دموع على ورق (مذكرة رقم 3)
"البارت الثامن عشر "
ومن صارت صدك ردتك ولو حاجوز
وغصب عذرك قبلته تخاف تتعور
وعاونتك علي من شفت عذرك خاب
قنعت النفس كتلها يتغير
لا گصرك طول لا فاض بيك الطيب
لا شمسك علت والراكدتبخر
لا مدك وصل والعين شافت نور
لاكسرك جبر لا لغزك تفسر
كدامك طحت ماشفت وجهك كام
هاك ابسط مثال وشوف وتصور
ولك خشبة بطبر فرگست چف حطاب
من شافت حطب كدامها اتطبر..
*******************
امي فتحتلة الباب واني اباوعلة مصدومة
شلون هيج صار بي ،ضليت اخاف ،خاف
يصير اله شي واني توني رجعت اتعود عليه
كلبي گام ينغزني واني اخاف من نغزاته
حطيت ايدي على كلبي واتمتم يا ربي سترك
نهى : اخذوه الجيران بسيارتهم فقد حتى
وكفة ميكدر يوكف
دينا : ماما هسة شنو يعني مات ؟
نهى : اسم الله شنو مات بيمن مفاولته
دينا : مادري مو اختنك ووكع من طوله
نهى : اي خطية مدري شجاه ان شاء الله
مابي شي
ضلينا للمغرب اني وماما ندعي ونفتر
بالطرمة منتظرينهم يرجعون
نهى : اذن امشي نفوت نصلي وندعيله
دخلنا صلينا وصدك تونة خلصنا صلاة
وانفتح الباب اجو ثنيناتهم والحمد لله
واكف على طوله يمشي مابيه شي بس وجهه
تعبان
نهى : ها الحمد لله على السلامة خوفتنا
عليك ابو سرمد
جاوبها بتعب
نبيل : الله يسلمج الحمد لله ماكو شي
كاظم : غير طلع مختنك من البخور مالج
نهى : يا شعلية اني؟
كاظم : غير طلع عنده ربو والبخور قوي
مالج وما اتحمل واختنك
قاطعهم بابا من اشرلي اجي يمه ،رحت
كعدت بصفه بالي يمه وخايفة عليه بس
اكو شي بداخلي متردد ومستحي يطلع
مشاعري تجاهه
باس راسي وضل يمسد على ظهري
نهى : من شوكت بيك ربو مادري بيك والله
أنت تقرأ
دموع على ورق (مذكرة رقم 3)
Romanceوالجرارة الثانية فتحتها وشفت ثلاث مذكرات وحدة فوك الثانية ،كل وحدة بلون ،حطيتهن كبالي على الميز وتلمستهن بأصابعي كل وحدة مخطوط عليها أسمها بقلم خط أسود مذكرة رقم 1 بداية الألم، مذكرة رقم 2 بداية الأمل ،مذكرة رقم 3 نقطة الرجوع .. *دموع على ورق (مذكر...
