جنون تخطي الحدود

1- بـدايـة جـديـده

بسم الله نبدأ بقى اول بارت وقولو رايكم فيه
صلي على خير خلق الله 💙
بعد 5 سنين
كانت تجلس تلك صاحبه الشعر الأشقر وهي مغمضه عيونها تستمتع بنسمات الهواء التي تداعب شعرها شعرت به يحتضنها من الخلف ابتسمت ولفتله بعشق شديد يفيض من عيونها وقالت بمرح
'' صباح الخير يا ابو علي ''
حسن كشر: لا بلاش ابو علي دي البنات هما اللي بيقولوها
حياه بمكر: اومال اقولك ايه
ضرب دماغها بدماغه بخفه: أنتي عارفه انا عايز ايه
حياه لفت كلها ودخلت في حضنه
'' صباح الجمال علي عيونك اللي بتنور ده يا حبيبي''
حسن: متبقيش تقعدي مع البنات تاني عدوكي
حياه بسخريه: ومين هيشوف البنات دلوقتي الشباب في مهمه بقالهم 4 شهور فيها ولسه راجعين امبارح فكرك هما هيخرجوهم من البيت غير بعد شهر مش بعيد يبعتولنا عيالهم كمان
حسن بضحك: عيالهم مجانين اوي مش بيقعدوا في مكان الا ويعملوا مصيبه دول اسود منهم والله
حياه بضحك: اومال ايه متخافش من المجانين وخاف من خلفهم
حياه سكتت اول ما افتكرت حاجه
حسن: عارف سكتي ليه بس محصلش حاجه لحد دلوقتي
حياه: ما هو ده اللي انا خايفه منه اني محصلش حاجه روبرت مش بيتكلم من فراغ المشكله اننا منعرفش عدونا فين ولا مين
حسن: خليها للايام وهما مش ضعاف بالعكس طول ما هما مع بعض هيبقوا أقوياء ببعض
حياه: معاك حق يا حسن احنا ما صدقنا أنهم قدروا يتعالجوا
            ~~~~~~~~~~~~~~~~
في فيلا جميله جدا خرج هذا صاحب العيون الرمادية من الحمام ونظر لتلك النائمه على بطنها على السرير يغطي نصفها لحاف صغير وشعرها الأحمر يغطي نصفها الآخر ابتسم بعشق وجلس على السرير
شمس: قومي كفايه نوم
شمس همهمت بضيق وودت وشها الناحيه التانيه
سيف: ده على اساس اني كده هسيبك تنامي قومي بقى
شمس بنعاس: عايز ايه يا سيف انا عايزه انام انت مسبتنيش انام الليل كله
سيف: ما انتي بقالك 4 شهور نايمه جات على ليله امبارح
شمس بسخريه: يا ريتها  تيجي على ليله واحده بس
سيف: طب ما انا بقالى 4 شهور بعيد عنك المفروض اعوضهم بفكر نسافر علشان انتي وحشتيني اوي ومش عايز ازعاج
شمس بصتله للحظات وبعدها شدت الغطاء على وشها وسيف ضحك عليها
'' ايه يا روحي انتي مكسوفه ''
شمس: اطلع برا يا سيف وكفاية قله ادب
سيف شد الغطاء وهي اتمسكت به فقال بمكر '' ملهوش لازمه على فكره انا شوفت كل حاجه من زمان ''
شمس ضربته بخجل/ بس بقى
سيف جثي فوقها وقال: لسه بتتكسفي مع اني فات 5 سنين على جوازنا
شمس ضحكت: والله اتضح انك بتعمل معجزات يا وحش
سيف: والله انتي اللي جننتي الوحش معاكي
