بـــســـم الـــلـــه الـــرحـــمٰـــن الـــرحـــيـــم»🤍 لا أبيح القراءة بدون لايك❗ •#روايات #رواية • وقف شوي يناظرها بابتسامة ، وبداخله يحمد الله أنه تزوج ميرنا ، وقفوا فمكان وهم يناظروا للبحر ويشوفوا للأولاد اللي كانوا يلعبون كورة وسط رمال الشاطئ ، ناظرت فإياد وخطرت على بالها فكرة : إياد التفت لها إياد ، كملت وهي تأشر على المحل اللي يبيعو فيه أغراض الشاطئ : هاا شرايك ناظر فيها إياد وناظر الأولاد ، فهم قصدها وقال وهو يضحك : يابنت معاك بطل كرة القدم ، كيف راح تهزميني ابتسمت وهي تحاول تبعد عنه الأفكار السلبية . .بعد مور وقت ، جلسوا على الشاطئ وكانوا يسولفوا ، معظم سوالفهم عن عائلة إياد وكيف رح تتقبل ميرنا ، التفت لها من ناظرت فيه وقالت : ولد ، الحين ودي أخبرك شيء مهم إياد : واللي هو؟ ميرنا : ودي أدخل الإسلام إياد بصدمة مختلطة بفرحة: وشوووو ميرنا هزت راسها بنعم : صدقني مش عشان حد ، صح أنو من بين أسباب عدم تقبل أهلك لي هو ديانتي ، بس مش عشانهم ولا بسببهم رح أعتنق الإسلام ...أكملت كلامها وهي تناظره : أتذكر أنو كل ماكنت تكمل صلاتك ، وترتل القرآن ، كنت أسمعك ، وبيوم قررت أني أبحث فالإسلام ، إش اللي يجعله مختلف عن ديانتي ، وبالفعل يوم بحثت لقيت أجوبة لأسئلة ولا عمري توقعت رح ألقاها ، والمعجزات ،والفرآن الكريم اللي هو يحدث ذاته معجزة ، لهيك أقول الحمد لله الذي هداني كان إياد يناظرها ويركز في كل حرف تنطق فيه ، لمعت عينه من كملت كلامها ، حضنها لدقائق بدون ماينطق شيء ، وقطع الصمت من قال : الحمد لله الذي هداك ، اللهم لك الحمد كما ينبغي لجلال وجهك وعظيم سلطانك ، تعرفي يا ميرنا ، والله أنك أفرحتيني الله يسعدك ، تعرفي.. قاطع كلامه جواله اللي يدق ، ناظرها بعدين رفع الجوال ولقاه أبوه ، رد عليه وحط الهاتف قدام اذنه : ولد الحين ترجع للبيت الحين إياد سكت شوي وقال : وميرنا؟ يعقوب تنهد وقال : وين تخليها يعني ؟ المهم الحين ترجع • •بيت يعقوب : فالصالة اللي متجمعين فيها أفراد عائلة يعقوب ، بعد ما رجعت كل عائلة لبيتها إلا عائلة عبد الله ، وقفت نورة من سمعت صوت سيارة تركن قدام بيتهم ، ناظرت من الشباك ولقت ولدها وصل : تراه وصل قام يعقوب توجه هو ونورة للباب ، فتحوا الباب لهم ، أول ما شافته نورة حضنته بقوة وسط ابتسام ميرنا ، ابتعدت عنه أمه وهي تقول : حياك الله ياولدي ، أدخل ...التفت لميرنا : وانتي بعد ياصغيرتي ادخلي داخل الليل قرب اياد وميرنا ابتسموا ودخلوا البيت بعد ما سلموا على يعقوب ، توجه إياد للصالة وهو ماسك يد ميرنا ،بمجرد دخوله ركضت له على تعانقه ، بادلها الحضن ، وابتعدت عنه وهي تضرب كتفه بمزح : ياخي تتزوج وما تخبرني؟ إياد ابتسم وقال : خبرتك هبة باستغراب : متى خبرتني ها؟ إياد : أفاا نسيتي ...أكمل كلامه وهو يناظر ميرنا ويمسك يدها: مش خبرتك أنو جاي ومعي مفاجأة؟ هبة : أهااا الحين تذكرت التفتوا لنورة اللي دخلت الصالة وفي يدها صينية فيها شاي وحلويات : اجلسوا يا أولاد اجلسوا وضعت الصينية على الطاولة وجلس الكل ، التفتوا لهبة اللي أبعدت إياد من ميرنا وجلست جنبها ، ضحكت من تعبير إياد بهديك اللحظة : أفاا تبعديني عن زوجتي هبة هزت راسها بنعم وهي تبتسم،وناظرت ميرنا وهي تمسك ايديها : الحين يا زوجة أخوي عرفينا عن نفسك قبل لا تنطق ميرنا قالت نورة وهي تشرب الشاي : البنت أجنبية كيف تتوقعيها تفهم عليك يابنتي نطقت ميرنا وهي تبتسم : صح اني عشت فأوروبا ، بس أنا عربية ابتسم إياد ، أما هبة قالت : أنا هبة هزت ميرنا راسها بنعم ونطقت : أعرفك ، إياد خبرني عنك وعن لينا ناظرت هبة إياد : وأنا أحسبه نسى أنو عنده أخت اسمها هبة ..أكملت كلامها وهي تقول : صح شو اسمك ؟ كم عمرك؟ ميرنا : أنا ميرنا ، عمري 24 هبة : يوووه بنفس عمري ، شكلنا رح نستانس مع بعض إن شاء الله وبقوا يتكلمون مع بعض ، أحيانا نورة تكلم ميرنا وأحيانا هبة ، أما إياد فطلع عند أبوه اللي كان يكلم بجواله فالحوش ، وبمجرد ماشافه استأذن من الشخص اللي يكلمه عشان يقفل الخط ، ناظر إياد وقال : حياك الله ياولدي إياد استغرب من أبوه ، كان يظن أنه معصب منه بسبب اللي سواه ، بس ردة الفعل كانت غير : ارحب تقدم منه يعقوب وحضنه وسط استغراب إياد ، وخر عنه وهو يحط يده على كتفه : كبرت يا ولدي وتزوجت هاا إياد : ايي والله يبه يعقوب : الله يرزقكم بالذرية الصالحة إياد : آمين التفتوا لباب الحوش اللي انفتح ودخل منه ثابت ومريم اللي نائم نوح بين ايديها سلموا عليهم ، دخلت مريم عند نورة والبنات ، أما ثابت بقى مع أخوه بعد ما وقف يعقوب يكلم بجواله : أفاا ترجع من سفرتك وما تخبرنا إياد : والله ياخي حبيت افاجئكم ثابت : لا تخاف فاجأتنا فاجأتنا ... ناظر أبوه وهمس ل إياد : ما هاوشك؟ إياد هز راسها بنعم : العكس رحب فيني و بميرنا بكل فرح ثابت : ليه ما خبرتني أنك راجع ؟؟ إياد : عشاني لو خبرتك رح تجي تستقبلني بالمطار ، ورح يعرف أبوي أنك تعرف أني متزوج ، وراح تصير هوشة ثابت : صرت تفكر فيني هاا إياد ابتسم ورجع نظره لأبوه : أكيد • •فالصالة : دخلت مريم ولقتهم يحكون مع بعض : السلام عليكم ردوا عليها نورة و هبة: وعليكم السلام أما ميرنا اللي بقت ساكتة وناظرتها وهي تبتسم ، توجهت لها مريم بعد ما حطت نوح فسرير صغير موجود بالصالة : هلا والله فيك نهضت ميرنا من مكانها : أهلين هبة تكلم ميرنا : هي مريم زوجة أخوي ثابت ميرنا : أهاا عرفتها .. ناظرت مريم : أنا ميرنا زوجة إياد جلسوا مع بعض وناظروا نورة يوم قالت : صغيرتي ميرنا بسألك ميرنا وجهت نظرها لها : تفضلي يا خالة نورة : انتي مسلمة أو.. قبل لا تكمل كلامها صحا نوح وبدأ يبكي ، نهضت له مريم تسكته ، أما ميرنا فأجابت وهي تناظرها : أنا حاليا مش مسلمة بس نورة : بقولك حاليا يعني.. هزت ميرنا