينا:(بص لمحمد بأستغترب) نايم فين يابنى انا لسه جاى من بره قدامك اهوه كنت نايم بره
ليث:(بص لمينا) انت ايه عرفك اننا هنا
مينا:(بضحكه استغراب) عرفنى ايه انا قومت اشرب سمعت صوت قولت اشوف فى ايه شوفت نور الاوضه وسمعت صوتكو
ليث:(بص لمينا وبص لمحمد ورجع بص لمينا) لو بتعمل حاجه ده مش وقت هزار خالص انت شايف اخوك عامل ازاى
مينا:(بص لليث) يابنى والله ماعملت حاجه انا كنت نايم بره فى الاوضه الى فيها تكيف
محمد:(برعب اكتر) اومال مين الى انا شوفته ده
ليث:(مسك ايد محمد وقعده وبيحاول يخليه ينام) نام بس وانا معاك اهوه وكلنا هنا
محمد:(قام من على السرير بفزعه وخوف بص لبره) اهوه اقسم بالله فى خيال بره (كلهم بصو بره والكل بص بصدمه وشافو الخيال بيجرى فعلا ليث ومصطفى جريو على باب الاوضه وبصو بره الخيال اختفى )
احمد:(بخوف) ايه ده
محمود:(بخوف) الشقه دى فيها حاجه
ليث:(بص للكل وبيحاول يطمنهم وهو من جواه مرعوب) بس اهدو احنا هنقفل باب الاوضه علينا ونقعد كلنا هنا
محمد:(برعب وفزعه وخوف) لا لا انا همشي من هنا مش هقعد هنا انا مش هقعد هنا
ليث:(بص لمحمد الى بيترعش من الخوف) هنمشي نروح فين
مينا:(قعد واخد محمد فى حضنه) اهدا احنا كلنا هنا كلنا معاك
مصطفى:(بص لليث) نفضل هنا للصبح واول مايطلع النهار ننزل
احمد:(بص لمصطفى) نفضل فين فى وسط العفاريت
محمد:(برعب وبص لليث) لا لا علشان خاطرى انا عاوز امشي والله مش هقعد هنا انا هنزل ابقى على القهوه تحت
ليث: هنقفل باب الاوضه علينا
محمد:(بخوف) انا كنت قافل باب الاوضه واتفتح لوحدو انا مش هبقى هنا انا حتى لو هنزل لوحدى بس مش هبقى هنا
مينا:(بص لليث ومسك ايد محمد) انا مش هبقى هنا انا هنزل مع محمد
احمد:( بص لليث ) كلنا هنمشي يالث محدش هيبقى هنا اصلا المكان مش امان
محمود:(بص لليث) طب بس هنروح فين
مصطفى: ياجماعه احنا قرب الفجر وكلها اقل من ساعتين والنهار هيطلع
احمد: عاوز تبقى هنا ابقى لوحدك احنا مش هنبقى بعد الى شوفته هروح الم حاجتى
ليث:(مسك ايد احمد) استنى ياحمد(بص لمصطفى) كلم الزفت الى جايب الشقه دى
محمد:(بص لليث) يلا نمشي انا حاسس انى بتخنق مش عاوز ابقى هنا علشان خاطرى
ليث:(بص لمصطفى ) محدش هيبقى هنا لوحدو مش هينفع نسيب حد كلنا هنمشي محمد هيجراله حاجه لو قعدنا يلا كل واحد يلم حاجته الى طلعها (وبص لمحمد) هنلم حاجتنا ونمشي(ليث جاى يقوم)
محمد:(مسك ايد ليث برعب ودموع) متسبنيش ياليث علشان خاطرى
ليث:(بص لمينا واحمد) روحو لمو الحاجه الى اوضتنا وانا هلم الى هنا
احمد:(بص لمحمد) لا خليك مع محمد وانا هلم حاجتنا ومينا هيلم هنا
مينا:مطلعناش حاحات كتير حهط الى طلعناهم وهروح معاك علشان متبقاش لوحدك
احمد: ماشي (مينا قام لم حاجته هو ومحمد بسرعه وراحو يلمو حاجت احمد وليث وليث فضل مع محمد الشباب لمت حاجتهم ونزلو كلهم من الشقه
محمود:(بص لمصطفى) اتصل بالى جايب الشقه دى
مصطفى: تليفونه مقفول اكيد نايم
ليث: هنروح فين دلوقتى احنا لسه الفجر ومنعرفش حد هنا
مصطفى:هنروح نقعد على البحر
احمد: من دلوقتى