ولسه هيقرب منها الباب خبط وسمعوا صوت آسيا مفسده اللحظات السعيدة
'' يا جدعان يا اللي جوا انا جعانه والساعه بقيت 11 ايه مش هتقوموا ولا حاجه ايه يا وحش ارحم البونيه شويه ''
شمس بسخريه: بنتك وقحه زيك
سيف: زي انا برضو أنتي مش فاكره نفسك زمان يا شيطان ولا ايه
اسيا بصوت عالي: طب ايه طيب راعوا اني سنجول هنا ومش لاقيه حل يعبرني
شمس ضحكت على ملامح سيف لأنها عارف بيفكر في ايه
'' ايه يا سيف انتي ليه بتتضايق كل ما تفتكر''
سيف بغيظ: بقى الحيوان قبل ما يسافر يقولي خلي بالك من مراتي يا سيف لحد ما ارجع البجح بيقولي بنتك ليا واللي هيقرب منها يعتبر نفسه ميت
شمس: يا حبيبي آسيا لسه 10 سنين
سيف: انا واخد بالي انها 10 سنين ولسه طفله هو بقى اللى مش راضي يفهم لا بالذوق ولا حتى بالعافيه انا اللي كنت  بعمله في ابوكي هيتردلي في الحيوان ده
شمس ضحكت عارفه اني العلاقة ما بين مصطفى وسيف زي البنزين والنار وخصوصا بعد الكلام اللي قاله مصطفى لسيف قبل ما يسافر انجلترا علشان تدريباته فهو بعد اللحاح شديد وافقوا يدخل المخابرات العالميه
سيف قرب منها ولسه هيبوسها سمع الأتنين صوت خبطه جامده من برا سيف وقف بعصبيه
'' ليلتك سوداء النهارده يا اسيا''
شمس قامت ولبست اول حاجة قابلتها وخرجت بسرعه وشافت سيف مشعلق آسيا وهي بتتحرك بعصبيه
'' نزلني يا أبا هو فيه حد يعمل في ضناه كده''
سيف بغيظ: بتخبطي من الصبح ومفتحناش تقومي تخبطي الباب الخبطه الهبله دي انتي مش بتعقلي ليه
آسيا: طب ما انا زهقت وانا اصلا ملحقتش اقعد معاك وانت مستفرد بالمزه دي اكلم الحيطان مثلا
شمس بضحك: خلاص يا سيف نزلها
آسيا: يا نصراني دايما من الراجل المفتري ده
سيف: مفتري أدى أخرت تربيته السوداء الله ياخدك يا مصطفى الكلب
شمس نزلت آسيا وآسيا قالت: متدعيش عليه إذا سمحت ده جوزي المستقبلي
سيف بتشجنج: جوزك مره واحده بس يجي وربنا لاديه علقه
شمس وآسيا في نفس الوقت: طب ابقى اعملها كده
سيف مسك عصايه وقال: ما انا هعملها بس بعد ما اربيكم الأول
آسيا جريت بسرعه: أجري يا شمس بسرعه
شمس جريت: أجرى انتي لو مسكك مش هيرحمك
اسيا وشمس جريوا على السلم لفوق ودخلوا الاوضه وقفلوا الباب وقال سيف
'' هتفضلوا جوا كتير هتخرجوا وربنا لاربيكم انتوا الاتنين ''
آسيا: يا حرام بابا اتجنن يا شمس
شمس: اه فعلا بفكر احجزله عند دكتور
آسيا: بس خليها في سريه علشان سمعته بس
           ~~~~~~~~~~~~~~~~
في فيلا أخرى بجانبهم كانت تستكين هي باحضانه وهي يحرك يده في شعرها بهدوء شعروا بصوت عالي في الأسفل
عدي: هو فيه ايه؟؟!!