راسها بنعم وقالت : بإذن الله رح أعتنق الإسلام ، صراحة كل ما بحثت عنه كل مازادت رغبتي أني أعتنقه نورة وهي تبتسم : الحمد لله الذي هداك التفتوا لإياد اللي دخل وهو يسأل : ويني لينا ما التقيت فيها نورة وهي تتنهد : عند عمك محمد ، ما ودها تلتقي فيك • •بيت محمد : فغرفة أبرار اللي فيها لينا و لورا و ديما : بس كيف يرجع وكمان متزوج بدون ما يخبرنا لورا : خلاص يابنت جننتينا معك ديما : بس جد كيف يعمل هيك؟ ليش ماخبر على الأقل عمي وعمتي أبرار قرصت ديما : لا تزيدي الطين بلة التفتوا للباب اللي فتح ودخلت منه ريحانة ، مشت للبنات وهي تقول : يااه الحمد لله خلاني أبوي أجي لورا : بنت كيف سمحلك؟ ريحانة : لا تسألي؟ لينا : بنات التفتوا لي مش لريحانة ، البنت طلعت من البيت دون ما يعرف جدي ريحانة : إش فيها هي كمان؟ ليش ما راحت مع يعقوب؟ أبرار وهي تقوم ل ريحانة : قالك عشان ما تلتقي ب إياد ريحانة ناظرت لينا وهي تمزح : خير يا حبيبتي تتدلعين ، أخوك رجع بعد سنوات وانتي ماودك تلتقي فيه بس عشانه تزوج بدون لا يخبرك ؟ لينا : وانتي عمته وللحين ما تلاقيتي فيه ريحانة : بس مو لسبب أنو تزوج ديما : وليش؟ ريحانة : عشانه ما بحث عني لورا ناظرت ريحانة من فوق لتحت وهي تضحك : الحين مين اللي تتدلع • •اليوم التالي الساعة 10 الصبح--فمكان آخر: كانت ماشية مع صديقاتها "ريم" و "يسرى" بالمول عشان يتسوقون لعرس ريم ، كانت ماسكة في يد أكياس ، واليد الثاني ماسكة فيه كوب قهوة ، كانوا داخلين محل قبل لا يخبط فيها ولد كان مسرع وتنسكب كل القهوة عليه : ما تنتبهين انتي ملاك وهي تناظره من فوق لتحت : نعم؟؟؟ شكلك نسيت أنك أنت اللي خبطتني مش أنا أدههم ناظر ملابسه اللي صار لونها بني ، ناظرت صديقاتها وقالت وهي تسخر : على الأقل عمل فني صديقاتها كانوا ماسكين الضحكة ،أما هي ما اهتمت وصارت تضحك وهي تشوف وجه أدهم اللي صار أحمر من الغضب أدهم بحدة : وش وش؟ يابنت أقول انتبهي على نفسك وراي شغل ولا والله كنت.. ملاك : كنت؟ وش رح تسويلي يعني رح تضربني؟ رح تكب علي قهوة ...أكملت كلامها وهي تناظر جوالها اللي كان يرن : المفروض تدفع لي ثمن القهوة اللي كبيتها ، بس رح أسمح لك دي المرة بس عشانك ضحكتني ...وابتعدت منه هي وصديقاتها وسط غضب أدهم اللي صارله عصبي زيادة عن اللزوم هذي الأيام • •عند ملاك : كانوا ريم ويسرى يتناقشوا وش يشترون ، أما ملاك تكلم في جوالها : يمه خليني اليوم أنام عند ريم ، تكفين أم ملاك : قلت لك اليوم ترجعين ، عمتك أم سمير جاية عندنا هي وبنتها جواهر التفتوا لها صديقاتها لما وقفت وصارت تقول بجدية : يمه لا تقولي عمتي ، يعني بعد ماصار أبوي عنده خير تبارك الله ، صارت فجأة عمتي وصارت كل فترة وفترة تجينا ، أنا مش راجعة اليوم ، وبس أم ملاك تنهدت : مارح أسمح لك تنامين عند صديقاتك مرة ثانية لو ماجيتي ملاك : يمه تكفين ، مش