هُـࢪوب ( داعش )

البارت 12

#هـُروب ( داعش )

سيدرا محمد "

قرآءه ممتعه گليباتي 🫶🥹

♤♤♤♤♤♤♤♤♤♤♤♤♤♤♤

:- عزااا أنتِ شدتحجين شنوو شغل ؟؟ شمس تخبلتيي ؟؟

-: معليج فهمينيي شلووون اروح لأبويه ؟؟
هاا ؟ اروح أجدي من الناس حتى احصل فلوس وارجع للمنصور ؟؟

:- لعد شلون منين تشوفين شغل ؟

-: لتدخلين عليج بالنهايه

عفتها وطلعت خارج الامام
ضليت امشي بحدود النص ساعه
شفت .. لوحه مكتوب بيهاا ..

" مرطبات الرياحين "
مشيت بأتجاههه بلكت يقبلوني حتى لو يوم واحد

لگيت هوايه عوائل وسيارات عاليه ..
نظراتهم اليه كائن نازل من كوكب زحل ..

تخطيتهم ورحتلهم
شفت شاب .. أردفت :- السلام عليكم أخويه ؟

:- أهلاً وسهلاً تفضلي !

-: اخويه أني محتاجه شغل تقبلوني يمكم ولو يوم واحد

:- لا والله ممحتاجين موظفه نعتذر منج

نزلت راسي بخيبه امل ردت اطلع
أردف :- تگدرين تشتغلين تنظفين المحل ؟

هزيت راسي بقبول
مگدرت ارفض لان فعلاً جنت محتاجه الفلوس

:- بالليوم انطيج 10 الالف بس تنظيف الارضيه

-: زين والطاولات أگدر انظفهن ؟

:- اذا نظفتيهن معناها انطيج 15 ؟

-: اي عادي براحتك .. يمتى أبلش بالشغل

:- تگدرين من باجر ؟

-: تمام الساعه بيش اجي

:- المرطبات تنغلق بـ 1 بالليل

صفنت عليه شلون أجي انظفه بهيج وقت

-: اخي شلون أكدر انظف واجيك بهيج وقت والدنيا ليل

:- تگدرين تجين الساعه بـ 8 الصبح قبل ليجون الناس تنظفي وانطيج اليوميه

اخذت نفس براحه وجاوبته :- تمام أستاذ تسلم

عفته وطلعت دخيلج يأام البنين مقصرتي
هم وأنزاح من گلبي

ضليت أمشي ووصلت ..

رجعت دخلت وهم تفتيش وكذاا

طبيت للامام لگيت عَ نفس الكعده كاعده
والله خطيه هاي البنيه ..