ديانا قامت بضيق: فيه اني بنتك بتعمل مصيبه تحت
عدي وديانا نزلوا المطبخ وشافوا طيف صاحبه 5 سنوات وهي تجلس على الرخامه وامامها قالب كيك كبير أو بقايه كيك ووجها ملئ بالكيك بصتلهم ولملامحهم المصدومه ورجعت تكمل عادي
'' عادهً الناس على الصبح تقول صباح الخير بس عادي هقولها انا صباح الخير''
ديانا ابتسمت ابتسامه مخيفه: ده الكيك اللي جبته امبارح صح
طيف: ايه يا دودو هو مش باين اوي كده
عدي مسك ديانا بسرعه قبل ما تنقض على طيف وهي بتصرخ
'' سيبني الحيوانه بتقولها في وشي خلصت الكيك اللي لسه حتى مدوقتش منه ''
عدي/ خلاص يا حبيبتي هجيبلك واحد غيره
طيف: ايه يا ماما هي دي كلمه مطرح ما يسري يمري
ديانا فلتت من عدي ومسكت شبشبها
'' لا غيروا القانون يا روح امك ''
طيف نطت بسرعه وطلعت تجري: يا لهوي الحقني يا عدي
عدي: عدي حاف كده من غير بابا
طيف بصراخ وهي بتحاول تجري من ديانا
"يا عم الحج الحقني الأول وبعدين نبقى نتفق على اسم معين"
عدي قرب من ديانا وشالها: خلاص يا حبيبتي دي برضو بنتنا
ديانا بغيظ: دي غلطه وربنا غلطه
طيف بصدمه مصطنعه: لاحظي اني كلامك جارح
ديانا: سيبني عليها رفعتلي ضغطي
طيف: بلاش يا دودي عشان ما اقولش للحج حصل ايه من وراه
عدي: حصل ايه
ديانا بخوف: بت اسكتي
عدي: ديانا حصل ايه
طيف: اقولك انا يا والدي العزيز من اسبوع كده وإحنا في النادي جيه واحد طول بعرض يهد الأرض وقرب من الوليه امي وقال ايه ممكن نتعرف أمي تسكت لا تشاور عليا وتقول ودي مش مالي عينك على أساس إنه يفهم اننا بنتها بس شكله كده رضع مع حمار وقال كده بابتسامه من الودن دي للودن دي اختك الصغيره مش كده اسكت انا لا ازاي روحت قولتله انا بنتها هو يسكت لا شكل رضع مع جاموسه مش حمار راح قالي ايه مستعد اعتبرها بنتي على أساس انك موت شوفت بقى
عدي بهدوء مخيف: اسمه ايه روميو ده
ديانا بقلق فغيره عدي أصبحت ناريه أكثر من الاول
'' والله يا عدي ما سكت وبعدين ده سوء تفاهم''
عدي بغضب: اسمه ايه
ديانا وهي تكاد تبكي: اسمه رائد المنوفي
عدي ركب غير هدومه ونزل وخرج برا الفيلا وقالت طيف
'' تفتكري الراجل هيطلع عايش ''
ديانا: من تحت ايد التمساح لا معتقدش
طيف: حرام هيصعب عليا هو اه كان غبي بس برضو هيصعب عليا
           ~~~~~~~~~~~~~~~~
في قصر المسيري
كانت جين واقفه وماسكه عصايه المقشه وقدامها أنس وغيث متزنبين
'' ها محدش هيعترف ويقول مين اللي اكل الايس كريم ''
غيث بهمس: ما تقول يا انس انك انت اللي اكلته احنا بقالنا نص ساعة واقفين
أنس: وانا مالي انا لو اتكلمت هقول ان احنا الأتنين يا نعيش احنا الاتنين يا نموت احنا الاتنين
اتنفضوا على صوت جين وهي بتقول
'' قسما بربي لو ما نطقتوا مش هعمل بشاميل لشهرين لقدام ''
أنس وغيث شاوروا على بعض وقالوا في صوت واحد
'' هو اللي أكله ''
جين: اااه يعني انتوا الاتنين طيب تعالوا بقى
