#وتَـر الهـامـش
الڪاتبة :- وفاء 🧡
لتنسون التصويت + التعليق بين الفقرات + متابعة
لحسابي 🌼.
• ـــــــــــــــــــــ(♣)ـــــــــــــــــــــــ •
فزيت من صفنتي عله صوت صراخ رج البيت رج طفرت من الجربايه طلعت وسويت الدرج بايتين واشوف مَـريم واكعه والدم ماليها وامي وتبجي وتلطم يم رأسها هنا حسيت الدنيا افترت بيه بقيت واكفه بمكاني مامستوعبه الي صار باختي فزيت على امي تصرخ
امي:- جعـل شجرالـج امشيي
طلعت الشارع اصرخ وابجي وكفت سياره
:- يممه اختي ررراح تمموتت فددوه اخذنا للمستشفى
نزل :- يله عادي روحي جيبيه بسرعه
ركضت للبيت سندته عليه وامي وياي بلكوا احركه ماكدر صعدناها الولد كالي اني اشيلها مقبلت لو تعرف تموتني كتل امي صعـد كدام واني وره وراس مَـريم بحضني وابجي واشهك مركوعه عله راسها خشمهه يجري وراسها وصلنه للمستشفى دخلنها على الطوارئ وكفت بالباب سانده امي ونشهك وامي بالكوه تجر النفس كعدتهه على الكرسي ورحت للكافتريا جبت بطلين ماي ودموعي
ماوكفت كله تباوع مستغربه يول شجرالـكم غير الي بالمستشفى يبجي عنده مريض وصلت لامي كاعده وتبجي فتحت المي وانطيته الهه شربت شويه واني ريجي يابس من البجي والرجفه الي بيه ماجاي اسيطر عليها طلعت ننتضر احد يطلع ماكو وامي تعبت من البجي ساعتين منتضرين طلعت الدكتوره ركضت الها روحي رايحه ورجليه ماكدر امشي
عليهن الي عرفته منها اني مخيطين الجرح الي براسها مضروبه ضربه قويه عله رأسها وماقبلت احد يدخل الي لمن تكعد
مَـريم :
رحت للمستشفى اليوم مزاجي مخربط ماعرف شبيه وصلنه السايق وراح وكال عندي شغل وماكدر ارجعكم تعذروني والله ياالله بحالك اني وكل يوم طالعلك شغله اكو يوم مريحني دخلت للمستشفى ونـاي تدرم على راسي شبيج وشكو اليوم، مليت ونترت بيه
:- عجل اسمعي اذا ما تسكتين انطيج راجدي
اخرب خلقتج
:- مو صوجج والله اني اسئل عنج
عاينتلـهة :- عجل منو كالج تسئلين عني
فرت ايده ماعاجبه وهمست:-اليوم الخبالات طابگات
ماحجيت شي دخلت لغرفه الاستراحة علكت جنطتي ولبست الروب ضليت افتر ضوجه وطالعه الدنيا من عيني طلعت افتر بالممرات واتفقد الغرف ورجعت تحضرنة عدنه عمليه ولازم ننجح ويه ماجد الغثه كملنه العمليه ونجحت وبعدها حالته خطرة كمل دوامي
وطلعت حته بدون نـاي اتمشى وحدي والشمس تدك براسي ماهتميت ضليت امشي وصلت للبيت حسيت بدوخه ونفسي تلعب وصرت بلكوا اجر النفس دخلت للباب سديته ماصيطرت عله نفسي وكعت عله باب الصاله نضربت براسي هنا حسيت الدنيا اسودت بوجهي وغبت عن وعيي
ESTÁS LEYENDO
وتَـر الهـامـش
ChickLitوبـين ثنايا الظلام نغـوص معڪم بأحدى الروايات من أنا أنا الآن اقـف وحيـدة بـين ثَـنايا الماضـي وألم الـحاضࢪ أقـف ولا أعـلم أيـن هي وجيـهتي بـين سَـواد قاتـمُ يـحاوطني مـن ڪل مڪان واصـوات النبـاح التي بـاتت تقـترب شـيئاً فـ شيـئاً وبـرودة الـجو...