مصطفى: ايوه هتلاقو ناس هناك اصلا فى ناس بتنزل دلوقتى علشان مبتعرفش تنزل بالنهار يلا (راحو الشباب قعدو على البحر ومحمد ركن دماغه على كتف مينا وباصص قدامه باين عليه الرعب والخوف مينا عدل رجله وخلى محمد ينام على الرمل وحط دماغه رجل مينا ومحمد فضل باصص فى مكان واحد وسرحان وكل شويه الشباب تبص عليه بخوف من غير اى كلام
~~~~~~~~~~~~~~~~~~~~~~~~~~~~~~~~~~~~~~~~~~~~
ظهرو كل الشباب على الشط ومعاهم شنطهم وقاعدين
مينا:(بص لمحمد وبص لليث) محمد نام اصحيه
ليث:(بص لمحمد) لا سيبه يا مينا ماهو منمش خالص وكده احسن اصلا يريح اعصابه شويه
احمد:(بص لليث) هو مصطفى ومحمود راحو فين
ليث: راحو يجيبو اكل (رجعو الشباب)
مصطفى: انا كلمت السمسار وهو جاى دلوقتى
ليث: احنا هنرجع القاهره يا مصطفى مش هكمل
مصطفى: انا كلمته وحكيتله حاجات من الى حصلت معانا قالى هتصرف ومتقلقوش (وبص لمحمد) محمد نام امتى
ليث: من شويه جسمه كله بيتنفض
احمد: شرب الخضه كلها لوحدو ومحدش كان معاه والى زاد بقا انو شاف مينا نايم
مينا: ده الى هيجننى ازاى شافنى نايم يمكن بيتهيقله
ليث: لا مش بيتهيقله محمد من ساعه ما رجعنا الشقه وحاجات غريبه بتحصل معاه شنطته اتفقلت لوحدو واتحطت على الارض مع انى متاكد انو سابها على السرير مفتوحه ،، وانا داخل الاوضه اصلا شوفتك نايم على السرير واستغربت لانى انا عارف انك نايم مع مصطفى ومحمود فى التكيف بس كنت بحاول اطمن نفسي وفجاه بردو ببص على السرير لقيته فاضى وانت مش موجود واحنا واقفين على الباب لاحد خرج ولا دخل انا كنت مرعوب اصلا والى زاد الى شوفناه فى الصاله
محمود: وانا حسيت بحاجه غريبه فى الاوضه وشوفت حد بيتحرك ناحيه سرير مصطفى بس كنت صاحى من النوم قولت يمكن يكون مصطفى كان فى الحمام بس فتحت عينى علشان اشرب لقيت مصطفى رايح فى النوم مش شكل حد كان لسه صاحى خااالص انا مرضتش احكى واخوفكو وقولت نبقى مع بعض ونطمن نفسنا
مينا:(بص لليث) الناس مش مبطله اساله عن محمد وعن ايه الى حصل وعاوزين يطمنو عليه
ليث: مش وقته يامينا بس نشوف لم الراجل ده يجى ونعرف هنعمل ايه
السمسار:(قرب منهم) سلام عليكم
الكل وقف معدا مينا ومحمد الى كان نايم وحاطط دماغه على رجل مينا
الكل: وعليكم السلام
مصطفى: عم ابراهيم الشقه دى بيحصل فيها حاجات غريبه وشوفنا فيها حاجات غريبه
ابراهيم:(بتنهيده) هيا فعلا الشقه دى كل الى سكن فيها قال انو بيحصل فيها حاجات غريبه ومحدش كمل فيها
ليث: معرفتناش ليه
ابراهيم: مكنش قدامى غيرها انا قولت تقضو فيها ليله ولا اتنين لحد ما شقه تفضى
مصطفى: بردو كنت عرفنا واحنا نوافق او نرفض
ابراهيم: حصل معاكو ايه
ليث: مش هنحكى فى الى حصلنا احنا هنا من قبل الفجر عاوزين نعرف هيحصل ايه
ابراهيم: فى شقه هتفضى اخر اليوم على البحر هنا
مصطفى: اكيد ايجارها اغلى من الى كنا فيها
ابراهيم: متشغلوش بالكو
احمد: طب احنا هنفضل فين لحد اخر اليوم
ابراهيم: خليكو هنا لبليل (وبص لمحمد) هو كويس
ليث: الحمد لله
ابراهيم: هو جسمه بيتنفض ليه كده
ليث: هو اكتر حد شاف حاجات غريبه وكان لوحدو فى الضلمه
ابراهيم: تعالو نوديه مستشفى
ليث: هو خايف مش اكتر مش مستهله مستشفى