عشانها تمنعيني أنام عند صديقاتي أم ملاك : هي تجي الساعة 1 الظهر إن شاء الله ، لو ماجيتي قبل ماتجي هي خبرتك أني مارح أسمحلك تنامين عند صديقاتك تنهدت ملاك وناظرت صحباتها : جاية جاية قفلت الاتصال وناظرت صحباتها : بنات مارح أطول اليوم معاكم حضنتها ريم وابتسمت لها : لا عليك بعدت عليها ملاك وقالت : الحين بنات خلونا نكمل قبل الساعة 12 الظهر ، عشان لازم ارجع البيت بكير • •بيت عبد الله : كانت جالسة تكلم ليان اللي صارلها أيام وهي عند بيت أهلها ، وقامت من مكانها يوم سمعتها تقول : أظن مارح أرجع لعندكم تالا : يابنت وش تقولي!! ليان هزت راسها بنعم وهي تقول : صح يمكن تظني أنو المشكلة صغيرة ، بس بالنسبة لي مش صغيرة ، تخيلي يخفي علي أسىراه ، حتى مهمة تدوم لأكثر من شهر ما خبرني فيها ، وكان ناوي أنه يخبرني فاليوم اللي تبدأ المهمة تالا : طب والجنين؟ ليان : لا عليك أنا أهتم فيه بإذن الله ، أهلي مش مقصرين تالا : وأمك؟ تنهدت ليان : أبوي مارح يسمحلها تطردني برا البيت • •عند أحمد : كان فمركز المدينة اللي فيها العصابة يناقشوا فخطط عشان يمسكوا كل العصابة مرة وحدة ، أما أحمد فكل تفكيره كان في أخوه اللي كان سبب فأنه يدخل الجيش ، أخوه اللي خطفه زعيم العصابة يوم كان صغير ، وخلى العائلة تدخل فكآبة لأكثر من سنة ، وللحين يحاولوا يتناساو الأمر ، ناظر كل شخص لصوت القائد اللي كلمهم فاللاسلكي : الفرقة 3 والفرقة 15 الحين تطلعون بسرعة ، سيارة زعيمهم متوجهة للمطار أحمد قام من مكانه وأسرع أخذ البدلة والسلاح وطلع ووراه الفرقتين ، وصلوا السيارات وحركوا على المطار • •عند ملاك : وصلت البيت وأغراضها وضعتهم فخزانتها ، شوي ووصلوا عمتها وابنتها "أسماء" ، دخلوا البيت وسلموا عليهم ، وجلسوا فمجلس النساء : كيف أحوالكم أم ملاك : الحمد لله وانتو أم سمير : والله الحمد لله كانت ملاك تستخدم جوالها وهي مطنشتهم ، بقوا يحكون حتى قالت أم سمير : والله يا منيرة تعرفي أنو ولدي سمير توه راجع من السفر....أكملت كلامها وهي تناظر ملاك : وودي أزوجه ملاك ما انتبهت أنو عمتها تناظرها ، ولا انتبهت للي قالته أصلا ، وهذا الشيء خلى أسماء ابنة عمتها تعصب ، وناظرت أمها بنظرات خبث : يما أظن أنو لقينا البنت المناسبة أم ملاك بابتسام : من البنت المحظوظة بولدكم؟ أم سمير بنظرات خبث لملاك: ابنتك ملاك ملاك رفعت راسها بهدوء من جوالها ، وقالت وهي مش عارفة السالفة : نعم ياا...سكتت شوي وأكملت : عمة أم سمير تمالكت نفسها لأنو ملاك ماكانت منتبهة لها من البداية : رح أزوجك ولدي سمير ملاك وسعت عيونها وتركت الجوال من يدها: نعم؟؟!! منيرة: ايه يا بنتي ، يا حظك فيه ملاك قامت من مكانها وهي متنرفزة : نعم!!! ياحظي فيه!!! ياحظي فولد تحر*ش ببنت عمته!!! وجهت نظرها لأم سمير اللي كانت موسعة عيونها مصدومة من اللي سمعته : تحسبيني ما أعرف فعايل ولدك!!! وأنه دخل المستشفى بعد ما ضربه زوج هذيك ليان ؟؟ منيرة : وشوووو!!! أسماء قامت دفت ملاك اللي سقطت : مين انتي عشان تتكلمي على أخوي هيك!! أخوي أشرف منك ومن أبوك الخايس اللي ماله قيمة بعائلته ملاك قامت ضربت رجل أسماء اللي سقطت هي الثانية ، مسكتها من شعرها وقالت وسط ذهول أم سمير ومنيرة : جيبي سيرة أبوي مرة ثانية ...أكملت وهي تقول : تحسبيني ما أعرف ليه أنتو صرتوا ما تفارقوا بيتنا؟؟ مش عشان الطمع وعشان تاخذون جزء من الورث تبع أبوي؟؟؟ • •بيت قاسم : كانت توها تكمل صلاتها ، قامت وتوجهت للصالة اللي كان جالس فيها قاسم ينجز أعماله ، أغلق اللابتوب لما شافها ، ابستم لها وقال : هلا بالأميرة توجهت له وحضنته وهي تقول : هلا والله أكملت كلامها وهي تناظره : قاسم الحين وش بيسوي أبوي لو يلقاني تنهد قاسم : خبرتك لا تجيبين سيرته مرة ثانية ، لا تخافي بإذن الله هو مش رح يلقاك ، أصلا هو من سنين ما يعرف علي حتى خبر سمر : بس يا قاسم... قاطعهم صوت طرق قوي فالباب ،قوي لدرجة أنه الباب على وشك أنه يتكسر ، ناظروا بعضهم وكانت مبينة على ملامح سمر الخوف أما قاسم يفكر وين يخبئ أخته ، بدأت ترتجفو اختبأت سمر بسرعة خلف الكنبة بعد مادخل مجموعة رجال يخفون وجوههم بوشاح ، توجه قاسم للدرج عشان يأخذ مسدسه ، وقبل وصوله عشان يمسكه ضربه واحد من الرجال بقوة على بطنه ، وكل الرجال كانوا جالسين يضربوه حتى فقد كل قوته ، إلا واحد اللي كان يبحث عن سمر ، وبسرعة وجدها وتوجه للرجال وسط ذهول قاسم : بلا يا شباب لقيتها الرجال تركوا قاسم ، وقبل خروجهم قال واحد فيهم : أبوك يبلغك السلام وتوجهوا لسيارة قدام البيت وحركوا • •عند بيت الجد : كانوا جالسين على الأرض فالصالة ، كانوا يلعبوا جرأة وصراحة ، قامت لورا تسأل ميرنا بعد ما اجاها الدور : جرأة أو صراحة ميرنا : صراحة أبرار : هاا انتي كل مرة صراحة ابتسمت ميرنا ، أعادت نظرها للورا اللي قدمت لها السؤال : كيف تعرفتي على إياد لينا : صح صح كيف تعرفتي على أخوي ؟ وليه ماخبرنا أنه تزوج ؟ هبة تهمس للينا : خلاص يا بنت كلنا نعرف ليه ما خبرنا ريحانة : خلاص بنات ، يلا ميرنا كيف تعرفتي عليه بدأت ميرنا تحكي •قبل 10 شهور : كانت توها طالعة من جامعتها بعد ما أكملت محاضراتها ، توجهت لسيارة صديقتها اللي كانت تنتظرها ، فتحت الباب وركبت وهي تستعمل جوالها (هي تتكلم بالاسبانية): آسفة لقد تأخرت رفعت راسها وفمكان صديقتها لقت ولد جالس يناظرها بحيرة ، صار وجهها أحمر وقالت وهي تطلع من السيارة : آسفة آسفة ، ظننت أنك صديقتي وطلعت تركض نحو بوابة الجامعة ، والتفت لسيارة صديقتها من سمعت صوتها ، راحت لها ويدها على وجهها : خير يا يارا؟ يارا : لا شيء لا شيء ميرنا : وجهك؟ لماذا هو أحمر؟ ولمن تلك السيارة التي خرجتي منها الآن ؟ يارا : مابه وجهي ؟ هو ليس أحمر انتي تتخيلين ميرنا : والسؤال الأخير؟ يارا : لا أعرف ميرنا ما اقتنعت وطلعت من سيارتها متوجهة لسيارة إياد اللي كانت رح تحرك : انتظر انتظر وقف إياد السيارة وقال وهو يبحث عن أوراق معينة : نعم ميرنا : أولا تعلم عندما تكلم شخصا يجب عليك أن تنظر إليه قال إياد بدون ما يناظرها : تحتاجين شيء؟ قبل لا تنطق سمعت صوت صراخ من سيارتها ولما ناظرتها شافت شخص يسحب صديقتها للخارج ، راحت تركض له ودفته بس هو كان أقوى منها ورد لها الدفة وطاحت بالأرض وانجرحت ايدها أما صديقتها كانت باقية تصارخ ، صارخت ميرنا وهي معصبة : سباستيان اتركهاا!! بمجرد ما التفت لها جاه بوكس من إياد وسط ذهول ميرنا ويارا وصدمة سباستيان : صدعتلي راسي • •بالحاضر : ميرنا : بعدها تحركنا من المكان بدون مانشكره حتى ، واكتشفت أنه صار يدرس بجامعتنا ، كنت أشوفه مره على مره ، وولا مرة كلمني طوال هذيك الشهور، وقبل 4 أشهر عرض عليا الزواج وتزوجنا ريحانة : أهلك؟ ميرنا تنهدت وقالت وهي تناظر جوالها اللي كان يرن : على سيرة أهلي لفت لهم الجوال يقرؤون اللي رن : أختي لها أكثر من شهر تدق علي كل ما أرد تحاول أنها تقنعني أني أرجع إسبانيا ، أعرف أنهم أبوي وامي اللي يخبرونها تحاول تقنعني تالا : أفهم من كلامك أنهم .. ميرنا بابتسامة : آه ما كانوا موافقين ، بس عشانه مسلم ، وكمان عربي ، صح أنو أصولهم عرب بس يكرهون العرب مره مش طبيعي حضنتها هبة : احنا أهلك الثانيين يا ميرنا مارح تحسي بالغربة معنا بإذن الله • •عند سمر : كانت فغرفتها فاقدة الوعي ، صحت مع دخول أبوها لغرفتها وهو يصارخ : هيييي للحين نايمة!!! يلا اصحي استوعبت أنها مش مع قاسم : كيف؟ منيب : لا يمسكك الفضول كيف لقيتك ، وانزلي للأسفل زوجك ينتظرك قامت من مكانها : وشوووو!! زوجي؟؟؟ يعني أنت ما تتغير أبدا جاتها لحظة إدراك أنو أيمن للحين ما جاها : ووين أيمن وينه؟ منيب صار يضحك : أيمن؟ ما أدري ، شكله نساك بعد ما اغريته بأموال سمر صارت تحرك راسها تنفي: لا لا أيمن مايسويها منيب : يلا بلا كثر حكي وقعي وانزلي لعند زوجك صارت تفكر ، ولاحظت أنها مالها حل آخر من غير أنها توقع ، وقعت وبدون لا تسمع من أبوها كلمة مسكت عبايتها وطرحتها ونزلت للأسفل ، انصدمت من شافت شاب ما يتجاوز عمره 25 سنة واقف يكلم بجواله ، ناظرت فيه باستغراب ، ولما لف وشافها أغلق جواله وتقدم لها : سمر؟ هزت راسها بنعم وهي للحين مستغربة ، هذا مش صديق جدها اللي شافته المرة السابقة ، انتبهت له من قال : أغراضك؟ سكتت شوي ، وهو ناظر خلفها لقى ابوها جاي من الطابق الثاني وهو يناظرهم : للحين ما رحتوا؟ يلا خذ زوجتك ولا عاد ترجعوا بيتي ، وخبر جدك أنو الصفقة اللي بيننا تمت مسكت عبايتها بقوة وهي ماسكة دمعتها ، أما هو هز راسه بنعم لمنيب و كان رح يمسك سمر من يدها بس هي أبعدت يدها وتوجهت للباب عشان تطلع ، أخذت نفس عميق ومشت وراه بعد ما طلع من البيت • •في مكان آخر : كانت جالسة في غرفتها تكلم صديقتها ، قامت من مكانها تدق عليها ، كان الجو