جين ربطتهم في الشجره في الجنينه وقالت
'' يا انا يا انتوا في للبيت ده ''
سليم من وراها فيه ايه
جين لفتله: فيه عدم تربيه أكلوا الايس كريم كله
أنس: يا سليم بالله من نزلنا
غيث: يرضيك يا سولي هيبتنا راحت في الأرض
سليم حضن جين وقال: خلاص يا روحي هجيبلك غيره اهدي انتي
جين بتذمر: ده كان طعمه حلوة اوي ومفيش منه كتير النوع ده
سليم: هجيبه برضو
جين: بجد
سليم: علشان خاطر عيونك يا زتونتي
أنس: ابوك ثبتها بكلمتين
غيث: عجبا على الستات دول والله بيتثبتوا بسرعه
سليم بصلهم: بسرعه ده ايه ده انا طلع عين اللي جابوني علشان ترضى عني هو انتوا شوفتوا حاجه
جين رفعت حواجبها: بقى كده يا سليم طب اوعي كده وسع مفيش فطار
جين سابتهم ودخلت بتذمر وقال غيث بصوت عالي
'' طب احنا ذنبنا ايه طيب انا عايز افطر ''
انس: لازم يعني تقولها قدامنا طب كنت قول من وراها احنا مش هناكل لأسبوع لقدام مش هتيجي على الفطار بس
سليم: تصدقوا حلال فيكم التعليقه دي خليكم كده
أنس: لا لا لا بالله عليك نزلنا هنسيح على كده
غيث بص لانس: أدى أخرت بطنك المخرومه يا انس ادينا متشعلقين ومش هنلاقي حد ينزلنا حتى جدك سافر من اسبوع
أنس: ده على اساس اني اكلت لوحدي
           ~~~~~~~~~~~~~~~~
في قصر عيله الرفاعي يحيى كان سافر أمريكا علشان يدرس الطب النفسي وصفا وحسين سافروا معاه نروح بقى لاوضه فهد ورسيل
فهد قامت وبص جنبه ملقيش رسيل نزل لتحت ودخل المطبخ لأنه عارف انها وابنه جوا وفعلا صدق حدسه لما شافهم قاعدين على الأرض وقدامهم علبه نوتيلا كبيره اوي وفارس ابنه قرب يدخل جواها ووشه بقى شوكلاته ورسيل مش اقل منه خدودها كلها شوكلاته
'' دلوقتي بس عرفت ليه اكتر حاجه بتخلص بسرعه هي الشوكلاته ''
رسيل وفارس بصوله بنفس عيونهم العسلي ووشهم اللي كله شوكلاته فقال بضحك
'' انتوا لما تأكله شوكلاته مش بعرف افرق ما بينكم ''
رسيل: قصدك ايه بقى
فهد قرب منها واخد منديل وبدأ يمسح وشها
'' قصدي اني عندي طفلين مش واحد ''
فهد باس خدها وهي ضربته على كتفه
'' عيب يآ فهد فارس موجود ''
فهد قرب من شفايفها وقال: مشغول بالنوتيلا دلوقتي
فارس: عيب يا فهودي اوضتك موجود الحاجات دي مش بتتعمل في المطبخ
فهد بصله بغيظ: هو انت لازم تتكلم قبل ما ابوس كنتي استنا بعدها
رسيل ضربته في كتفه وقامت خرجت وقال فارس
'' اديها زعلت شوف بقى هتصالحها ازاي ''
فهد رفع من هدومه من على الأرض: أنتي يالاه بلوه متنقله انا مش فاهم انت طفل بعقل حيه
فارس: الله نزلني يا حج يا رسيل الحقيني جوزك هيقتلني
رسيل بصتله: بالتفكير في الموضوع مكانش المفروض نسيب العيال لمصطفى كتير
فارس بتأثر: درش وهو فين دلوقتي بقاله سنتين محدش شافه هو مش بياخد اجازه ولا ايه
فهد بضحك: احسن خليه هناك علشان لو جيه سيف هيقتله قدر يهرب منه المره إللي فاتت بالعافيه
فارس ببراءه مصطنعة: بقولك ايه يا أبا هو انا ليه معنديش اخوات