ابراهيم: طيب تمام حساب اليومين الى فاتو انا مش هاخدهم منكو وهسلمكم شقه النهارده بالليل وهيا بتطل على البحر وقريبه من هنا ومتشغلوش بالكو مش هاخد منكو غير الى متفقين عليه وانا بعتذر مره تانيه عن الى حصل
مصطفى: الحمد لله على كده
ابراهيم: انا همشي لو احتاجتو اى حاجه كلمونى واستأذن ومشي والكل قعد تانى
احمد: مش هتصحى محمد يفطر معانا
ليث: لا سيبه لم يصحى براحته يبقى يفطر (وقعدو كلهم واكلو كل واحد لقمه صغيره علشان يعرفو يكملو باقى اليوم
~~~~~~~~~~~~~~~~~~~~~~~~~~~~~~~~~~~~~~~~~
على الغدا فى بيت سعد عند سعد فى البيت قاعد مع ناديه ورنا
ناديه: قلبى قلقان قوى حاسه انو العيال فيها حاجه
رنا: العيال بتبلبط واحنا هنا شايلين الهم
سعد: رنا احترمى نفسك
رنا: هو انا قولت حاجه يابابا
ناديه: مش عارفه والله بس انا قلبى قلقان ربنا يستر بقا
سعد: علشان بس اول مره يسافرو لوحدهم قلبك قلقان
رنا:(وهيا ماسكه فونها) شوفتى ياماما مينا منزل استورى ومحمد قاعد على الشط واحنا ولا فى دماغهم
سعد:(بص لناديه) اطمنى بقا لو فيهم حاجه مش هينزلو صور ليهم
ناديه: ربنا يستر بقا وبعدين كلمناهم ومحمد لا ليه
رنا: ما كان نايم ياماما
ناديه: نايم على البحر ومن امتى اخوكى بيشوف البحر وينام
رنا: يمكن تعب من العوم وكده اصلا ويمكن الشمس صدعته شويه نام يا ماما ا عادى بيستجم مع نفسه نام
سعد: ربنا يستر بقا وميكونش في حاجه
رنا: خير يابابا ان شاء الله
سعد: ان شاء الله انا نازل السوبر ماركت.
ناديه: لو كلموك طمنى
سعد: ماشي (نزل سعد وناديه قامت تشيل الاكل ورنا حاولت تكلم محمد مردش عليها
ناديه: قومى ساعدينى يارنا
رنا: حاضر(قامت رنا تشيل الاكل مع امها وبدأ القلق يدخل قلبها
~~~~~~~~~~~~~~~~~~~~~~~~~~~~~~~~~~~~~~~~~
ظهرو الشباب على الشط قاعدين وكل شويه احمد يبل فوطه من البحر ويجو يحطوها على وش محمد ووشه ظنهر جدا من السخونيه جابو فوطه وبلوها ميه وحطوها على وش محمد
احمد:كده الشمس تعبته صحيه يقعد فى مكان ظل
مينا: هو فى على الشط مكان فيه ظل كمان كل الشماسي خلصت
محمود: ماهو الشط مليان
ليث:(بص لمصطفى) ماتيحى نرجع القاهره انا مش عارف ليه خايف وقلقان
مصطفى: من ايه اهوه اليوم هيعدى وهنقعد فى شقه كان فيها ناس يعنى مش مقفوله
مينا: هيا كل شقق المصيف كده
مصطفى: لا اول مره تحصل معايا
مينا: يعنى اول مره نسافر لوحدنا نتبهدل كده (محمد فتح عينه وقام قعد
ليث: محمد انت كويس
محمد: ايوه كويس هو احنا مش هنمشي
ليث: لا يا محمد السمسار هيجيبلنا شقه بالليل
محمد: بلاش يا ليث مش عاوز انا عاوز ارجع القاهره
ليث: لا متقلقش الشقه هتسلمهلنا ناس كانو فيها متقلقش
محمد: ماشي (وقام وقف)
مينا: رايح فين
محمد:(بص لمينا) هنزل البحر (واخد لبس من شنطته وراح يغير هدومه
ليث:(تنهد) قوم يامينا خليك معاه (مينا قام راح لمحمد غير هو كمان وطلعو الاتنين مع بعض)
مينا: تعالا افطر الاول وبعدين انزل الميه
محمد: لا مليش نفس
مينا: هتنزل الميه من غير اكل
محمد:(بزهق) مش عاوز يامينا سبنى بقا
مينا:(بتنهيده بزعل) ماشي
محمد:(بص لمينا بزعل) انا اسف يا مينا متزعلش بس انا بجد مش جعان
مينا: ماشي شويه وتبقى تفطر