ال يرن بس صديقتها ما ترد ، وشافت رسالة منها تقول " بالغد إن شاء الله خلينا نلتقي فمول *** " ، قفلت جوالها تناظر السقف ، كل يوم تنصح صديقتها ، تحاول تبعدها عن الطريق الغلط ، بس صديقتها ما تتغير ، قامت تفتح الباب من سمعت دق ، دخلت اختها وهي معصبة : هدي يا توتو هدي تالا : كيف أهدي ، ليان للحين على رايها ، ما تبغى تجي ، كنت أحسبها بس تمزح ، بس البنت من جدها لورا : يابنت تعرفيها ، مع الوقت بإذن الله رح تلين جلست على سرير لرا ومسكت جوالها تكلم ليان ، وتركته من وصلتها رسالة من أحمد ، اللي من يوم هواشه مع ليان ، هي ماترد عليه ، فكرت شوي ورجعت مسكت جوالها ترسل رسالة لأحمد : لا عاد تتصل على ليان هي مارح ترد عليك أغلقت جوالها وناظرت لورا اللي كان مبين عليها القلق : وش فيك انتي بعد لورا : ولا شيء تالا جلست تفكر شوي ، ومسكت لورا وجلستها على السرير : لورا ، أنا قررت لورا : وشو تالا : رح خبر ليان لورا باستغراب : عن أي شيء؟ تالا : عن أحمد قبل لا يخطبها لورا وهي تفتح عيونها : رح تخبريها أنه خطب أبرار قبل لا يخطبها؟ تالا : نعم ، بما أنو الوضع الحين مش منيح ، خليني أقول كل شيء ، انتي ما تشوفيني كيف كل ما أشوفها أتذكر الموضوع ، ترا لي أكثر من سنة ما خبرتها وقت طويل خليني أخبرها لورا ما حاولت أنها تمنعها ، لأنها تعرف شعور اختها ، وتعرف أنو ليان من حقها تعرف ، صح يمكن علاقتها تفسد مع أحمد ، وحتى مع أبرار ، بس ما حاولت تمنع أختها مسكت بهاتفها واتصلت على ليان ، ثواني وردت ليان عليها : هلا والله تالا : هلا فيك ....سكتت شوي وقالت : ليان أبغاك فموضوع مهم ليان : أبشري ، بس ثواني أصعد لغرفتي أستنت ثواني ووصلها صوت ليان : ها شنو الموضوع ؟ إذا كان عن أحمد فمن فضلك اغلقي السالفة تالا : عن أحمد ، بس موضوع آخر ، الحين لا تتكلمي حتى أكمل كلامي ...سكتت شوي وأكلمت : قبل لا يخطبك أحمد ب 5 شهور ، خطب أبرار ابنة عمي محمد ، وأنا ما خبرتك عشان لا أكسرك ، وكمان.. أبعدت الجوال من وذنها لما أغلقت ليان الخط ، أغلقته واغلقت معاه قلبها ، مشاعرها صارت تتضارب ، ما بين حزن على حالها وعلى جنينها ، معصبة من صديقتها ومن زوجها اللي كل هذا الوقت مخبيين هذا الشيء عنها ، معصبة منهم لأنهم أكثر من سنة مخفين الموضوع عليها ، أما عند تالا اللي أرسلت رسالة لأحمد أنها خبرت ليان بكل شيء ، أرسلت له رسالة وهو متوجه يكمل مهمته ، تنهد ومسك جواله يتصل عليها ، بس مايوصله رد ، رن مرة و ثنين وثلاث بس ماترد ، ندم على اليوم اللي هاوشها فيه ، ندم لأنه يخفي معظم أسراره عنها ، استيقظ من أفكاره لما ناداه ناصر : أحمد ، أنت بخير؟ ___________________________________________ رأيكم بالبارت🤍 حساب انستا :
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