فهد فهم ابنه عايز ايه: انت عايز اخوات
فارس بغمزه: انت ايه رايك
رسيل مسكت الشبشب: انا رأي انكم انتوا الاتنين عايزين تضربوا
فهد بضحك: ليه بس ده انا حتى نفسي في بنوته شبهك ولا اقولك تجيب اتنين واحده شبهي وواحده شبهك
رسيل بصتلهم لثواني وبعدين قالت: تعرفوا انا عندي فكره احسن
فارس بغباء: ايه تجيبوا 3
رسيل مسكت السكينه من على طبق الفاكهه وقالت
'' لا ادبحكم انتوا الاتنين أسهل ''
فارس طلعوا يجرى لفوق: لا افتكرت انا ورايا مذاكره ازاي نسيت مس علا هتنفخني
رسيل بصوت عالي: ابقى فكرني اخلي المس علا تكسرك بالمره
فهد حضن رسيل وقال: مالك بس يا روحي متعصبه كده ليه
رسيل: ابنك ده مترباش وانت قليل الادب والبيت ده اصلا بيت مجانين
فهد شالها وقال: طب بقولك ايه مش نفسك بجد في بيبي
رسيل: لا مش عايزه مش كفايه ابنك ده عليا وانت كمان
فهد: بس انا عايز
           ~~~~~~~~~~~~~~~~
في قصر عائله الشناوي
هناك اخبار ساره عندهم تزوج زين هنا بعد معاناه وسافروا للاستقرار بفرنسا وكان معهم طارق وترك مازن برعايه شغف لتعلقه بها بشده اما زينه بقى ربنا رزقها واتجوزت من براء وسافرت معاه أمريكا نروح بقى جوا القصر كان فيه رجلين اطفال بتتسحب وراء بعضها لحد ما وقفت قدام المطبخ
رعد بقلق: ولاه يا مازن متأكد انهم نايمين شغف لو مسكتنا هنتنفخ
مازن: لا يا عم نايمين قولتلك يلا
رعد ومازن دخلوا المطبخ وفتحوا بوقهم من اللي قاعده قدام التلاجه وحاطه على رجلها طبق إسباجيتي 🍝
مازن: شوفت اهي شغف بنفسها جوا التلاجه
شغف سمعت صوتهم وقالت بهمس: بس يلاه منكم ليه ده انا صدقت ما عرفت اهرب
رعد: ليه هو الحج مانعك تخرجي زي المره اللي فاتت
شغف بسخريه: وحياتك المره دي شكلها هتبقي أسوء من اللي فاتت
رعد ومازن: طب افسحي كده شويه عايز اكل انا كمان
شغف: تعالى يا اخويا انت وهو
           .....................................
خرج مالك من الحمام وملقيش شغف
'' كنت عارف أنك هتهربي''
مالك راح المطبخ عارف انها هتبقى هناك ولما دخل شاف شغف قاعده على كرسي قدام التلاجه وعلى يمينها رعد وعلى شمالها مازن كأنهم قاعدين قدام بوفيه
'' انتوا بتعملوا؟!؟! ''
رعد رفع ايديه وقال بصراخ: كبسه كبسه اتقفشنا ومالك هيشلوحنا
مازن: أيه الأوفر ده
شغف وهي بتاكل: ايه يا مالك جعان اعملك اكل
مازن: هو انتي مش خايفه
رعد بسخريه: وهتخاف من ايه ما هو مش هيعلمها حاجه اما احنا
مازن ورعد في نفس الصوت: ولاد البطه السوداء
شغف سحبت الشبشب وضربتهم هما الاتنين
'' بقى انا بطه سوداء يا جذمه منك ليه ''
مازن: أجرى يا رعد امك هتتحول
شغف جريت وراهم: اتحول ليه حد قالك اني مصاص دماء
رعد نط على الكنبه: اهدي يا منار مش كده
مازن: يا عم مالك شيل مراتك دي عنا بدال ما انت واقف بعضلاتك دي كده
شغف بصتله: وانت واقف كده ليه
مالك قرب منها وشالها: والله كنت مستني تخلصي علشان اعمل كده
