نار الفهد

أعلان ، توضيح

أولاً بعد غياب دام أكثر من ثلاث أشهر

أشتياق أشتياق حرفياً، من زمان عنكم ومن زمان عن الكِتابة، وأخيراً وبعد اصرار من مُتابعين رواية "عالمي المُختلف"  أنُ يكون ألها تكمله أجيتكم بجزء جميل جداً بكل ماتعنيهِ الكلمة أجيتكم اليوم بجزء شگاگي يَخُص الابطال قبل وبعد شصار بحياتهم هذا الجزءِ غريب مُمكن شوية بس جميل بنفس الاوانَ، غموض  ،  حُب  ، حيرة  ،  حسد  ،  جزع  ،  عِجز ،   كُلشي موجود بهايَ الرواية حقيقة منقولة من أصحابَ الرواية بلحرف الواحد مابيها حرف واحد كذب  ،  راح تحبوها بس تقروها

ـــــــــــــــــــــــــــــــــــــــــــــــــــــــــــــــ

مَشهد 

::-يعني هاهيَ أنتهى؟

::-مجبور

بعصبية ورجفة أيد::-لا لا مامجبور انتَ بعمرك ماحبيتني ولاردتني انتَ ماتحبني ثقيت بيك وعفت اهلي علمودك وعفت ناسي وعفت كُلشي بلأخير تعوفني هيج وشنو تكول مجبور؟؟؟؟؟؟ هنتتت عليك انا هيج مايهمك؟؟؟؟

-اصرخ وابجي بهستيرية ما اعرف شنو اسوي وشنو لازم اكول تعبت حيل كعدت بلكاع ولميت رجليه لصدري واباوعله كاعد ومنتجي على الحايط منزل رجل للكاع ورجل مبقيها وحاط ايده عليها وبيها جكاره باوعتله بنظره كلها  ، كُره وحقد ، وألم

::-چا انا أنطيتك عيوني علمود تشوف غيري بيهن؟

-گمت من يمه وانا كُره الدُنيا كله اتجمع بداخلي ما أعرف وين اروح مكان مفتوح چول الجو بي نسمه بروده وحافية امشي وين ما ادري المهم اكون بعيده عنه

امشي وطبت برجلي ما ادري شنو بس بقيت مَستمره أمشي ما اريد ارجع ملابسي مشگگه وحالي ما ادري شنو من حال

وقفني صوت رجال وهوَ يگول بنبرة هادئة ولطيفه

::-أختي متيهة؟

-درت علي وانا اشوفه رجال مو ضخم كلش، ماشفت وجهه زين ضلمه بس عنده لحية مبينه، كتله وانا ادير وجهي عنه

::-شُكراً مابيه شيء اني عوفني بحالي

-احس بي يمشي وراي ويكول بهمس

::-ديري بالج من هايَ المنطقة مهجورة مابيها سُكان هواي والظاهر أنتِ مو منا لأن حجيچ حچي بغدادي وهنا بـ *****

::-شعليكككك شعليك وخر عني شكو لاحگني

::-اسم الله شبيج خوية منا ماكو طريق چول چول هذا تعاي اخذج يمي اني امان

::-وخر عني ما اريد شكراً رحم الله والديك

::-صچيچة ضلي هنا بلچول هسَ يجون ذوله الـ *** يطلعونج من ****

-عافني وراح وانا اسمع اصوات مال أچلاب وانا طگيتها ركضه ورا صح ما اثق بي وغريب بس شسوي سلمت أمري بيد الله ورحت ويا

-مشينا مسافة كُلش چبيرة وانا اخاف منة ومن المُكان الموجودة بيك، الله لايطيك وين ذبيتني

-سمعنا صوت سيارات ورانا سحبني بسرعة وختلنا بمكان يم شجر صار قريب مني حيل وانا دفعته وردت اصرخ حط ايده على حلگي ويأشر بأصبعه ويهمس

::-اششش اششش صوتچ ذوله *** اذا تردين تعيشين أسكتي

-وينننن وينن انا وين؟ شجابني يالله دخيلك

ـــــــــــــــــــــــــــــــــــــــــــــــــــــــــــــــ

بخصوص التنزيل حَسب التفاعل اذا چان حلو ويسوي واهس أنزل ثلاث او اربع مرات بلأسبوع واذا ماجان حلو انزل مره بلأسبوع

بقلمي انا::-الثُريا