" الأمور مُعقدة أكثر من اللازم .."
مرام كانت قاعده متوتره شديد
كانت لأول مره نفسها ابوها ما يموت
و تفهم الحاصل و منو ال جا سأل من ميرال؟
مليون سؤال في بالها
و الشاغل بالها أكثر الزول ال شافها و هيا بتطعن ابوها
من جهة قصة ميرال
و من جهة حياتها
لا عارفه تمشي قبل ابوها يصحى و تلقا طريقه تهرب
لا عارفه تصبر عشان تقدر تحمى ميرال اكثر
أثناء ما هيا واقفه لمحت زول وراها
عاين ليها و أبتسم
كان كل شى حولينها بخليها تخاف
كانت حاسه نفسها مراقبه من كل الجهات
...
عند ميرال :
سمعت كلام مصعب و عمر و دخلت البيت جوا
كان عندها فضول غريب تعرف قصة عمر شنو
و حصل شنو في حياتو خلاهو يتغير كده
بس في نفس الوقت ما كانت عايز تفكر كتير
و تدخل في دوامه هيا في غنى عنها
طردت كل الأفكار دي و اتوضت و قعدت تصلي
كانت بتدعى أنو مرام تكون كويسه و ما حاصل ليها شى
فضلت قاعده وقت طويل
لمن باب الشقه دقه
فتحت لقت عمر
عمر:جيت اشوف لو ناقصك حاجه
ميرال:لا
عمر:طيب انا ح اكون في الشقه لو عايزه حاجه دقي لي الباب
ميرال:طيب
عمر دخل الشقه و انا قفلتا الباب
ما لقيت شى اعملو
طلعتا هدومي و قلتا اغسلها
لأنو جزء كبير شلتو و هو وسخ
ما كان في مويه في البيت الفترة ال اخيره عشان اقدر اغسل
كان في غساله بس م عرفتا كيف اشغلها
لقيت جردل كبير قلتا اغسل بيدي
بديت اغسل و المويه قطعت في نص غسيلي
ما عرفتا اعمل شنو و دقيت الباب ل عمر
عمر:في حاجه؟
ميرال:المويه قطعت
عمر:اها عادي حسي برفع من الخزان بس انتى بتعملي شنو مليانه مويه كده
ميرال:بغسل
عمر:هو صراحه الشقه دي فيها مشكله مويه و موضوعها طويل، ممكن تجي تغسلي عندي أسهل و نضمن المويه م تقطع تاني