رعد صفر: الله عليك يا مالك عايزين اخ 3 بقى
شغف بغيظ: ماشي يا رعد الكلب لما اعرف أفلت الأول ابقى اجي اربيك يا جذمه انتي والحمار التاني
مازن: الله وانا مالي هو انا فتحت بوقي
رعد: يلا يا ابني نكمل اكل
مازن: يلا يا اخويا
           ~~~~~~~~~~~~~~~~
في تركيا
وبالتحديد في قصر مراد كان يعم الهدوء لكن لحظه اي هدوء هذا به 3 توأم
مراد انتفض على صوت تكسير تحت
'' الولاد''
عشق همهمت بنعاس وهو بتشد كتفه تنام عليه
'' كويسين تلاقي المطبخ بس هو اللي اتكسر''
مراد بصلها بمكر: وانتي بتشدي دراعي ليه
عشق: علشان برتاح وأنا نايمه على كتفك
مراد اخدها في حضنه وابتسم بعشق عليها هل تظنون اني لم اتعب حتى احصل عليها مخطئين كنت أراها أمامي طوالي الوقت ولا استطيع ان اقترب منها وعندها خطفت وعادت وهي مدمره شعرت بقلبي هذا يكاد يقف من شده الألم عندما كانت تمزح مع اكمل ومعتز ورحيم كنت أشعر بنار داخلي اريد أخذها بين أحضاني حتى يعلم الجميع انها ملكي تعبت جدا حتى أصل لها لكن في النهاية هي الآن بين أحضاني كنت اتألم جدا عندما كنت اعتقد انها تعتبرني خالها مثل شمس وملك
شعر بها تدخل إلى حضنه أكثر ابتسم أكثر وضمها له وهو يتذكر كلامها
- تعرف يا مراد انا مش بحس بالأمان غير في حضنك انا مليش غيرك انتي ابويا وأخويا وحبيبي اوعي في يومي تسيبني يا مراد
مراد رفع وش عشق وهي همهمت بضيق وهو لم يترك لهآ فرصه لتتكلم وباسها بعمق وحنان وأيديه تضمها بقوه له
بعد عنها بعد كام دقيقه وهي كانت بتتنفس بعنف
'' انت كويس''
مراد حضنها ودفن وشه في رقبتها: كويس بس بتاكد انك في حضني دلوقتي
عشق ابتسمت بعشق شديد: انا في حضنك وبين ايديك برغم اني تعبانه وعايزه أنام بس بعشقك يا مرادي
مراد ضحك عليها هي دايما مش بتسيب فرصه الا وتفسد اللحظه
سمعوا صوت صراخ ولادهم تحت نزلوا بسرعه وشافوا غرام ماسكه شعر ريان ونازله فيه ضرب وريان بيصرخ في أحمد اللي قاعد بكل برود يتفرج عليهم
غرام: اعااااااااا وربنا لاقتلك يا ريان الكلب
ريان: يا احمد نزل القرده دي من على دماغي
أحمد: وانا مالي حدث قالك عصبها
مراد بصرامه: فيه ايه على الصبح
كلهم وقفوا بسرعه صف واحد جنب بعض بخوف مكانوش يعرفوا اني ابوهم رجع
مراد: ها بقى مين هيتكلم
الملك سكت وقال مراد: اتكلم يا احمد فيه ايه
أحمد: مفيش حاجه يا بابا هو بس الشوكولاته بتاعت غرام ريان أكلها بس كده
مراد: ليه أكلت شوكولاته اختك يا ريان
ريان: والله ما كنت اعرف إنها بتاعتها
مراد بص لغرام اللي بتبصله بنظرات تشبه القطط الصغيره وقال
'' متبصليش كده اوعي تضربي اخوكي تاني كده''
غرام: حاضر
عشق: بيخافوا منك انت وانا لأ
ريان: انتي عادي يا شوشو
عشق: طب وحيات شوشو دي ما انا سيباك
مراد مسكها بضحك: خلاص يا عشق وبعدين البركه في درش مفيش عيل واحد بيحترمنا
أحمد: حتى انا يا بابا
مراد: بصراحه ماعدا انت يا ابني