محمد: ماشي ونزلو الاتنين الميه شويه وطلعو الاتنين من الميه محمد قعد على الشط وكان سرحان جدا (مينا اخد موبايله وطلعه صور محمد صوره للناس يبين انو كويس ونزلها استورى عنده من غير ما يتكلم ولا يكتب عليها حاجه وتنهد وراح قعد جمب محمد تانى محمد قام نزل الميه تانى ومينا تنهد وساب الموبايل مع ليث ونزل وراء محمد وفضل معاه كل ما يروح مكان يفضل معاه.،، ومحمد مرتاح ومطمن بوجود مينا جمبه
~~~~~~~~~~~~~~~~~~~~~~~~~~~~~~~~~~~~~~~~~
بالليل بعد ما السمسار سلم الشباب الشقه دخلو الشقه وكان باين عليهم القلق
محمد: ليث هو مش هيحصل معانا الى حصل تانى صح
ليث: لا ان شاء الله مش هيحصل
مصطفى: محمد الشقه كان فيها ناس ولسه ماشين منها دلوقتى متقلقش
مينا: تعالا ارتاح يامحمد على ما احمد ومحمود يجو نتعشى مع بعض
محمد:(بص لمينا بتعب) لا تعالا اقعد معايا على ادخل الحمام وانام
مينا: مافيش نوم من غير عشا
محمد: انا مصدع قوى ومعدتى مقلوبه مش هعرف اكل
ليث: انت مأكلتش من امبارح بالليل مينفعش كده اكيد الصداع ده من قله الاكل
محمد: مش جعان لم اصحى هاكل (وسابها ودخل الاوضه)
ليث: ادخل افضل معاه يامينا علشان حاسه مش كويس
مينا: ماشي (لسه مينا بيلف علشان يدخل لاخوه سمعو صوت ترجيع جريو التلاته على اوضه الى دخل فيها محمد ،، دخلو لقوه ييرجع
ليث: ايه يامحمد ماالك(محمد بصلهم ورجع يرجع تانى (شويه ومحمد هدا وقعد معاهم على السرير وقعدو يطمنو عليه مافيش دقائق ومحمد جرى على الحمام يرجع تانى
مينا: وبعدين ياليث هنعمل ايه
ليث: من الخوف يامينا الى عاشوه
مينا: ربنا يستر بقا والسخونيه الى جاتله على الشط دى مترجعش تانى (طلع محمد من الحمام ماسك باطنه
ليث: مالك يا محمد
محمد: بطنى بتتقطع وجسمى كله بيوجعنى
ليث:(مسك ايد محمد وبسرعة حط ايده على وش محمد وبصله) تعالا نام على السرير واحنا معاك اهوه (محمد راح نام على السرير وقفل عينه مفتحهاش تانى (ليث بص لمصطفى) محمد سخن قووى
مينا: انا خايف من المناعه يكون لاقط برد ولا حاجه
ليث: رينا يستر (وبص بمصطفى) بما انك واخد قرص تمريض ايه العمل
مصطفى: انا خايف يكون جاله ضربه شمس
ليث: طب يعنى هنعمل ايه لو حاتله
مصطفى: هنزل اجبله حقنه خافض ومسكن وحقنه للترجيع واجى
ليث:(بخوف) بسرعه بالله عليك (مينا قعد جمب محمد ومسك ايده بخوف وقلق ليث بص لمينا) هيبقى كويس
مينا: ان شاء الله
ليث:قوم هات ميه ساقعه وفوطه نظيفه نعمله كمدات
مينا:ماشي (مينا قام جاب الميه والفوطه ودخل قعد جمب محمد يعمله كمدات وباين على وشه الرعب والهوف على توأمه بعد شويه رجع احمد ومحمود دخلو الشقه
احمد: ليث ،، محمد
مينا:(فى الاوضه) هطلع ليهم علشان ميصحاش
ليث: ماشي
مينا:(طلع لاحمد ومحمود) ايه ياحمد وطى صوتك ده محمد نايم
احمد: نام ليه قبل ما يتعشى معانا
مينا: محمد تعبان ومصطفى نزل يجبله علاج
احمد:(بصدمه وخوف) ماله يامينا
مينا: سخن وبيرجع
محمود: اخد ضربه شمس اكيد
مينا: مصطفى خايف من كده
احمد: الخوف الاكبر يكون لاقط حاجه
مينا: ليث خايف من كده ،، طب هما فين
مينا:(شاور على اوضه) هنا (سمعو صوت ترجيع تانى دخلو الاوضه بسرعه لقو محمد صحى وليث واخده فى حضنه ومحمد مرجع على الارض
