"الشيخ باهر"

بارت اضافي ✨

هلو بنات صح اني اعتزلت بس انشالله مؤقت هذا الشي وحبيت اكتب الكم هذا البارت الاضافي حتى تعرفون شنو صار ويا ريم والشيخ باهر اخر فتره 🫶
_______________________________________.

بسم الله الرحمن الرحيم

ريم:- دخل باهر وهوه معصب هاي صارله ايام ميتحاجه وخاصتا وياي ماعرف شبي

باهر:- ويين الدشداشه مكويه لو لا؟

ريم:- اكيد حبيبي كلهم مكويات

طلعتها من الكنتور واخذ من ايدي بنتر ودخل للحمام
بسرعه نزلت دمعتي ماعرف شنو الي غيره هاي الفتره ابد مو باهر هذا ابد والكل لاحظو هذا الشي وسألوا وهوه يتعصب ويكول مابيه شي.

طلع من الحمام بدل وسوه الشماغ وطلع بدون حتى ما يكول اني طالع أو يبوسني وهوه كل مره هيج يسوي ويسألني اذا محتاجه شي يجيبه ويا من يرجع.

نزلت جوه يم البنات شفت عمه خاله جهاد ورهف بحضنها ودنيا كاعده تشوف مسلسل وديمه وغسق اكيد نايمات لان يجن من العياده تعبانات.

دنيا:- شبيج حبي ليش ضايجه ؟

ريم:- يعني ماتعرفين ؟

دنيا:- والله مادري شسوي مو كدام عيونج حاجيناه اني وحكيم وحتى عمه ومعتز وهوه يكول مابيه شي واذا لحينه راح يعصب وتعرفينه من يعصب شيسوي

ريم:- لحد يسوي شي عوفوا خلي اشوف اني بشنو غلطانه أو شنو الشي السويته غلط حتى هيج يعاملني.

للمغرب ودخلوا الولد رهف ركضت لابوها ومعتز وجهاد هم راح لابو

رغده:- الله يساعدكم وليداتي

حكيم:- ويساعدج يمه

معتز:- بربكم شني العشه ميت جوع

دنيا:- دومك انت ميت جوع هسه سويت الكم معكرونه ب البشاميل وبيتزا وبتيته

معتز:- هذا العشه عوزه بعد بيبسي خل اروح اجيب وانتي صبي يلا تره تصير بتفگ

دنيا:- ههههههههههه ماشي روح بس مو تجيب بس لنفسك احنا هم انريد

معتز:- وشني انه اصرف عليكم عندج رجل خل يجيبلج

حكيم:- انجب جيب للكل مو لحلگك

باهر:- من خصتكم

ريم:- اباوعله حتى ما تناقش وكال شنو الهوسه مثل كل مره صعد بكل هدوء

صعدت ورا كلت :- الله يساعدك گلبي

باهر:- ويساعدج

ريم:- اكيد جوعان حبيبي بس اسبح وننزل ناكل

باهر:- ماريد طلعي وطفي الضوه

ريم:- شبيك عمري صاير شي احجيلي

باهر:- ماكو شي طلعي

ريم:- لعد ليش هيج تعاملني شنو مسويه اني غلطانه بشي ؟