صوت استغاثه

صوت استغاثه 8

لتنسون التصويت حبايبي ✨

#الكاتبه_اماني_المحنه ✨

꧁꧂________♡_______꧁꧂

مصطفى خاف على ابو وركض يجيبله حب الضغط وابو عمار صار يكعد بي ويرش مي على وجه حتى يصحى..

مصطفى مسترهگ شاف منار واكفه مثل التمثال والصينيه بيدها

: ولج منااار اركضي جيبي حب الضغط ابويه ارتفع ضغطه بسررررررررعه

منار اخذت الصينيه شمرتها بالمطبخ بسرعه

امها: شكو يمه شبيج مستعجله

منار بنفس عالي: ابويه اترفع ضغطه ورايحه اجيب الحب

امها: يمه سوده بوجهي الحگي ولج ليموت..

ركضت منار وانطت الحب لمصطفى

مصطفى خايف على ابو شافه بحضن ابو عمار فاتح عيونه نص ونص وشايفه يابسه ويهذي، فتح حلگه مصطفى وخله الحبايه وشربه مي

ابو عمار: خلي ناخذه بسيارتي للمستوصف الرجال مو زين ليموت بين اديه يمعود

مصطفى: ابويه مريض والدكتور محذرنه من هل شي وانته اجيت وصدمته بهل حجي زين ما جلطته

ابو عمار: اي واني شعرفني بي هيج وبعدين اني سويت الي طلبه مني تره شنو هل حجي

مصطفى: انتو تفكرون بس بمصالحكم وهاي هيه والله العظيم

وبنص هل المشاده بالكلام صحى صالح ورجع لوعيه لكن مو بشكل كامل

: مصطفى بابه شنو هذا الكلام احترم الرجال تره مو بعمرك بويه

نوب باوع لبو عمار وكله

: حقك عليه اني اسف مجان لازم يصير هيج بس مكدرت متحملت هل شي..

ابتسم ابو عمار: لا عادي تصير هل اشياء بشغلي ومتعود على هل كلام عادي اني الي يهمني مساعدت الناس وبس هسه انته ارتاح واني غير يوم امر عليك

صالح: ولله انته ابن اصول وماكو منك ربي يوفقك ان شاء الله

وكف ابو عمار ومصطفى ساعد ابو وكومه لان ابو عمار راح يروح

ابو عمار: يله بعد اسلم عليكم حجي

صالح: الله وي......

سمعو صوت الباب اندفع وانفتح وصياح الام وهيه تكول

: اوكفي يمه رياااام

واله بريام داخله عليهم بطرگ الدشداشه بدون حجاب وركضت على ابو عمار

: لتروح ضل يمي...

صالح نشف ريگه وهوه مصدوم مكدر يتحرك بسبب هل موقف ولسانه انربط وكأن الكلمات ما ترضه تطلع ولسانه خانه عن التعبير والكلام عيونه مبككه وهوه يشوف بنته بهل منضر وواكفه كدام رجال غريب...