ليث: مينا كلم مصطفى شوفه اتاخر ليه
مينا:(وهو ماسك تليفونه بيكلم مصطفى) ماشي
احمد: ماله ياليث
ليث: مافيش ياحمد
محمد:(بتعب) بطنى بتوحعنى قوى
ليث: معلشي يامحمد مصطفى هيجيب علاج وهتبقى كويس
مينا:(دخل الاوضه) مصطفى طالع على السلم (ودخل جاب حاجه ونظف الارض كان مصطفى جيه
مصطفى: جبت اربع حقن هياخد كل اتنين فى واحد
ليث: مش كتير اربعه مره واحده
مصطفى: مسكن و2خافض وحاجه للترجيع
ليث: ماشي (وبص لمحمد) يلا قوم معايا كده
محمد: لا شوفلى حاجه تانيه انا مش قادر لحقن
ليث: ليه بس
محمد: مش عاوز ياليث حقن
ليث: دول الى هيجيبو من الاخر يلا بس (محمد تنهد وقعد على طرف السرير على ما مصطفى يجهز الحقن
مصطفى:(خلص الحقن) يلا يامحمد
محمد:(وقف قدام مصطفى ومسك ايد ليث علشان كان دايخ) خف ايدك يامصطفى بالله عليك (ومل ما مصكفى يقرب منه) استنى يامصطى استنى
مصطفى: كده الحقن هتبوظ
محمد: جسمى وجعنى قوى
مصطفى:معلشي اهدا بس وبأذن الله مش هتحس بيها
محمد:طب خف ايدك
مصطفى: ماشي (ليث تملك منه اكتر وبدأ يدخل اول حقنه) بسم الله
محمد:(بوجع) اااه اخلص يابنى مش طايق ايدك
مصطفى:(شال الحقنه ودلك مكانها) خلاص والله (ولسه هيدخل السن التانى
محمد: لا يامصطى مش فى نفس المكان رجلى وقفت
مصطفى:ماشي (ولسه هيدخل السن)
محمد:لا مش قادر مش عاوز تانر سبنى ياليث بقا
ليث:اول مره تعاند قوى كده فى علاج ايه فى ايه
محمد:تعبان ياليث مش قادر والله
ليث:وانت هتخف ازاى من غير علاج
محمد:طب بلاش فى نفس المكان
مصطفى:حاضر يامحمد (وبص لليث وشاورله بمعمى انو يتملك منه اكتر ليث تملك من محمد اكتر ،، مصطفى بدا يدخل السن واول ما بدا يضرل العلاج محمد جسمه كله اتنفض مينا قام بسرعه ومسك محمد مع ليث
محمد:(بتعب) ااااه اااه شيلها يامصطفى اااه دى تقيله قوووى
مصطفى: خلاص خلصت (وشال السن ودلك مكانها محمد قعد على السرير ولسه ماسك فى ليث دموعه نزلت غصب عنه بعد شويه هدا
ليث:(حط ايده على وش محمد) السخونيه بتنزل
محمود: كده هيهدا
مصطفى: بأذن الله
ليث:(قعد جمب محمد) هتنام
محمد: اه
مينا: طب قوم كل سندوتش ونام
محمد: مش قادر يامينا
ليث: خلاص لم يصحى تكون العلاج اشتغل ياكل باذن الله نام يامحمد يلا (محمد نام على السرير وغمض عينه وسكتو كلهم شويه ومحمد نام (اتنقلو على سرير مينا علشان ميسبوش محمد لوحدو ويفضلو جمب بعض لانهم قلقانين يحصل الى حصل فى الشقه التانيه كل واحد اكل لقمه صغيره وكل واحد نام احمد ومينا جمب بعض ومصكفى ومحمود جمب بعض وليث قعد جمب محمد على السرير بتاعه
مينا: ليث تعالى نام وانا هنام جمب محمد
ليث: لا يامينا نام انت انا هنام هنا علشان لو تعب تانى
مينا: انا قلقان عليه قوى
ليث: مافيش حاجه وهيصحى كويس بأذن الله نام بقا علشان ميصحاش مينا تنهد وسكت شويه والكل راح فى النوم وليث نام جمب محمد
~~~~~~~~~~~~~~~~~~~~~~~~~~~~~~~~~~~~~~~~~
بعد يومين فى بيت سعد الباب خبط ودخلت رنا تفتح فتحت وبصت بصدمه
رنا: ماما ماما اخواتى جم
ناديه:(طلعت بسرعه وبصتلهم بصدمه وبصرخه) ينهار اسود فى ايه
ياترى فى ايه لو حابين تعرفو استنو البارت الى جاى