غرام: الواد ده جيه في العصابه غلط اصلا
ريان: شوفت هي اللي بتبدأ عود الكبريت دي
غرام: طب ليه يا صلاح هتزعل مني
ريان بتحدى: هاتي اخرك يا غرام
غرام طلعت تجري وراه: تعالى يا فتحيه يا اختي هربتي ليه
أحمد بصلهم ومسك كتابها ورجع يقرأ فيه
عشق شاروت لأحمد: بصراحه ابتديت اقتنع برأي بنتك الواد هيجلطني في يوم بهدوءه ده
أحمد بصلها: وهو بابا جلطك في يوم
مراد: انا اصلا يا ابني اتجننت من يوم ما عرفت امكم
عشق بصتله بغيظ: بقى كده يا مراد طب انا نازله مصر وابقى تمنعني بقى
عشق مشيت ومراد بص لولاده: عاجبكم كده
غرام: بصراحه يا والدي العزيز امي دي ست صعب التحكم فيها انت اتجوزتها ليه
مراد: بحبها بقى أعمل إيه
           ~~~~~~~~~~~~~~~~
في اسبانيا
صحيت ملك بضيق على لمسات على وشها وسمعت صوت مروان
'' ده كله نوم''
ملك بتذمر: نوم ايه هو انا لحقت انام اصلا كله بسببك
مروان بضحك: طب اعمل ايه يا زهرتي انتي كنتي وحشاني قوي
ملك: انا بحب اوي لما تقولي يا زهرتي
مروان: علشان انتي عيونك زي زهره البنفسج
ملك: طب ايه طيب بتبصلي كده ليه
مروان بخبث: مش نفسك في بيبي تاني
ملك بصتله وقالت بغيظ: قصدك تالت والبلوتين اللي تحت دول انا كل اللي عملته في يوسف بيطلع عليا فيهم
مروان ضحك عليها يعلم إن أطفاله اشقياء جدا ويصيبوها بالجنون لكن احيانا تقود هي الجنون معهم ليصاب هوا وقتها بجلطه
سمعوا صوت عراكهم برا فقامت بعنف ومسكت شبشبها وجريت وراهم
'' يا جذمه منك ليها لازم كل يوم اصحى على خناقه''
عمار ولين جريوا بسرعه: يا جدو الحقنا
مروان مسك ملك بعنف وهي بصتله وشافت ملامح لا تدل على الخير ابدا
'' فـ فيه ايه يا مروان''
مروان: ادخلي الاوضه حالا يا ملك انتي واخده بالك انتي لابسه ايه
ملك بصت بنفسها وكانت لابسه تيشيرت  مروان وكان قصير اوي
'' وربنا ما اخدت بالي وبعدين هو فيه حد هنا''
مروان: وابويا يا ملك مش من جنس الرجاله ولا ايه
ملك: ده يبقى حمايا يعني من محارمي وبعدين ده عز زي يوسف زي ابويا ده انا كنت بلبس أقصر من كده في روسيا و.....
عمار ولين بفرحه: بابا
عمار ولين حضنوا ابوهم وهو قال: مزعلين ماما ليه
لين شاروت على عمار: بيشد في شعري من الصبح
مروان: ليه يا عمار
عمار: ما هي لما بتتعصب بيبقى شكلها كيوت
لين: طب تعالى أعصابك انا والله لاكسر ليك اللعب
عمار: لا يا لين حرام عليكي
مروان بص لملك اللي فرت على الاوضه وقبل ما تقفلها مروان منعها ودخل
ملك وهي تكاد تبكي: لا بالله عليك يا مروان انت عقابك صعب
مروان بصلها وقال بغيره: عارفه لو بابا كان خرج وشافك كده كنت عملت فيكي ايه
ملك بهمس: يخربيت التملك
مروان: اممم يبقى شكلك عايزه تعيدي العقاب
ملك كانت هتهرب بس مروان مسكها ووقعوا على السرير
'' لا لا لا بلاش يا مروان حرام عليك آخر مره مكنتش عارفه اقوم من السرير ''
مروان بضحك: علشان تحرمي
           ~~~~~~~~~~~~~~~~

Sabreen 💙